تنفست بعمق
اول مرة اعيش هذا الاحساس .. كنت اسمع صاحباتي زمان يتكلمون عن الحب وانه اجمل احساس ممكن يعيشه الانسان ..
بس انا خايفه بجد خايفه اني احب مهند واتمادى بحبه وهو يتمادى بغلطه علي
لا لا خلاص انا احبه وراح اسامحه .. واعطيه اللي يبغى واغير حياتي .. وانا اللي راح اسعى لمهند واعوضه واعوض نفسي الأيام اللي راحت .
عدى يومين على رسالة مهند مادق علي ولا دقيت عليه ولا ارسلت ولا قلقت لأني عايشه احساس الأغنية اللي ارسلها علي .
اتصل علي عناد اخوي اللي اكلمه باستمرار واطمنه علي .
: هلا ديوم كيفك ؟
: اهلين بحبيب اخته
: لاتقولين حبيب قولي عناد نخاف تتعودين والمرة الجاية يذبحك زوجك
: هههههههههههههه لا ماعليك محد يقدر يقرب من اخت عناد خلاص اكيد تاب وحرم
: على طاري مهند ديمه بقولك شي بس لاتعصبين
: شو ياعمري قول اللي تبغى ماراح ازعل منك
: مهند كلمني امس واعتذر مني
: اوف لهالدرجة
: ايوه اجل اش تحسبين انا قلت له اذا تبي ديمه ولا تبي تصالحها تجيني انا اول شي .. وخالك ناصر وافق .
: ههههههههههههههههههه الله يخليك لي بس ولايحرمني منك
: اقول ديوم خلاص ترى مهند كان متبهذل ومتعذب وانتي مطنشته ويقول لو مارجعتها ماني مطلقها ولاني متزوج لين اموت
قلت وانا اضحك : يهدد يعني
: لا لا لاتفهمينها كذا بس هو يحبك ويبيك ترضين عليه
: افهم من كذا انه مرسلك علي
: لا ماارسلني يقول ماابي احد يتدخل بيني وبينها بس هو قال اراضي عمي عناد بعدين ديمه
: هههههههههههههههه صرت عمه الحين ..؟
: عمه ونص ولا وش رايك ؟
: هههههههههههههههههههههه طيب عناد يعني انت اهم مني عنده ؟
: مو قصده بس تعرفين الأصول ...
كان عناد يتكلم بثقة وبرجولة وواثق من نفسه وانا متأكده ان مهند بيصالحه لأنه تكلم عليه بالمستشفى يعني اذا رضيت عليه مو حلوة يكون متزاعل مع اخوي اللي احبه كثير ..
: طيب عناد بخليك انا ماابغى اطول عليك .
: اوكي ديمه فكري زين طيب ..؟ ترى مهند رجال صح انه غلط بس صدقيني تعذب واخذ جزاه وانتي بعيد عنه .. بعدين عذره انه يحبك ويغار عليك .. وابليس وزته عليك .
: ههههههههههههههههههههههه حلوة ابليس وزته .. خلاص مستر عناد افكر ولا يهمك بس انتبه لنفسك اوكي ؟
: لاتوصين .. يالله مع السلامه
: الله معاك ياعمري
قفلت من عناد .. ورحت عند جدتي جلست معاها شوي ماعدت ابغى اهرب من التفكير في مهند لأني مستمتعه بسيرته وذكرياته وكلامه لي وحتى عذابه عشاني .. سبحان الله بعد ماكنت مهمومه من طاريه الحين مبسوطه وسعيده بأي شي يذكرني فيه . كنت اهرب دايماً من محاولات ارضائي بعد أي زعل بيننا والحين انا اللي اجيه بنفسي وأصالحه لأني ابغاه وابغى رضاه وقربه وماعاد اقدر على بعاده اكثر من كذا ..
مشتهية ارسم ياناااس ... قلت لجدتي تروح معاي للحديقه ابغى ارسم وانا اسولف معاها ماابغى اتركها لوحدها خاصة انها تعودت علي خلاص .. حتى اذا جبت سيرة اني برجع للسعودية تجلس تبكي تقول انها تعودت عليّ ..
اخذت لوحتي ولبست بنطلون جينز وبلوزة صوف لونها ابيض وأسود طويلة وكمها طويل .. لبست قبعه صوف على شعري ولفيت شال على رقبتي عشان ابوسليم بالحديقه ومااقدر افتح شعري بهذا الوقت ..!
جا مهند في راسي وقدامي وانا ارسم.. قررت ارسمه زي مااحب واتخيله دايماً . .. عيونه ونظرته فيني اذا كان يتأملني .. ابتسامته اللي تدوخني وتربكني .. شعره وهو مرجعه على ورى بشكل عشوائي وفيه خصلة جايه على جبينه .. اكتافه العريضه ويدينه القوية .. رسمته كأنه جالس ومشبك يدينه ببعض ويتأملني بابتسامه ..
اخذت مني اللوحه ساعة ونص بالضبط .. لونتها ابيض واسود وخففت الوان الوجه واليدين يعني لوحة بألوان بس مو صارخه .. احب اطلع لوحاتي بالشكل هذا احسها تعطي شكل اروع ومريح للنظر بعيداً عن المبالغه والألوان الصارخة ...
انهيت لوحتي ووريتها جدتي قلت : شو رأيك ؟
: ولك انتي بتعئدي اسم الله عليك ياديمه ... كأنو مهند إدامي ..ولو اني مابعرفو كتير.. ماشفتوا الا بليلة عرسكن .. قربت جدتي من اللوحه تأملتها بعدين ضحكت وهي تطالعني : شو ياديمه باينتك مشتائة لمهند
: ها ..؟ ههههههههههههههه خطر في بالي قلت ارسمه ..
: لكان تعي يابنتي ردي عالتلفون مافيي روح عندو ..!
: حاضر .
رحت ارد على التلفون وجيت ركض .. صحيح التلفون في الحديقه بس بعيد شوي عن مكاني .
: الو
: اخيراً
:..............
: ديمه حبيبة قلبي
: ..............
كنت ارتجف ومرتبكه احسني بيغمى علي اللي يشوفني يقول عمرها ماكلمته ولا تعرفه . وانه بيجي يخطبها اليوم ..
: طيب لاتتكلمين بس ابي اقولك شي
تكلمت بصوت واطي ومخنوق :اذا على هذاك الموضوع لاتفتحه الله يخليك وسكت شويه ... بعدين قلت : ترى ماصدقت انسى
: طيب ديمه لمتى بتظلين زعلانه .. بطلي زعل ترى اخذتي حقك مني وزياده ..
: مهند اسكت مااحب يصير حالك كذا .
: ديمه انا الحين بالمستشفى بكلمك مرة ثانية على جوالك اوكي..؟
: اوكي .
: انتظريني بكرة اوكي ..؟
: اوكي استنى منك اتصال بكرة
: مع السلامه ياعمري
: الله معاك
اول ماقفلت حسيتني وحده ثانيه احبه ياناس .. اهانني .. جرحني .. عصب علي .. ضربني وكسر راسي .. بس يرجع وينسيني كل شي ... ببساطه لأني واثقة من حبه لي ..والكل يشهد بحبه .. وباين انه تغير وغيابي عنه اعطاه درس ماراح ينساه للأبد ..
اليوم الثاني اتصلت علينا خالتي سمر قالت انها بتجي لأن خالي ايمن بيجي زيارة ثلاثه ايام وبيرجع.. وعدنان مو معاها .. ارتحت بصراحه اذا جا عدنان ماآخذ راحتي ولا هو ولا خالتي .. صار ينزلها عندنا ويسلم على جدتي ويروح ..
لبست تنورة جينز قصيرة لحد الركبة .. وبلوزة واسعه وطويله لحد الخصر وبدون اكمام .. لونها زهري وحلقها دائري واسع .. لبست معاها عقد ثلاث لفات طويل وحلق كبير وأساور كثيرة لونها زهري .. وكمان لبست ساعه الماس هدية خالي علي بزواجي ...
فتحت شعري وسويت مكياج حلو مناسب للبسي .. القيت نظرة اخيرة على شكلي .. وحمدت الله ان صحتي رجعت لي وزن زاد وصرت احلى مني اول ماجيت ...! ونفسيتي عال وأهم شي حبيبي بيكلمني اليوم وبقول له اني مشتاقة له واني احبه ومااقدر اعيش بدونه .
وصل خالي ايمن وسلمت عليه وجبت له القهوة وجات خالتي سمر وجدتي كانت كثير مبسوطه .. احلى لحظات عمرها لمن نتجمع احنا الثلاثة عندها انا نيابة عن امي اللي فقدتها وعيالها اللي راحوا وتركوها لوحدها في بيت طويل عريض ..
جلسنا داخل البيت لأنه مرة صعب نخرج في الليل في البرد هذا ..! وداخل البيت مرة دافي .. بفضل المدفئة الكبيرة اللي بوسط الصالة .
دق جوالي طالعت الرقم كان مهند . ورديت على طول وانا امشي لغرفة الجلوس القريبة من الصالة اللي جالسين فيها ..
: هلا
: هلا والله بحبيبة قلبي
: هلا فيك ... مممممممم كيفك ..؟
: بخير اذا انتي راضية .. وتعبان اذا زعلانه .
: ههههههههههه اجل روح لمستشفى تعالج
تكلم وهو يضحك .. احس دمي كله يفور ويتحرك ويمكن صار يمشي في جسمي بالعكس من كثر مااربكتني ضحكته : هههههههههههه لا لاعالجيني انتي محد يقدر يعالجني غيرك . علاجي بيد حبيبتي .
: ههههههههههههههههه والله دكتور وتبغاني اعالجك
: عاد دكتور وماقدر يعالج نفسه وش نسوي .؟؟
: هههههه طيب ايش مشكلتك
: احب .
اختنقت من كلامه ومارديت :..............
قال بحنان وهدوء وصوت اخترق عظمي ودمي وقبلها قلبي : ليه سكتي ؟
طالعت تحت قلت بعد مابلعت ريقي : ايش اقول ؟
: ههههههههههههههههههه قولي تعال اعالجك
تنحنحت ابغى صوتي يطلع احسني مخنوقه مااقدر اتكلم : احم احم مم مم م ممااعرف
: هههههههههههههههههههه طيب مممممممممممممممم ديمه بقفل انا الحين لأني قريب من بيت انسان عزيز علي بقابله من زمان عنه ومشتاق له .
: اوكي الله معاك
:ههههههههههههههههه مستعجله
: مو قصدي بس خالي ايمن دوبه جا وكمان ماابغى اطول عليك .
: اوكي باي يااااا عممممممري
: هههههههه باي
قفلت من مهند وجيت بجلس عند خالي وجدتي وخالتي ..بس دق الجرس وقمت دخلت خفت يكون رجال ويدخل على طول .. بعد شويه ناداني خالي ايمن ورجعت ..
وقفت مو مصدقه نفسي انا بحلم ولا علم .. ياربي احسني ادوخ ومو في وعيي .. لا لا مكالمة مهند اثرت فيني .. وصرت اتخيل ويتهيأ لي .. شكل المشاكل اللي مريت فيها والمصايب اللي جاتني اثرت على نفسيتي وصرت مختله ..
كان واقف يناظرني بجنب خالي ايمن بعد ماسلم على جدتي وخالتي .. لابس بنطلون اسود وقميص ابيض وعليه جاكيت اسود طويل من الجلد .. ولاف على رقبته شال من الصوف لونه اسود ..
والعطر نفسه اللي كان يجتاحني ويدمرني وينهكني ...متجمده بمكاني ماعدت اهتم لأحد يكون موجود ولا اكون لوحدي .. ! المهم اصدق اللي اشوفه واتأمل عشان استوعب ..!
قلت وانا فاتحه عيوني ومذهوولة وفرحانه ومفجوعة بنفس الوقت : م هـ ن د ؟
قرب مني وسلم على خدودي وباس جبيني .. وضمني على صدره بسرعه .. احسه غصباً عنه ضمني وانا مااقدر اقاومه ولاابغى اصلاً ..
همس بأذني :مشتاق لك .. كنت ميت والحين حييت ..
متجمدة بمكاني .. ماتحركت ولا تكلمت .... آخر شي ابتسمت وقلت : مهند النااس هنا .!
اخذني بيدي ولف يده حول اكتافي وجلسني بجنبه كان قربه يحرقني ويحييني بنفس الوقت . ياربي احسني بحلم للحين .. ياناس احد يصحيني اللي بجنبي هو مهند ولا اتخيل من كثر مافكرت فيه واشتقت له . ياربي السعاده اللي انا فيها الحين حقيقه ولا وهم ..
التفت لي قال بصوت هادي يحاول مايخلي احد يسمعه ونبرة صوته هي نفسها اللي تأسرني وتخرسني اذا سمعتها : كيفك ياعمري .
ابتسمت بربكه وخجل قلت : ها ..؟ بخير .. كيفك انت ؟
سحبني بيده اللي كان لافها على اكتافي لجهته وهو يضحك ويقول عساه دوم بخير .. انا بخير وانتي معاي .
التفتت لجدتي وخالتي ماشفتهم بس شفت خالي ايمن جالس دوبني انتهت للعالم اللي حولي .. قلت لخالي ايمن : كنت عارف ان مهند جاي
: ماكنت عارف انو جاي .. بس بيعرف اني هون .. لأنو اخد العنوان ووصف البيت مني ..
التفت على مهند بسأله من فين جاب رقم خالي ايمن بس اربكتني نظرته فيني .. مشتاق لي عيونه تقول انه مشتاق .. عيووونه .. آآه ياعيونه متغيره ووجه متغير .. سكت ماقدرت ا تكلم .. وقبضني قلبي بقوووة اجل انا السبب في حال مهند هذا .. وأثري الناس صادقين لمن قالوا انه متغير ومهموم .
وقفت عشان اجيب القهوة ..بس سحبني بيدي ورجعت جلست قال : لاتروحين اجلسي .
ابتسمت وانا اطالع بخالي ايمن بعدين فيه قلت : بجيب القهوة .. بلعت ريقي وكملت بحاول اخلي الجو عادي : تبغى من قهوتنا ولا قهوتكم
: ههههههههههههههههههههههههههه اجل خلاص صارت قهوتنا وقهوتكم
ابتسمت وقلت وانا ماادري اش اقول بس لازم اتكلم عشان اهرب من عيونه وضحكته اللي بتطيحني الحين على راسي من كثر الربكه : ايوه خلاص صارت قهوتنا وقهوتكم .. ها تبغى قهوة سورية ولا عربية .. سعودية يعني
: لا اشرب من قهوتكم بس لاتروحين اجلسي احد يجيبها غيرك
دخلت علينا خالتي سمر بالقهوة ووزعتها علينا ورجعت جلست بمكاني وبعدت شوية عن مهند حتى مايغمى علي وهو قريب مني ..
جات جدتي ووراها ام خليل اللي حطت الحلا وراحت
كان مهند يسولف مع خالي وجدتي واحيانا مع خالتي سمر وانا ماتكلمت قال لهم على العملية اللي سواها قبل يومين لحرمة كبيرة عندها ورم في راسها وانها كانت في غيبوبة وحالتها جداً متأخرة وبفضل الله استخرج الورم وصحت اليوم الثاني و حالتها تحسنت كثير .. كنت استمتع بكلامه وفرحانه انه شخص مهم في المجتمع وبفضل الله ثم فضله ناس كثير استعادوا الأمل في الحياة اولهم انا ..
وصف لنا مهند حالة عيالها وبناتها وكيف حزنهم وبكاهم قبل العملية وفرحتهم بعد ماتطمنوا على صحة امهم ..!
يوه يالدنيا صغيرة لحظة فرح ولحظة حزن .. موت وولادة .. ويأس ثم امل .. ولا العكس ..
التفت علي بسرعه قال : يالله
قلت متفاجأة : فين يالله
: بطلع انا وياك
تدخلت خالتي سمر قالت : لا مابنسمح لك اول شي تتعشا عنا بعدين تتسهل
: لا مو اليوم انا باخذ زوجتي وبكرة نمر عليكم اش قلتي ديمه
: ها..؟ خلنا نجلس هنا مو بهالسرعه ... على قد ماانا مشتاقه لمهند على قد ماانا خايفه من جلستنا مع بعض لوحدنا خاصة ان هذا وضعي وحالي . .
تدخل خالي ايمن قال : ما بنسمح لك يادكتور مهند هلا عدنان ييجي بدنا نسهر مع بعض وتتعرف علينا اكتر ونتعرف عليك .
تدخلت جدتي : مابيصير ياابني لازم تتعشى عنا ولا راح ازعل منك
قلت له انا : خلاص هذي جدتي الا زعلها
ضحك مهند : هههههههههههههههههههه خلاص اللي تشوفونه بس عشا عادي لأنا اهل
قال خالي ايمن : ولو اخي مهند انت ببيتك واحنا اهل
جلسنا نسولف كلنا .. انا كلامي كان مرة قليل مستحية من مهند واصلاً انا عادة اذا فيه احد اكبر مني والمجلس فيه ناس كثير افضل السكوت ..!
قال مهند : ديمه ماكلمتي الجامعه عشان الوثيقه .
: لاوالله مالي خلق اكلمهم كنت اخاف يقولون تعالي بسرعه
: طيب بكرة كلميهم وقولي انك مسافرة
: ان شاء الله
طالع ساعته بعدين قال : انا ابغى اصلي اذا سمحتوا
قمت انا بوريه دورات المياه والغرفه اللي كان يجلس فيها ابوي الله يرحمه او خالي ناصر اذا جا لوحده عندنا .
وديته للحمام وهو اعطاني الجاكيت حقه مسكته وشميته على طول .. كله ريحة عطر ودخان ..!
ريحة مهند المعروفة .
خرج مهند متوضي وانا واقفه عند الغرفه قلت له وانا ابتسم : ترى اليوم بتنام هنا تعال شوف غرفتك ..!
: ايش ..؟ عجلي بس جهزي اغراضك بنروح أي فندق من زيني جالس عند الناس .
: اشبك ترى هذا بيتي لاتحس نفسك غريب .
: لا ديوم باخذك اروح انا وانتي لوحدنا تكفين لاتقعدين تتشرطين
: طيب الحين ادخل صل بعدين نتفاهم واللي تبغاه يصير .
: فيه سجاده هنا ؟
: ايوه ..... فتحت الدولاب وخرجت منه سجاده وفرشتها ناحية القبلة قلت : بروح اخليك تصلي .
: دقايق وارجعي لي ابيك
: حاضر
صلى مهند وانا خرجت عند جدتي وخالتي سمر ماشفت خالي ايمن
قلت : فين خالي
: راح يجيب شوية اغراض
: جدتي لاتتكلفون ترى مهند مايحب يحس نفسه ضيف ثقيل
: لا يابنتي مهما كان هو ضيف بعدين بدك زوجك يئول عنا بخلا..؟
: ممممممممممممممم لا بس كمان ماابغى اخلي زوجي يجي هنا ويكلف عليكم
: مابيكلف يابنتي .. ولك الله يرحم اللي خيره لهلا مغرئنا .... كانت تقصد ابوي الله يرحمه لأنه مسوي لها عمارة بدمشق مأجرها شقق مفروشة والحمد لله مبسوطة مادياً حتى خالي ايمن مبسوط الحمد لله .. وخالتي سمر متوظفه بشركة كبيرة .. واتفقت انا وياها نفتح شركة متخصصة بتصميم الديكور انا شريكة بالاسم والمال فقط وخالتي تديرها من الى .. ولسه تحاول في عدنان يساعدها بس مو راضي يتدخل بشغلها او يترك وظيفته ويتوظف عند زوجته .. عدنان نفسه عزيزة وكرامته عنده بالدنيا كلها بالرغم انه يموت بخالتي الله لايفرق بينهم ..
رجعت لمهند لقيته يمشط شعره على المرايه ويزبط قميصه اخذ جاكيته ولبسه وماانتبه لي .. تنحنحت والتفت لي وبسرعه جا يمشي ناحيتي ..
قرب مني وهو يبتسم واخذ يدي قال تعالي اجلسي هنا مشتاااق لك ..
جيت امشي معاه وجلست بجنبه على السرير اللي بالغرفة ومارديت بس قعدت اطالع فيه مهند نحفان بشكل فظيع وجهه متغير عيونه ذبلانه .. صحيح انه اصلاً نحيف وأكتافه عريضه لكن اليوم انحف بكثير عن اول بس اكتافه زي ماهي عريضه .. وطوله زي ماهو وشياكته وعطره ورجوووولته ياناس للحين تسحرني زي ماهي .. قلت : ليه كذا ..؟ وأنا أأشر على جسمه
طالع في صدره بعدين طالعني قال: شو قصدك ..؟
لويت شفايفي وعقدت حواجبي قلت : مرة نحفت
: انتي عارفه ليه ... اذا تبيني اكلمك بالموضوع
قاطعته : لا لا لا بس المسألة مو مستاهلة انك تسوي بنفسك كذا ..
: شايفتها مو مستاهله ..؟ ديمه انتي حياتي اذا فقدتك ماني عايش افهمي
ابتسمت لأني ماابغى جو كئيب مليت ياعالم لي ثلاثه اشهر هنا كئيبة وقبلها وقبلها وقبلها ياكثر الأيام الكئيبة اللي مرت علي بحياتي
خالتي سمر تقول اذا تبغين تعيشين سعيده استغلي كل لحظة فرح بحياتك وافرحي لاتنغصين عليك بأي شي ولا تتذكرين الأشياء السيئة بحياتك .
قلت : حتى ماكنت مرتاحه ولا مبسوطة وانت بعيد .. ابتسمت وكملت بدلع : بس الحين خلاص نسيت كل شي . ماافكر الا بوجودك معاي هذا الأهم .
ماتكلم بس نظراته تخترقني وانا مااقدر عليها قلت احاول اتجنب نظراته لي : كيف اهلك ؟
: بخير ويسلمون عليك يتمنون انك ترجعين
: مممممممممممممممممم مااعتقد
قربني مني وباس راسي قال وهو يمسح باصبعه على جبيني ويرجع خصله من شعري ورى اذني : شو ماتعتقدين لا بترجعين لأن مهند مايهون عليك .. ولا لا ؟
: مايهون علي صح ... وأخذت المخده الصغيره رميتها عليه وانا اوقف وكملت : مخليني على كيفه يتحكم فيني زي مايبغى .
وقف وهو يضحك قال :ههههههههههههههههههههههه الله اعلم باللي تتحكم فيني على هواها .
: مهند خلنا نروح داخل لايقولون طنشونا
: لا بروح اتمشى في بيتكم هذا تحفه من اول مادخلت بهرني تصميمه حتى الحديقه ومدخل الفيللا
قاطعته قلت : تصميم ابوي الله يرحمه
: الله يرحمه آسف ياعمري .. يالله قومي خلينا نطلع نتمشى
: مريت جدتي وخالتي قلت لهم بنخرج في الحديقه وأخذت البالطو الصوف حقي كان طويل مرة .. وأخذت القبعة والشال وخرجت مع مهند
: شو هالجمال ..؟ والأناقه .. يابنت خفي علي وارحميني ..
استحيت من كلامه وحمر وجهي قلت بدلع : كأنك اول مرة تشوفه .
: دايماً اشوفه بس اليوم زايد يمكن لأن وزنك زاد عن اول .
ضحكت وقلت بدلع : هههههههههههههه شفت دلع جدتي لي صرت دبه
: اما دبه حرام عليك هههههههههههههههههههه
رحنا للحديقه شفنا الورود الوانها حتى بالشتاء تاخذ العقل صحيح انها ذبلاانه شوي من البرد .. بس شكلها وألوانها يجذب ويغري ،، اشجار الزيتون الرمان والليمون والعنب والخوخ .. كل انواع الفواكه موجوده ... قرب مهند من الورد وأخذ لي وردة حمرا كانت احلى وحده وشمها ومدها لي .. اخذتها منه .. اول مرة احد يعطيني ورده حمرا ..
قال بحنان : ديمه زعلانه مني قولي أي شي تكفين
صديت وقلت : مهند خلاص لاتفتح الموضوع وتذكرني
لفني عليه وحط وجهه بوجهي قال : مو معقول منتي زعلانه
نزلت راسي بالأرض وقلت : زعلت بس مانفع قلت انسى احسن
حط يدينه على راسه ودخل اصابعه مع شعره يرجعه ورا قال بصوت واطي يادوب سمعته : آآه ياديمه تذبحيني اكثر بقلبك وطيبتك .
رجعنا نمشي مع بعض قلت له : مهند تدري ايش المشكله ؟
بسرعه قال : انا صح ؟
: لا لا المشكله ان تخصصي علم اجتماع وأفهم نفسيات الناس ومن خلال دراستي عرفت كيف احكم على الانسان من ذاته مو من تصرفاته
: وكيف حكمتي على مهند باللحظة هذيك
: انه يحبني بجنون .. صدقني مهند الشي الوحيد اللي خلاني اغفر لك انك تحبني غير كذا مالك عذر ..!
لف يده على اكتافي وقربني منه قال :ديمه انا شفتك اول مرة وانتي ببيت اهلك وماكان يخطر في بالي شي اسمه حب او ارتباط بأي بنت في الدنيا على كثر البنات اللي عندي في امريكا اشكال والوان .. بس من هذيك الليلة وانا حالي مو حال كنت افكر فيك بكل دقيقه تمر علي رفضتيني وتعلقت فيك اكثر بالرغم اني مصدوم ومقهور ليه ترفضيني بدون سبب خاصة اني مو سيء واعتقد ان أي بنت اخطبها راح تفرح ... مع كذا صار عندي امل انك لي انا واني راح اخطبك مرتين وثلاث وعشر لين توافقين .. لمن جيتي عندي بأمريكا فرحت عشاني بشوفك بنفس الوقت حزنت لأني يمكن اخسرك للأبد وانك مريضة وتعانين .. اهتميت بتقاريرك ووصلتها لأكبر استشاري اورام واستشاري مخ واعصاب .. دخلت معاك العملية لأن حبيبتي ديمه ماابي اخليها بين ناس غرب حتى لو كانوا اطباء .. ديمه مرة عزمتكم انتي وخالك على الغدا ابي اشوفك وانتي متعافيه ابي استمتع وحبيبتي قريبه مني بس سمعتك تقولين اكرهه .. انقهرت وحزنت وعصبت لأني جريت ورى نفسي وقلبي ونسيت كرامتي بس مافي يدي حيلة ومااقدر اقاوم حبك .. شفت خوفك على ابوك شفت حزنك بعيونك كنت ابي اخذك واضمك واربت عليك واطمن قلبك بس بيني وبينك الف حاجز .. قررت انك تكونين لي مهما صار ومهما كان وانا اللي راح اسعدك وانسيك احزانك .. قلت لناصر بنت اختك لي انا ياناصر رضيتوا ولا مارضيتوا رضت هي ولا رفضت والله محد ياخذها غيري ..! .. انخطبتي وكلمني ناصر يومها قلت له اذا زوجت ديمه حكمت علي اني مااتزوج لين اموت .. اضطر ناصر يقول لك ان خطيبك اللي جا مااعجبه وما هو كفو ياخذك .. لأن ناصر مقتنع ان مايناسب ديمه غير مهند وقد قال لي هالكلام مية مرة ..ناصر يعزني وخايف اني انفذ اللي براسي ..