اقتباس المشاركة الأصلية كتبت بواسطة شاعر الدرر هلا ياذيب يا وافي يانسل العز والابطال=وانا كلي فخر يا صاحبي بالشعر ورجاله انا ادري وقتنا قاسي على قولك ابد ميَال=ولكن المنايا خبط عشوا من تهيا له صديق(ن) ما حسبني مكسبه في كفة المكيال=برغم اني وفيت الكيل ما حسَبت كرما له عطيته ود ما يفنى على مر الزمن ما طال=و رد الدين في ثوب(ن) تفانى حيل باسباله سألتك بالذي انزل محمد وانزل الانفال=وش اتسوي اذا انك مكاني يالخوي حياله اقتباس المشاركة الأصلية كتبت بواسطة نايف الشريف اصك الباب من دونه وكثّر بالعدد اقفال=ودام إني نويت البعد مافكيت اقفاله انا عندي كرامه مير ماحصلت منه إقبال=جزاه اليوم إهمالي مثل مابان إهماله ودام إن العرب فيها كثير من العدد اشكال=وفيها للوفا ناس ٍ وفيها مثل اشكاله ببيعه وارخص القيمه ولو ينسام بألف ريال=ابا القالي خوي غيره وأعوّض لي خوي بداله وثوب ٍ ماخذه عيره افصّل ثوب لي تفصال=افصّل ثوب لي غيره وازيّن فيه تفصاله ودام إن الزمن حاضر ابدّل باليمين إشمال=زان الحال فالدنيا وجاد الوقت بأجياله صغيرة سن تلبس لي بلوزه مع طقوم إبدال=وجه ٍ يشرح الخاطر ليامن جيت فقباله اعيد إبها العمر وانسى واقول الهم راح وزال=( كثير الخيل فالدنيا ولكن هات خيّاله )