;;;;;;;;;;;;;;;;;;;;;;;;;;;;;;;;;;;;;;
دخلـت لبيت عمتهـآ وهي تحاول تجمع افكارها وترتب الكلام الي بتقولو لـ " غرآم " ..
مرتبكـه كثير اول مره تنحط بموقف صعب مثل هذا ..
ابتسمت تهدي على نفسها ودقت الباب .. انفتحلها من اول مره واستقبلتها الخاادمـه ..
لمياء : هاااي .. مس غرام موجوده ؟
الخادمـه : ايه مس غرام نايم في غرفه ..
لمياء ابتسمت : اوكي بطلعلها ..
طلعت الدرج بدون لا تفسخ العبايه او الطرحه .. احتياط لو صادفها زوج عمتهـآ ..
وقفت قدام غرفة غرام بتردد .. ترفع ايدها بتدق الباب وترجع تنزلها .. مو عارفه ايش تقول وكيف تتصرف ومن فين تبدا..
تنهدت : يااارب عديها على خير ..
دقت الباب وانتظرت الرد ..
غرام بلعت ريقها وطفت التلفزيون : ادخل ..
لمياء حاولت تكون على طبيعتها المرحه عشان لا تحسسها بشي .. وبتشوف ردة فعل غرام اذا ارتبكت او توترت معناته كلام اخوها صحيــــح ..
لمياء فتحت الباب بدفااشه : بوووووووووووو ..
غرام انفجعت .. وانصدمت من وجود لمياء ببيتهم بهالوقت ؟ ايش جابها وايش تبغه ؟ اكيد سالفتي انتشرت وكل العائله عرفت فيها ..
لمياء قربت لعندها وضمتها : سلااااااااااااموووو شلوونك يالخايسه ..
غرام مرتبكه وماتحركت من مكانها : بخيـ..ـر وانتي ؟
لمياء رمت عبايتها ع السرير وجلست قدام غرام : تمااااام .. وش فيك ترتجفين ؟ بردانه ؟
غرام هزت راسها : لا لا ..
لمياء ابتسمت : اجل وش فيك ..
غرام وقفت : انتي وش جابك هالحزه ؟
لمياء : افااااا طرده يعني ؟
غرام : لا موب قصدي بس يعني ماتصلتي ولا شي ؟
لمياء : امممم جايه اكلمك في موضووع مهم ..
غرام وقلبها يطبل : وش موضوعه ؟
لمياء حست بتوترها : انتي اجلسي الحين وبعلمك ..
غرام جلست بسرعه اصلا رجلها ماكانت تشيلها من الخوف والرجفه : وشوو ؟
لمياء بهدوء وبان على وجهها الضيقه : انا بتكلم وابيك تفهميني ززززين ..
غرام ساكته وتلعب باظافرها ............\
لمياء بدون مقدمات رمت كلمتها : لازم تكلمين ابوك وتقوليله انك رافضه الزواج من فيصل وماتبينه ؟
غرام بصدمه رفعت عيونها عليها : وشووو ؟ ليه وش صاير .. اقصد شلوون تقولين كذا انتي ............
لمياء بحده : مايحتاج اتكلم وانتي تدرين شالسالفه ؟
غرام ماسكه دموعها : والله العظيم ماعرفه ولا عمري شفته مالقيته الا طاب علي ويحكي معي كاني خويته وبحزتها دخل فيصل ولا ........
قاطعتها لمياء : هذا الكلام حبيبتي تتبررين فيه موقفك قدام ابوك قدام اهلك مو معااااي اوكي ..
غرام ماسكه دموعها بالقوه وصار فكها يرجف : والله صدقيني ماكذب ..
لمياء تنهدت : اخوي يقول هو مستحيل ياخذك .. واذا ماكلمتي ابوك ورفضتي من نفسك .. هو راح يظطر يعلم اهلك كل شي ويفسخ الخطوبه وساعتها بتصير فضيحه ومشاكل بين العوائل واحنا مستغنين عن هالشي ولا وش راااايك ؟!
غرام تبكي : صدقيني يالمياء والله اني مظلووومه والله ..
لمياء هزت مشاعرها صورة بنت عمتها تبكي بهالشكل وهي الي طول عمرها مغروره ورافعه خشمهاااا فوووووق .. بس تجاهلت احاسيسها وكملت : شوفي حبيبتي .. الملكه ماباقي لها الا اسبوعين .. اذا ماراح تتصرفين بسرعه فيصل راح يتصرف من نفسه .. وانا انصحك تكلمين ابوك بدون لا يحس بشي احسن من الفضاايح وانا اعرف اخوي عصبي وبيسوي الهوايل لو جاه هنا ..
غرام بلعت ريقها : طيب ولو سالني ليه ؟!
لمياء باستهزاء : قوليله احب غيره مو عيب ..
غرام بتفاجأ : وش تقولين انتي انجنيتي .. انا متربيه زين و.............
لمياء : اوووف خلاص طيب تصرفي بنفسك ..
غرام نزلت راسها بانكسار : ولو ماوافق ؟
لمياء وهي توقف : انتي وشطارتك وعاد لازم تقنعينه باي طريقه ولا بيصير الي عمره ماصار .. وفيصل متوعد ..
غرام وقفت معاها : حرام عليكم والله ماسويت شي ..
لمياء وهي تتوجه للباب : انا مالي شغل انا جيت وصلت رسالة فويصل وبمشي يلا مع السلامه ..
وبعد ماطلعت ..غرام رمت نفسها ع السرير وانخرطت في البكاااااء ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;