;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;
صحت من النوم على صوت مضـآربه ..
صرآخ وركض بالبيت .. ايش الي بيصير ..
طلعت ببجامتها وهيا بالقوه تفتح عيونها ..
شافت سعود متخبي بزاوية السيب وضامم نفسـه ؟!
جود باستغراب قربت لعنده : سعودووه وش تسوي هنا وش فيه ؟
سعود ياشرلها تسكت : نلعب شرطي وحرامي ..
جود : هاه ؟!
سعود بهمس : اولاد الجيران دوبهم جو مع امهم وقاعدين نلعب ..
جود وقفت : حسبي الله وانا اقول ايش هالصراخ خرعتووني ..
سعود : طيب طيب اخر مره بس اسكتي عشان لا يكفشووني ..
جود بعناد قربت لعند الدرج وبصوت عالي : ترىىىى سعودوه متخبي هنا جنب الدرج هههههههه ..
سعود انقهر منها وغير مكانه بسرعه ..
دخلت لغرفتها وهيا تهز راسها : هههههه الله يشفيهم ..
غيرت ملابسها وقعدت ع السرير ومسكت التلفون ..
جود : الووووو ..
الطرف الثاني : هلا حياتي ..
جود : ههههههه كيفك ؟
حلا : بخير انتي اخبارك ؟
جود : تماام ياعسل .. هاه قوليلي ايش صار معكم ؟
حلا : امم خلاص قررنا ..
جود : وشو ؟
حلا : الخميس الجـآي بعد اسبوع بنروح المزرعـه .. عمي مصمم يجمعنـآ .. واحنا بنسوي البارتي يوم الاثنين ..
جود بتردد : وملكة اخوك ؟
حلا بغصه : ملكتهم السبت بعد البارتي ب5 ايام ..
جود بحزن : اهااا .. ( قالت بفرحـه ) اييييه صح ماقلتيلي صممتي فستانك ؟
حلا ابتسمت : ايه الاسبوع الجاي بيكون جاهز .. ايه وكـآرتك عندي تحبين ارسلك هو ولا ؟
جود : لا لا ماله داعي بيوم البارتي عطيني اياه ..
حلا : اوكي ياقمر هم اثنين لك ولخالتي ..
جود ابتسمت : تسسلمين حبيبتي .. طيب رتبتوآ للحفله ..
حلا : ايه والله بس باقي حايسين انا وماما وساره بنت عمي ماقصرت بعد ..
جود : اهااا طيب تبين اساعدك بشي ؟
حلا : لا لا مشكوره ماتقصرين .. امممم بس ابي اخذ رايك بشغلات ..
جود : وشوو ؟
حلا : تقدرين تجين ؟
جود : ايييييه اكيد وانا افوت هههههه
حلا : اوكي تعالي اليوم العصر اذا قدرتي ..
جود : من عيوووني ..
حلا : خلاص حبيبتي انتظرك .. وعلى فكره بنت عمي سارونـه عندي ..
جود : اوكي باي ..
سكرت منها ورمت نفسها ع السرير بفرحه : من قدي بشوووفــه اليــووووم ..
رفعت ايدها وطالعت في الخـآتم الالمـآس النـآعم الي بإيدها .. باسته بلهفه وضمته لصدرهـآ ..
"الخـآتم هو هدية نوآف لها بعيد ميلادهـآ الي رآح اذا تذكروون ^.^ "
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;
قاعدهـ على الكرسي الاسود الطويل وتناظر الاسياب بطفش ..
اليوم مره فاضيه المستشفى على غير العـآدهـ ..
ابتسمت لصديقتها الي تشتغل معاها بالريسبشن : حصه الله يعافيك بروح شوي وراجعه ..
حصه : وين ؟
نوف : شوي مو اكثر من 5 دقايق اووكي ..
حصه : اوكي ..
اتجهت للاصنصيـر وطلعت للدور الي تبغاهـ ..
وهناك مشت بالاسياب محتـآره .. الشـآيب حالتـه صعبه ..
والولد المسكين بالشقه لحـآله وقلقان على ابوهـ ..
>> يارب استر عليه .. يارب اشفي ابوه وخليه له <<
رحمـته كثير .. الولد شكله متعلق بابوه مررهـ .. وبالذات انه ماله ام ولا اخوان ولا احد ..
طلعت جوالها وقررت تدق على بيتهم تتطمن عليه وتطمنـه على حالة ابوه المستقره ..
نوف : الوو اهلين عادل ..
عادل بخوف : هاه ياخاله وش صار ؟
نوف ابتسمت : لا تخاف ابوك بحاله مستقره وان شاء الله بيقوم بالسلامه..
عادل بتردد : زين .. ابي اجي المستشفى ..
نوف : لا مايصير خليك بالبيت ..
عادل : ليه ؟ اكيد ابوي فيه شي وماتبين تعلميني ..
نوف : لا لا حبيبي ابوك مافيه شي بس ماله داعي تجي للمستشفى لانك ماتقدر تكلمه..
عادل : لييييييه ؟
نوف : ابوك تعبان ومايقدر يتكلم الحين .. ومنومينه كم يوم الين تستقر حالته باذن الله ..
عادل بحزن : طيب
نوف : يلا حبيت اطمن عليك .. واذا احتجت لاي شي دق علي زين ؟
عادل : اوكي مع السلامه ..
نوف : الله يحفظك ..
خلصت مكالمتهـآ وقربت من القزاز الكبير الي يطل على غرفة الشـآيب المريض وهو بالعنـآيه الفائقـه ..
ابتسمت بحزن على حال الصبـي ..
هي فقدت اهلها وهم عايشين تمرمطت ومدت ايدها للناس .. لكن هي كبيرهـ ومسؤووله ..
بس ايش حال هالولد اذا فقد ابوهـ بالمـوت .. وماله احد غيره .. وهو صبـي بأول مراهقتـه ولا يعرف في الدنيا شي ..
بتلعب فيه الحياه وبيظطر يعمل اي شي وباي طريقه عشان يقدر يعيش ..
>> يارب احفظه واحميـه ولا تحرمه من ابوه مثل مانحرمت من اهلــي << ..
فاقت من سرحانها ودموعها الي كانت راح تنزل ,, على صوت تحبه وترتاحله كثييـــر ..
وتخاف منـه وتخشاااه بنفس الووقتـ ..
قال من وراها بصوت هادي : كثير اشوفك واقفه هنا وتتأملين فيه ؟ يصيرلك ؟
نوف ابتسمت وهيا معطيته ظهرها : لا بس جارنا ..
احمد ابتسم : اها .. الله يقومه بالسلامه ..
نوف لفت عليه : الله يسلمك ..
احمد وهو يلعب بالقلم الي بايده : وش عندك الحين ؟
نوف : اممم بنزل اكمل شغلي بس جيت اتطمن على العـم ....
احمد : انزين اتركي عنك الشغل وتعالي لمكتبي ابيك بموضوع مهم ..
نوف بخوف : ان شاء الله ..
احمد وهوا يروح عنها .. التفت لها وغمزلها برقه : انتظرك ..
نوف دق قلبها بسرعه مجنوونـه .. >> ياويلي منه بيجنني عذااب ياناس فديت هالطول وهالحـلا << ..
راحت بسرعه للحمامـآت " وانتو بكرامه " .. وعدلت نقابها ورتبت شكلها ..
توجهت لمكتبه الي بالدور السفلي وهي تتنحنح وتعدل صوتها ..
طق طققق طقطق << تدق الباب ..
أحمد بابتسامه جريئه : تفضلي ..
دخلت نوف بهدوووء تام .. سكرت الباب وراها وتقدمت لعند المكتب : هلا دكتور امر ..
احمد باستنكار : له له له كم مره اقولك دكتور بلاشي منها ..
نوف ابتسمت ونزلت راسها : معليش دكتور احنا بمكان شغل و .....
احمد : باي مكان انا اسمي احمد وبس اووكي .. ولا بزعل منك ترىى ..
نوف ابتسمت : خلاص ان شاء الله ..
احمد : اتفضلي استريحي .. وش حابه تشربين ؟
نوف : ولا شي دكتـ.... اقصد احمـ..ـد ..
احمد بخبث : اول مره ادري انه اسمي حلو لهالدرجه ..
نوف بخجل : عاشت الاسامي ..
احمد تنهد : تعيش ايامك ..... نوف مستعده تسمعيني ؟
نوف بقلق : اتفضل ..
احمد : ابيك تسمعيـني من اول حرف لآخر حرف بدون ماتقاطعيني واذا خلصت لكي الحرية التامه في قرارك .. وصدقيني اي شي تامرين عليه بيصير وبدون لا يكون له علاقه بالشغل ووظيفتك بتتم على حالها سواء وافقتي او رفضتي ..
نوف بدا يبان عليها الارتباك والقلق .. اكيد السالفه كبيرهـ يارب استـــر ..
نوف بصوت يرتجف وريق ناشف : اتفضل اسمعك ..