|
لولا العنا /والهم /والصمت / والليل
........... وآهات صدري يوم تطري عليّه .!
ماكان جيتك شوق يانجمة إسهيـل
........... أحمل لك اشواق العتب في يديّه .!
عطني من وصالك قدوع وفناجيـل
........... وجبّ خويّك ياموجـبّ خويـه.!
وأنا ابأشعلـك شمـوع وقناديـل
........... وأعلمّك ويش الذي صار فيّـه .!
وشلون حظي من عقب بعدك يميل
........... وشلون .؟ صرت المبتلى والضحيّه
ياأنقى من الهرجه وأدق التفاصيـل
........... يامعالـجٍ فينـي ثمانـيـن كـيّـه
قرّب تراني مابقى داخلـي حيـل
........... ضاقت عليّ إفجوج نجـد العذيّـه
وأخذ وآعزّي كل مابي وآنا أشيل
........... رحلة وداعـك والنوايـا مطيّـه
سلمّ على روحك وشّد المواصيـل
........... والصدّر لو مالك به أعروق حيّـه
ماكان جيتك شوق يانجمة سهيـل
........... أحملّك أشواق العتـبّ فـي يديّـه
|