السلام
إليكم قصة بحرينية رومانسية تدور قصتها حول شابه تدعى منار واتمنى القصة تنال على اعجابكم
ونبتدي بالتعريف عن عائلة البطلة :
منار : 16 سنة تحب الطلعات والشوبينغ رومانسية تهوى كتابة الشعر
خلف : ابو منار (( مدير في احدى الوزارات )) حنون على عائلته ويعتبر منار ابنته المدللة
فرح : ام منار (( ربة بيت ))
نواف : 22 سنة اخو منار يعمل في في نفس وزارة ابوه
بدر : اخو منار 17 سنة سبب الأزعاج في البيت يدرس
حنان : اخت منار 24 سنة متزوجة
جاسم : زوج حنان 25 سنة
جنى : بنت حنان عمرها 3 سنوات متعلقة كثير بخالتها منار وتعشقها
هذي عائلة البطلة منار
اما عائلة بطلنا راشد : اهوه ابن عمة منار 20 سنة يدرس في الجامعه
ليلى (( ام راشد )) : تعتبر راشد ابنها المدلل ولو يطلب عيونها عطته تعمل في مستشفى الهادي في قسم الحسابات المالية
عادل : (( ابو راشد )) يعمل في وزارة التربية والتعليم
وفاء : اخت راشد متزوجة 26 سنة حامل في الشهر الثامن
شيماء : 16 سنة بنوتة عسل رفيقة درب منار
خالد : زوج وفاء 26 سنة كويتي الجنسية
الجزء الأول :
العطلة الصيفية في اول ايامها تجمع العائلتان في منزل ابو نواف على الباربكيو وفي الحديقة
ابو نواف : ياحيالله من زارنا
ابو راشد : الله يحيك يالغالي
ابو نواف : وينكم ماتبينون الا في المناسبات
راشد : والله ياعمي احنا من زمان نبي نزوركم بس خبرك المدارس والأشغال ماخذه وقتنا
ابو نواف : والله فيه ذيه صدقت ياولدي ياراشد
ابو راشد : ها يانواف بشر شخبار الشغل وياك
نواف : والله الحمدالله كل شي ماشي تمام
جاسم : راشد امس الربع يسألون عنك في الديوانية
راشد : اوووووة تصدق صارلي ثلاث اسابيع مارحلتلهم
اما عند النساء فكان هذا الحديث
منار : عمتي انا زعلانة منج
ام راشد : افاا منار حبيبتي زعلانة وليش يالغالية
منار وهيه ماده بوزها : ذكل يوم اقول لشيومه تيي بيتنا تقول امي ماترضى
ام نواف وهيه تظحك على خبال بنتها: هههههههههههههه
شيماء وهيه تاكد على كلام منار : ايه ايه صك كلام منااري فديتها
ام راشد : ويه شفيكم قمتوو علي ثنتينكم والله انا كنت بخليها تيي بس امتحانات يا منار
وفاء : بس عاد يامنار مشيها هالمرة على امي
منار بتفكير : اااامممممممم اممممممممم خلاص خلاص عمتي سامحتج
ام راشد وهيه تبوس منار : فديتج والله
شيماء : يه وانا مو كأني بنتج انا بروح حق خالتي فرح
ام نواف : ايه عليج انتي ماعليج منهم انتي شيومه الحلوة
حنان : منار بلا دلع قومي ودي جنى الغرفة لانها نايمة ووصي الخدامة تدير بالها عليها
منار : من هالعين قبل هالعين
شيماء : منار بليز يبيها ابي اشوفها
منار : مافي مافي هذي بنت اختي
حنان : منارووو بلا دلع لاتقعدين الياهل
ام نواف : الا وين وفاء جان يات وياكم
ام راشد : مسكينة وفاء تعبانة ويه الحمل وعندها موعد اليوم
ام نواف : الله يقومها بالسلامة
شيماء : وتيبلنا بيبي حلو
منار وهيه ماشيه بتودي جنى الغرفة مرت على الشباب الا سمعت صوت يناديها
جاسم : منار منار
منار لفت واتجهت لهم : هلا والله
جاسم : وين بتودين جنى
منار : نامت وحنان قالتلي اوديها الغرفة
ابو راشد وابو نواف مندمجين في سوالفهم
راشد : منار شلونج
منار بخجل ودقات قلبها تتسارع : الحمدالله انت شخبارك
راشد ببتسامة ذوبت منار : بخير
نواف : مناروو اتصلي على بدر وايد تأخر
منار : اوكي
وراحت دخلت البيت ودت جنى الغرفة واتصلت حق بدر
بدر في بيت صاحبه ويرن تلفونه على رنة مشكلتي اهواه وحبه هوه مجنني
الشباب : اوة اوة بدر من مشكلتك تهواه
بدر : انطموو هذي العلة اختي
بدر : الو
منار : بدوووور وويعه ساعه لين تشيله
بدر : كنت اسولف ويه الشباب وماسمعته
منار : انزين يقولك ابوي تأخرت يلا تعال البيت
بدر : انزين
منار وهيه متعوده إذا تكلم بدر ماتقوله باي وسيده تسكر في ويهه : جراااااااااااخ
بدر : وريل اسود ماتقول حتى باي
الشباب : خخخخخخخخخخخخخخخخخخ
وإذا نالت القصة على إعجابكم راح اكمل القصة وانزل باقي الأجزاء في وقت لاحق