السلام عليكم ورحمة الله وبركاته
كنا بأفضل حال في السابق حينما كان الممرضات من جنسيات مختلفة ولم تجلب لنا بنت البلد الا العار
والخزي في مجال التمريض ..
ارجو منك اخوي الكريم ان لاتعمم
فمثل مافي ناس فيهم شر في ناس فيهم خير
بمجال التمريض او غيره اللي بتخرب بتخرب لو هي بيتهم
واللي بتسوي منكر بتدور عليه لو بجحر النمله
بالتمريض فتايات اكبر من كذا بكثير
بالتمريض المفروض مانحكم على كل البنات كذا
بالعكس قبل فتره كنا بغرفة انتظار مستشفى الجامعي
ودخلو علينا بنات ويتحدثون وكانت الحشمه عنوانهم
وكان الطيب والأخلاق باينه على ملامحهم
لاتنسى ان احنا بحاجة لنساء في هالمجال
البعض تمتنع من الرجال او ان تحادثهم وانا واحده منهم
لو شفت عالكونتر رجال
ماعرف اخذ واعطي معه وحتى مره راح علي الموعد
والسبب اني ماقدرت اروح اتكلم معهم واستفسر عن مكان العياده
عذرآ اقول لك اخطاءت هنا لما عممت ان كل البنات اللي بالتمريض بهذه الصفه وانهم مايجلبوون الا العار
لاحظ في التدريس كذلك في مدرسات نخاف على البنات منهم
بسبب اسلوبهم ودرجه ماتتصور من المشاكل اسمعها من عمتي بحكم انها بالتوجيه
لكن دوم الشر يعم والخير يخص
بس اهم شي مانعمم لأن في ناس فيهم الخير والبركه
عذرآ لأطالتي
ويعطيك العافيه
مـ الشوق ـلاك