[نور الدنيـــا]

في جــدهـ ..في بيت أم فايــز ..

البيت فاضي الكل في الرياض ماعدا فدوه قاعده تذاكر في الصاله للإختبـآر ..
فدوه : اووف وربي طفش ايش دا ... سريااااااااتي سرياااتي ..
سرياتي (( الشغاله )) جات تجري من تحت : ايوا ماما
فدوه : سويلي كابتشينو بسرعه ..
سرياتي ابتسمت بخبث : كم سكر ماما ؟
فدوه : ملعقه ونص وبسرعه ..
سرياتي : اوكي ..

.................

وفي مكـآن ثاني في جده .. في مطعم راقي ..
امجـد : لا ياحبيبتي ابغاكي تخلصي الشغله بأسرع وقت ..
ريما : وهادي كيف اوصلها ان شاء الله ؟
امجد : راح ادلك على بيتها ابغاكي تراقبيها وقت ماتخرج الحقي وراها وفي المكان الي تروحه اتعرفي عليها حبه حبه وبنوصل للي نبغاه ..
ريما : اممم طيب ياشاطر تبغه الشغله تزبط مره ولا هه
امجد : ههههه انتي وشطارتك وعلى قد ماتشدي حيلك الحلاوه عندي
ريما رجعت ظهرها لورى بهدوء وعضت على ابهامها : بس اكيد من حقي اعرف كم المبلغ الي بتديني مقابل هالشغله ؟
امجد ابتسم بخبث : ليكي الي تبغي بس بشرط
ريما بنفس الخباثه : آمــر تدلل ..
امجد : تنفذي الي اقلك عليه بحذافيرو
ريما غمزلتو : اعجبك ياحلوو ..
امجد ضحك بخبث : ههههههههه ..

.....................

في الريـآض ..

في بيت أبو فيصل (( راشد )) عــم حـلا ..
ام فيصل : ها يمه متى حددتوا موعد الملكه
فيصل طالع في امو ببرود ومارد ..
عمر : هيييه يالحبيب امي تحاكيك
فيصل : ليه ماترد عليها بدالي احسن لك
ام فيصل :هاااو يمه وش فيك متضايق ؟
فيصل : لا يمه سلامتك بس مالي خلق افتح الموضوع هذا الحين مره مالي مزاج
ام فيصل : يايمه مايصير عمتك تنتظر مننا كلمه
فيصل مو عارف ايش يرد عليها كلام جود شاغله .. وصار عنده فضول يعرف مين هذي العاشقه المجهوله الي تحبه قد كذا ..
قام لغرفته وقرر يدق عليها ..

...................

فرح : لاء بكلم ماما يمكن اقعد هنا مع مشعل وملاك اكيد محتاجين احد معاهم في هالظروف وبالنسبه للدراسه انا كنت حأسحب على دي السنه من اساسو يعني مافرقت معايا ان شاء الله السنين الجيه كتير
نوف : الله يعينكم
فرح : وانتي ايش تسوي دحين ؟
نوف: قدمت على وظيفه في مستشفى وان شاء الله من بكرا راح اداوم
فرح : اهااا بالتوفيق ان شاء الله
جود : انتي وش تدرسي اصلا ؟
فرح : انا ؟ أدب إنجلش
جود : ماشاء الله وكيف حلو ؟
فرح : ايوا حلوو وفي نفس الوقت جاني عرض اني اكتب في وحده من المجلات لاني اعشق الكتاابه بس ماحصل نصيب ..
حلا : ليه بالعكس مره حلو
فرح : ايوا عارفه بس انشغلت اخر ايام وعارفين الظروف ماساعدت
حلا : تكتبي بالانجلش ولا بالعربي ؟
فرح : كلو بس اكتر احب بالعربي لأنو بيكون الكلام طبيعي وتلقائي بدون ماأحتاج اني افكر لكذا معنى بالانجلش فتطلع مقالاتي أصح ..
جود : والله ناااايس
فرح : وانتي جود ايش ناويه تسوي بعد المدرسه ..
جود والي افتكرت شي : ايوا صح ابششركم .. ماما بكرا رايحه تستلم ملفي
حلا شهقت : ايييش ؟
جود : امي بتحاول معهم بس احسن والله لو اجلس في البيت وافتك
فرح : ليه حرام عليكي هادي دراستك ومستقبلك وماباقي كتير عالترم .. والترم التاني في غمضة عين يخلص آخر سنه خلصيها بعدين بكيفك حرام تضيعي السنه
نوف : وربي مو صاحيه انتي وش مسويه ؟
جود : انحشت ..
حلا ونوف : انحشتتتتتتي ؟؟
جود : ايه المديره رفعتلي ظغطي مو راضيه تخليني اكلم امي تجي تاخذني قمت انحشت وش اسوي يعني
فرح : ههههه مره بايعتها انتي
جود : هههههه

فرح كانت محتاجه لهذي الجلسه محتاجه انها تغير جو وتخفف عن الحزن الي في قلبها ..

فرح : لا ان شاء الله حيرضو يرجعووكي واشوف نسبتك اخر الترم فوق التسعين يارب
جود : هههه ايه ان شاء الله لا باض الديك
دق جوال جود برقم غريب استغربت منه وماردت عليه .. بس الرقم مصر دق اكتر من مره ..
حلا : ردي مسكين طلعت روحه وهو يدق
جود : وش يعرفني فيه رقم غريب ليه ارد ؟
حلا : يمكن امك ولا احد دام مصـر كذا يعني احد يعرفك ..
جود طلعت برى عشان ترد : الوو
الجهه التانيه : ......................
جود : الووو ..
الطرف الثاني :الوو
جود باستغراب : نعم مين ؟
الطرف الثاني بهدوء : انا فيصل ..
جود شهقت وبسرعه حطت يدها على فمها عشان لا يسمعها : ............
فيصل :الوو
جود بارتباك : اهلين فيصل هلا
فيصل : شلونك ؟
جود : تمام انتا كيفك ؟
فيصل : بخير ..
جود : ...............
فيصل : انتي وش اسمك ؟
جود بتردد : جـ..ـود
فيصل : اهااا طيب اسمعيني ياجود (( قال بجديه )) انا الحين انسان يعتبر متزوج وانتي عارفه كلمة الرجال ماتتغير وكلمة ابوي لعمتي وزوجها مستحيل تنزل الأرض يعني ماخذ غرام ماخذها ..
جود بحقد : طيب وداق وش تبي ؟
فيصل : انا ابي اعرف منك بس انتي وش قصدتي بكلامك لي ذاك اليوم ..
جود : ا.........
قاطعها بسرعه : ابي اعرف مين تكون هالبنت الي كلمتيني عنها ..
جود رفعت حاجبها : وانت وش تبي فيها دامك بتاخذ السحليه غرام يعني فارقه معك ؟؟
فيصل : ياريت تحسني من الفاظك شوي وبعدين مجرد فضول لا اكثر ولا اقل ..
جود : اهاا طيب انا ماحب اللقافه
فيصل : يعني مابتقولين ؟
جود : نووو
فيصل : انتي لايش كنتي بتوصلين يوم قلتيلي الي قلتيه ؟
جود : اممم ماكنت ابي شي بس كنت مقهوره انه كل هالحب بيروح ادراج الرياح على قولتهم بالقليله كنت تحس بس ..
فيصل : ووشلون تبيني احس وانا ماعرف مين هالعاشقه الولهانه ياذكيه ؟
جود بهدوء غيرمعتاد : فيصل اسمع انا ماقولك كذا عشان حضرتك تتطنز .. وثاني شي اذا انت لك قلب اصلا وتعرف الحب وش معناه من الاساس كان حسيت من زمان بس الي بصدرك هذا مو اكثر من انه صخره ماتحس ولا تفهم ولا حتى تفكـر ..
فيصل حس بألغاز في كلامها : طيب ممكن الحين تتركين الفلسفه وتقوليلي من هذي الي هههه الي تحبني ؟
جود ابتسمت بخبث : قريبه منك قريييبه مره وتربطك مع اخوانها علاقه مره قويه طول عمرها معاك وجنبك بس انتا ماحسيت فيها ..
فيصل : يعني وحده من بنات عماتي ؟؟
جود : امم وليه ماتكون بنت عمك ؟
فيصل بصدمه : ساااره ؟؟ ههههه لا ماأتوقع اصـ ..........
جود قاطعته بعصبيه : مين جاب سيرة ساره اصلا ؟
فيصل بتفاجأ : مين يعني ؟
جود : كم عم عندك انت ؟
فيصل عقد حواجبه وقال بهمس بينه وبين نفسه بس كان كافي عشان يوصل لإذن جود : حــــلا
جود بارتباك : يلا انا بقفل الحين
فيصل بعصبيه : حلا ؟؟؟ انطقي تقصدين حلا ؟
جود :خير وش فيك تصارخ
فيصل هدأ نفسه شويه : ممكن تفهميني وش صاير بالضبط ..
جود : فيصل انا ماعندي شي اقوله اذا تبي تسمع شي اسمعه منها هي ..
فيصل : وماتقوليلي كيف ياشاطره ؟ انتي تدرين انه نواف لو يدري يذبحها ..
جود بخوف : نوااف ؟؟ لا لا نوااف لاء فيصل بليييز لا يوصل شي لنواف وبعدين الحب ماهو حرام ولا فيه اي مخلوق يقدر يحاسبها عشان الاحساس البريء والعذري الي تحسه
فيصل ابتسم بخبث : ومن متى هالاحساس العذري الي تحس فيه ..؟
جود : مادري يمكن من يوم فتحت عينها عالدنيا بس الحين بدأ يكبر وينضج ويحاول يشوف النور ومستحيل يبصره الا اذا كان هالحب من طرفين من طرفيييييييييييييين ..
فيصل ببرود واستحقار : طيب ووش المطلوب مني انا الحين ؟
جود باستحقار اكبر : توصل الكلام لنواف ومحمد وعمك و الي تبي وانسى انه فيه وحده تحبك اصلا لانك ماتستاهل هالحب من قلبها الطاهر ولا راح تستاهله بيوم يلا باي
قفلت بوجهه وهي متضايقه من اسلوبه وبروده والاستحقار وعدم الاهتمام الي في صوته ..

فيصل قفل منها مصدوم >> حلا هالملاك البريئه تحبني تحبببني انا بس ليه ؟ انا عمري مافكرت احب ولا ابي احب <<..... (( افتكر شي وبدا يحوس ب\افكاره ويسترجع ذكرياته )) ..
كيف راح عن باله وهي كل مايدق على بيتهم وترد تكون مرتبكه وصوت انفاسها يسمعه بإذنه .. كيف وذاك اليوم بالمزرعه لمن سمعها تغني ارتبكت واتجمعت الدموع بعيونها .. معقوله ماحس فيها ولا على قولة جود الاحساس والمشاعر معدومين عنده ..؟؟!

غير لبسه وطلع من البيت على طول مع واحد من اصحابه ..
في السيـآره ..
رائد : وش فيك انت ماتقولي مره مو على بعضك ؟
فيصل : مافيني شي ركز في الطريق بس
رائد : وين تبي تروح ؟
فيصل : سعود موجود ولا مسافر ؟
رائد : ههههه لا موجود بالشقه
فيصل : اووه اجل طلعنا على هناك خلينا نعدل المزاج ..
رائد : هههه قدااااام ..

......................

وفي بيت خـآالة فرح ..

البنات كانوا مبسوطين مع بعض وفرح دخلت لقلوبهم وهيا كمان مره حبتهم وارتاحتلهم .. هما الوحيدين الي قدروا ينسوها حزنها والامها وغيركذا حست انهم قريبين منها مره وتعرفهم من زمان مع انها اول مره تجتمع فيهم كلهم سوى ..

:: ودحين راح اتكلم شويه عن احساس كل وحده فيهم بهاللحظات ::

"جـود" ... حست بالأكشن الي دايما تتمناه بحياتها حست بوجود اشخاص طيبين وينوثق فيهم بهالدنيا من بعد وفاة ابوها مابقالها احد غير امها .. لا اخوان ولا حتى عمان يسألو عنها وحتى خالتها الوحيده متقاطعين معاها .. حست انو هالبنات بيكون لهم دور بحياتها ومكانه عزيزه بقلبها وبالذات انو الجمعه معاهم والحوارات الي دارت بينهم صادفت شي في نفسها .. احساس رااائع انو يكون ليكي انسان غالي يفهمك وانتي فاهتمه انسان ممكن تلجأليه وقت ماتحتاجيه ........ ابتسمت بهدوء وهيا تتخيل انوهالأسماء الثلاثه (( نوف _ حلا _ فرح )) بتغير حياتها وبيكونوا لها الاخوات الي انحرمت منهم ..

"نـوف" ... فقرها خلاها تحسب انو الفلوس هيا السعاده وانو حياتها ضايعه بالعيشه الي هي عايشتها بس اكتشفت دحين انو السعاده ابدا مو بالفلوس ولا بالقصور واللبس والسفرات والطلعات .. السعاده انك تلاقي الصديقات الي يغنوكي عن كل الشي .. لقت في هالبنات الشي الي مالقته حتى في اخواتها .. افكارهم قريبه من افكارها طموحاتهم واحلامهم نفس احلامها مع انها كانت تتخيل انهم بفلوسهم يقدروا يشتروا اي شي بالدنيا ..... الا القلووب ماتنشرى بكنوز الدنيا هما اشتروا قلبها وهيا ا شترت قلوبهم .. وتحس بمجرد انها تجتمع معاهم تنسى كل همومها واحزانها ..((جود )) ضحكتها ومرحها ينسيها الامها والهم الي شايلته على اكتافها .. ((حلا)) بطيبتها ورقتها تحيي قلبها وترجع الأمل فيها .. (( فرح )) بصمودها وغرورها تعطيها امل في الحياه ومقاومة الظروف مهما كانت صعبه .. كل وحده فيهم كان لها تأثيرها الايجابي على نوف ..

"حـلا" .. حست بالحيويه والروح رجعت نبضت فيها من بعد وفاة اخوها تركي ..حست الدنيا باقي فيها ناس طيبه وتستاهل كل خير .. هذولا البنات هما الي نسوها الوحده الي تعيشها كل يوم حتى بين اهلها .. امها مشغوله بسهراتها وسفراتها .. وابوها منشغل في الشركه والسفر من بلد لثانيه .. محمد مشغول على طول في الشركه مع ابوه وعمانه .. نواف نادرا مايجلس معاها وهوا الي كل حياته دراسه ودحين ماباقي كتير ويسافر يكمل دراسته برى .. الحزن والوحده صاروا اصدق اصدقاء لها في اخر ايامها .. بس من اتعرفت على جود ونوف واخيرا فرح حست انه حياتها بتتغير وبترجعلها الحياه ..

"فرح" ... كانت تظن ان الغرور والعناد الي فيها بيوصلها للي هي تبغاه ويناولها الي تتمناه .. بس عمرها ماحست بالراحه النفسيه زي ماتحس بهالوقت وهيا مجتمعه مع بنات جمعتها بيهم الاقدار وماكانت بيوم تظن انها راح تعرفهم .. لقيت فيهم الصدر الحنون والقلب الطيب والروح الصافيه الي ماتحمل اي نوع من انواع الحقد والكره .. لقيت فيهم البنات الي بيفهمومها والي قدروا في اقل من ساعه ينسوها كل الي مضى .. ضحكاتهم ابتسامتهم نظراتهم حنيتهم كلامهم كله يرجع الروح فيها .. الحياه ماتوقف عند حدث معين ولا عند شخص محدد الحياه مستمره والي يبغه يعيش يترك كل شي بس يدور عالقلب الي يفهمه ويخاف عليه ..... مثل قلوبهم تماااااام ..

فرح بهدوء : بنااات ممكن طلب ..
البنات : اكيييد
فرح : امم ابغه ارقامكم اذا ماعندكم مانع حابه انو نتواصل وماتكون هادي اخرمره التقي فيها معاكم اذا حابين طبعا اما اذا لاء براحتكم ..
حلا ابتسمت : لا اكيد خذي رقمي ..
فرح طلعت جوالها وسجلت رقم حلا .. وطالعت في نوف : وانتي نوف ؟
نوف : انا ماعندي جوال بس خذي رقم بيتي ..
فرح : اوكي هاتيه ..
وبعد ماأخذت الارقام سكرت الجوال ..
جود طالعت في ساعتها وابتسمت : يلا بنات
فرح : لاا على فين لسه بدري ..
جود >> وش فيها ذي نست انه عزى ولا على بالها مسوين بارتي ؟؟ << : من عمرك بس خلاص لازم نروح نجيك وقت ثاني ان شاء الله ..

طلعوا البنات بعد ماودعوا بعض وكل وحده رجعت لبيتها ..

......................