في الريـآض ..
ندى : وايش سويتي عالقاعه ؟
نوره : خلاص الله يخليها خالتي حجزوها وكل شي والبنات رتبو كل حاجه ..
ندى باستغراب : الزواج عليهم ؟
نوره : ايه الله يوفقها خالتي ولا يحرمني منها والله ياندى طيبه هالادميه حلفت انه كل شي عليها من الألف للياء انا علي انزف وبس ..
ندى مصدوومه ؟؟؟؟
نوره : واتخيلي قالتلي البنات جايين بعد يومين عشان نشوف فستان العرس ..
ندى : واااااااو يعني كل شي جاهز خلاص ..
نوره : ايه خلاص بس باقي اكمل لي شوية اغراض ماني عارفه متى راح اطلع ماعاد فيه وقت ..
ندى : خلاص خلي نوف تجي ونرتب الوقت عشان تطلعين تقضين اغراضك ترى جد مابيمديك ..
نوره : الله يعين .. وين نجود ؟
ندى : امس من جات وحالتها حاله بغرفتها ماشفتها ..
نوره : ليه وش فيها ؟
ندى : مادري جات زعلانه وحزينه كذا ماعرف
نوره : الله يهديها هالبنت من عرفتها وهي بعيده عننا ولا كأنها تقربلنا ..
ندى : وش تبين فيها فكه منها خليها بغرفتها الحين تنقز زي ابليس من تجيبين سيرتها ..
نوره : ندى وش ذا الكلام هذي اختك مهما كان ..
ندى بملل : ايه ايه ..
امـآ هيا في غرفتها حاضنه مخدتها المهترئه وغايصه في تفكيرها ..
.. الى متى يانجود .. لمتى بتعيشين حياتك تنذلين ويندعس عليك .. وش تبين في الفلوس دام المهم مو موجود .. وين السعاده الي تدورينها في الكم قرش الي تاخذينها .. عايشه فاقده كل شي بهالدنيا .. الأم والأبو والأخوات .. بعيده عن كل شي حتى عن ربي .. ليه اسوي في نفسي كذا متى راح اتوب عن المسخره الي انا عايشه فيها عن العالم القذر الي يحايطني .. ياربي توب علي يارب ساعدني يارب ارحمني يارب اهديني ... ياااااااااااااااااارب اغفرلي اغفرلي اغفرلي اغفرلي .............. نزلت دموعها بحرقه دموع صادقه دموع انسانه تتمنى التوبه بس مو عارفه طريقها من فين ..
.......................
فرح ضمته بقوه : وحششتني يادبه
فراس : ههههه وانتي اكثر يارشيقه كدا ساحبه علينا ..
فرح : لا وي اسحب على نفسي ولا اسحب عليكم وربي بس عارف انشغلت شويه ..
فراس : ماعلينا كيفك اخبارك ؟
فرح : والله تماام كيفك انتا ايش عامل ؟
فراس : بخير والله ....
فرح : اتفضل ايشبك واقف عند الباب ..
فراس : ههههه استنى الأخ يدخل
فرح : ايوا صح مشعل نسيتو طيب خش خلي الباب مفتوح
فراس دخل للبيت وراح للصاله المتواضعه الي في الدور الاسفل : فين البنات ؟
فرح : ملاك نايمه وميوويه في بيت ستها ..
فراس : اهاا
فرح : اتخيل جدهم يبغاهم يسكنو عندو ويبيع البيت ..
فراس باستغراب : متى ؟
فرح : ماعرف قبل فتره ومشعل مو راضي قال هوا رجال ويقدر ينتبه على اخواتو
فراس : غريبه ماجبلي سيره
فرح : دحين اسالو اذا جاه ..
فراس : طيب برضو من حقهم وبصراحه احسن لهم
فرح : لاء بس مو بكيفهم خلاص البنت راضيه تعيش مع اخوها وتاني شي ملاك كبيره وتعرف مصلحتها ومحد يقدر يجبرها
فراس : احنا ماقلنا يجبرها بس راح يكون احسن لها هناك مع عماتها وستها وحولها فيه احد بدال ماهي جالسه لحالها هنا ومشعل ليل نهار في العمل ..
فرح : مادري بس والله مرره خايفه عليهم انا
فراس بهدوء : وانتي يافرح ماتبغي تشوفي حياتك ؟
فرح : ايشبها حياتي ..؟
فراس : ايشبها ؟؟ ايشبها وانتي تاركه دراستك ولا هامك شي ..
فرح : فراس يعني انتا عارف الظروف الي مرينا فيها هالفتره مين لو نفس يدرس ولا يسوي شي
فراس : يعني لمتى بتقعدي كدا ؟
فرح : خلي السنه دي تنتهي على خير وبعدين افكر
فراس : اممم طيب بقول لك شي
فرح : قول
فراس : صاحبي رايح مع اختو السنه الجيه لمصر بيكملو دراستهم هناك ؟
فرح : طيب وبعدين ...
فراس : ايش الي بعدين ..؟ يعني اقول لو تروحي معاهم تستفيدي عالأقل دراسه احسن وتطلعي بشهاده زي الاوادم ..
فرح : اروح لحالي هناك ؟؟
فراس : مو لحالك قلتلك صاحبي حيكون هناك ومعاه اختو وتاني شي راح اشتريلك شقه وكل فتره بجي اطمن عليكي ..
فرح : ههههههه
فراس : قلت شي يضحك هههه
فرح : لاء بس مادري مستغربه فجأه كدا فتحت معايا الموضوع ..
فراس : مو فجأه من زمان وانا ابغه اكلمك فيه ودحين لقيت الوقت المناسب وربي مره ابغاكي تكملي دراستك وتستفيدي ..
فرح : امم ماعرف افكر
فراس : وقبل كل شي حطي في بالك اني مافتحت معاكي الموضوع الا لاني واثق فيكي ثقه ماتتخيليها وعارف انك تخافي على نفسك وعلينا اكثر من أي احد ......... (( ابتسم بحنيه )) وانتي عارفه انك اقرب وحده ليا من اخواتي والي ابيع الدنيا دي عشانها .. ومني مفرط فيكي بسهوله ولا إنو شي عايدي عندي انك تروحي تدرسي لحالك بس انا رتبت كل شي هناك ووصيت الي اعرفهم عليكي وابغاكي تكوني احسن من أي احد في الدنيا وترجعي بشهاده ترفع الراس ..
فرح دمعت عينها وضمت اخوها بقوه : الله لا يحرمني منك ياقلبي
فراس : ولا منك ياعسل انتي ..
دخل عليهم مشعل : الله الله ايش الرومنسيات دي والأحضان ..
فراس : هههههه اهجد بس
مشعل : افااا والله ولا شفت فرح كبر راسك علينا
فرح : مشعلووه لا تحررش هاه
مشعل : ههههه من عيوني ياعيوني انتي
فراس رفع حاجبو : نعم نعم ..
مشعل ببراءه مصطنعه : احــم ايش فيه
فراس : هههههه
فرح ابتسمت من قلب وهيا تشوف البسمه والمرح رجع لمشعل من بعد فتره ماهي قليله من الحزن والألم..
...................
حلا خرجت من القاعه بعد ماإنتهت اخر محاضره لها .. وانتبهت بلمياء معصبه وطالعه من وحده من القاعات ..
حلا راحت لعندها : هههه ليه الحلو معصب ..؟
لمياء : هلا حلووله متى خلصتي ؟
حلا : توني طلعت
لمياء : تخيلي الغبيه الدكتور ه مارضت تدخلني
حلا باستغراب : ليييه ؟؟
لمياء : تأخرت 5 دقايق كنت افطر
حلا : هههههه ساعه ماأمداك تفطرين فيها
لمياء : اووف مادري اقول امشي بس خلينا نرجع ولعنه فيها هي ومحاضرتها
حلا : اما انتي مره مو وجه جامعه
لمياء : هههه مشي حالك انتي مين يرجعك ؟
حلا : السواق
لمياء : اهاا غريبه تطلعين مع سواق لحالك العاده تسوين افلام
حلا : هههه لاء بس تدرين نواف اول ماكان يخليني وكان يوصلني في طريقه للجامعه الحين ماحد فاضيلي
لمياء : اجل اسمعي ارجعي معي اليوم للبيت وش رايك ؟
حلا : لا لا ماله داعي
لمياء : افااا ترديني
حلا : لا والله مو قصدي بس خليها مره ثانيه
لمياء جرتها من يدها : اقول بتجين معي غصب عنك
حلا بتردد : اوكي
لمياء : زين خليني ادق على فيصل
حلا دق قلبها لإسمـه .. بتشوفه اليوم وبتجلس معاه بنفس المكان بسياره وحده .........
لمياء تطالع في شاشة الجوال السوداء : اففف قفل الأخ ..هاتي جوالك
حلا بتردد : ليه ؟
لمياء سحبت الجوال من يدها : بآكله ليه يعني ؟
......................