راضي بحبك لو بحبك مماتي
والموت من غيرك لا والله ماآبيه
يابخت منهو مات حبك حياتي
أنتي غرام الموت أول وتاليه
من غيرك اللي ساكنٍ وسط ذاتي
ومن غيرك اللي في حياتي أداريه
أنتي ولاغيرك حياتي غناتي
اللي سكن قلبي ونبش خوافيه
لاجلك صفاتك تعتبر من صفاتي
حب وغلا وإحساس بانت مواريه
زارع غلاك ورود ياأمنياتي
والورد ماغيري يشمه ويسقيه
عيني من أجلك ماتذوق المباتي
والليل كله لاجل عينك اساريه
بس الاكيد إني احاتي واحاتي
قلبي وقلبي يومك أنتي سكنتيه
ياخوفي إني قبل لااكتب وصاتي
أموت وأنتي يالغلا ساكنة فيه