تخيلتك سما قلبي وحبي ويومي الموعود
ويوم شفتك انا هليت وقلت يازينها ساعه
وثاري الوقت يسرقني وانا اسمع نغم هالعود
كلام ومحتوى كذبه ياليت القلب ماطاعه
تخيلت بنجوم الليل قمرها ونورها موجود
وثاريني انا بليلٍ يصارع قلبي اسباعه
تعوذت من الشيطان ومن جور الليالي السود
ومن خلٍ نوا ذبحي ومن قلبي واطماعه
وصار الحب يعطيني اماني وحلم ثم وعود
ويرجع ليلي المعتم بنفس الشكل واطباعه
كرهت الحب واهل الحب وصرت للغواني حقود
ولو قالوا بتشري الحب بقول لا والله بياعه
*******************************
تخيلتك هناء عمري وحلمي الي ماله حدود
ويومن بحت لي بحبك نسيت الزمن واوجاعه
واثاري الحلم والفرحه مقيدة عندكم بقيود
تعيش في غابة من الكذب والغدر بانواعه
انا ماهويت الا قلب رسم لي السما بورود
وعلمني كيف اصوغ البسمة لحن واتغنابه
وماهقيت في يومن يجي وينكر الوفاء وهاك الوعود
ويضحك على قلبي الوفي ويم الهلاك يسعابه
كرهت الحياة والدنيا وكل الي بها موجود
وهاك خنجر النسيان ياقلبي لعل تحيابه
**********************
نديم يعطيك العافيه
عزف رائع لايعزفه الا من اكتوى بنار من الالم
اعتذر على هذه المداخلة مع قصيدتك
ولكن راقتني فسكبت بعض ماعندي
" كم انت عازف للحرف بارع "