اقتباس المشاركة الأصلية كتبت بواسطة طع شوري عجزنا نقلب مواجعنا لعل الحظ يتبــســـــم = هموم الوقت واتعابه وغلا الاسعار والطفره كريم الوقت بأجحافه يسوق المر والعلقم =بخيل الوقت بأنصافه سعادته دوم محتكره يتيــــــمٍ دمعته سالت مع الايام يتألم =حزين وقوته الميا وكسرة خبز مع تمـــــره يناظر كل من حوله بيتكلم ومتلعثــم =ينادي يايبه وينك ؟ دوام المدرســــه بكــره ولاحدٍ به يواسي حالته حتى ولا يهتم =وصدى صوته يجاوب صرخة آهاته مع الحسره يلملم حزنه ويسكت وطول الليل ماتكلم =يتوه ويشهق همومه يئن بضيق مع زفـــــــره وكريم الوقت بظروفه كثيرٍ منه متظلًم =فقيرٍ عزته نفسه ولا يمـــلك ســوى صـــبـره اجار وقسطٍ مطوف وحاله حالة المعدم = ديونٍ مثقله ظــهــره ورعـــاية بيـــــت مع اسـره يناظر أول عياله متى بيكبر يشيل الهم=يورًث لــــه من الدنــــيا شقاه اللي كسر ظهــره ترى رجلآ بليا مال يسمى سيف متثلم =يقوله ( علي ابن حمري ) في شطرٍ من قمم شعره وغريب الوقت باحواله شبابٍ راح يتندًم =شبـــــابٍ ضايعٍ تـــــايه غرامـــــه مـــــاركة عطــره يتوه بضيعته لاهي على الانغام يترنم =يبـــــذر مــــاله بيـــــــده ويهيــم بعالم (السكره ) وعجيبٍ يا زمن حالك نشوف اوجيه تتبسم = وجيه من البــشـــر لـكن قلوب اقسى من الصخره هذي هي حالة التاجر كثير المال والاسهم =يصيًف غرب (بالنمسا) ويميل لجو سومــــــــــــطره وختمت القاف وابياتي واقول الله بهم اعلم =لله في الـــــبشر حكـــمه علـــيم ونافذٍ امـــــــــره ,,, اتمنى تنول على اعجابكم ,,, صح الساانك ولا هنت وااافيه من راااس وااافي .. لا عدمتك .. تقبل تحيّتي وتواضع مروري . دمت بحفظ الله ‘‘