الشاعر عبدالكريم الدوسي
لقيتك هنا جـاثم جروحك تعض الأرض
وشلتك وربـت بيديني على كتوفك
لقيتك هنا والدمع عينك تخضه خض
وذايب مناديل الوفى جـف بكفوفك
هنا من ثمان سنين حبك فرضته فرض
وصار القدر سجان والسجن في شوفك
هنا حظك اللي طايحن قلت له انهض
وفكيت قيد الحلم في زحمة ظروفك
هنا صارلك كلي من اقصاي طول وعرض
وصرت الشعر وان فل ترجع به حلوفك
هنا ولّد ناس(ن) حط للحب قلب ابيض
جروحك خذت بعضه وبعضه فـدا خوفك
قرضت الغزل في حبك اللي قرضني قرض
قصايد مطر تعشب على واحة حروفــك
خذ القلب حبك وانحنى به وشضه شض
تكسر مثل بلور في جالت حســوفــك
تذكر زمان(ن) جيت لك فيه مثل الحظ
زرعت الأمل قيمه على شرهت حتــوفك
عشاني تذكر كل هذا ولا تلحظ
سوى قلب مفجوع(ن) حلم مره يعوفك