[قـيـس نـجـد]

مساء الخير





حيرتني واحتـرت .. وشـي نوايـاك
كل مانسيتك جيت تعلن خضوعـك ..!!
عجزت لفهم بالهوى كيـف مبـداك
طبعك غريب ونـادر النـاس نوعـك
مرة تجينـي قاطـع حـدود دنيــــــاك
تسبق معاذير البطـاء لـي دموعـك
في لهفة ٍ منها الوله .. جاوز إخطـاك
وكن الغــــــلا مستل سيفـه .. يلوعـك
ومـــرة .. احس ان الغلا مـن بقايـاك
ما ضمـــــته بيـن الحنايـا ضلوعـك !!
صار الغيـاب اليـوم ابـرز مزايـاك
واول غيــــابك مـايكمّـل سبوعـك
قلي امانه .. ريّح البـال وش جـاك
لاتنطفي بالحـب .. آخـر شموعـك
عطني عهودك بالوفـاء هـات يمنـاك
واللـي بغيتـه بالمــــــعاليـق طـوعـك
رهنت شوقي .. بايع الناس لرضـاك
وانهد حيلي من غرايـب طبوعـك !!
ابيك تبقـى داخـل العيـن ترعــــــــاك
لوطحت يصعب فالمحبـه .. طلوعـك
مليت صبري اشتكي منك .. وانهـاك
يالله عسى ما صابني .. مـا يروعـك
هذي حروفي نزفها مـن سوايـاك !!
ترجمتها باحساس .. ياصـل سموعـك
×
×
..