اقتباس المشاركة الأصلية كتبت بواسطة %فزولها% الله خلق لي نفس تسمو على البوح...ماهيب لياضاقت عن الهم باحت على كثرماشفت ضيقات وجروح...لا الوجه متغير ولا العين صاحت أيات ساعه بعد ممشاك بتروح ؟ يوم العقارب من ورى الحيط طاحت ورْدِي على سقم الهوى غبوق وصبوح يا لعنبو جد الزمن كيف راحت ! يا ضوح من جاز الضواحي بلا ضوح البسمه اللي شقت الوجه شاحت ! تدرين وش وخز الربابه على الروح ؟! إسمك ليا هيّض شجوني وباحت لا تنشدين القلب وشهو له ينوح أبك الحمايم من درت عنك ناحت ! ما تذكرين الشمس والهمس والدوح ؟ يوم السوالف من عسل فمك ساحت ! ما تسألين اللي يبي يروح مـ يروح ؟ في كل مره لا خذا الدرب لاحت ! ماني قليل الوجه وإن كنت مشفوح زيّحتها من بين متني وزاحت ! لا ما نسيني من بعث بالهدى نـوح لو أكثر دروب الوجع فيّ فاحت كذا عناد ‘‘ وانتي تدرين انك اخت عزيزه يا بنت اللذينا .. بس كانت ام الفضاوه عندي .. ومبسوط لأني كتبت فيك ابيات .. ‘ وانا ما ابي شيء يعلم الله .. واعرف انها ما تستاهلك.. ‘ انتي تستاهلين اكثر ..اكثر بس شِعري على قدي .. ‘ وانتي اكبر ..