ما عادني قادر على البعد يا هيه=لمواصلك يا ضيّق الخصر شفقان
في داخلي لك رونق الحب مخفه=وفي ظاهري دمعة مواليف واحزان
دمع الغلا حضرة شموخي يغطيه=حتى سجنت الدمع في حوض الاجفان
والله يا لو لا الزرى والمشاريه=لكتب بدمعي عن مفارقك ديوان
واصوغ به من نادر الشعر وأهديه=لك يا بعد روحي وقلبي والاعيان
لعيونك أسهر وأكتب الشعر وأرويه=وأسمك ورب البيت يا زين عنوان
لو تفتحين القلب لك صورتن فيه=وأنتي تهلين الشعر فوق الامتان
يا لذّ عشقن ذقت من عام صافيه=طيفك لا جاني راعي الطيف ما هان
أفز له من عمق نومي وأحييه=وانصاه وأضمه بقوه للاحضان
ما هي سوالف وإبتسامه ولبيه=نكبتني بالحب نكبة حزيران
وأنا قطعت الوصل وأنتي وصلتيه=على كذا شاعرك ما هو بغلطان
إن جبتها للحب ترخص لك وجيه=وإن جبتها للعز بالقلب نيران
ملعون حبن فيه للعز تشويه=مع السلامه مير ماني بندمان