ياغالي الأثمانـ
بت من وقتـي سريـع التقـلاب
ماعاد لـي بمجابـه الوقـت طاقـه
لصار وقتي فكـل الاحـوال غـلاب
بصبر وصابـر لـو يشـدد وثاقـه
وان كان كدر شربي فكـل مشـراب
بعل ومانـي بشاكـي الوقـت فاقـه
ومنع يميني عن رجـا كـل كـذاب
سـواه نـايـد جــد ولا برفـاقـه
ربى على قلبه من احقـاده غـراب
وفتح على عيـوب المخاليـق طاقـه
لابس على خبثه.. من الطيب جلبـاب
ويقدم الشـوك المسمـم فـي باقـه
يزين هـروج القفـا بقـول جـذاب
وليـا بـدا الازم سريـع انصفاقـه
يروغ مثل اللي برجلـه وطـا داب
ويصد منكر ماسبـق مـن صداقـه
ويدبر ادبـار اللـي قافيـه طـلاب
ما عاد له في موطـن القـوم ناقـه
ويصير من دون الرجا صكة البـاب
وعقب الوعود البيض يعلـن فراقـه
هذاك.. والله ..لرتجي.. بكل الاسباب
فرقاه وقطـع حبـل هـذي العلاقـه