[نور الدنيـــا]

" الريـآَض " ..

بعد مآرجعت من بيت صاحبتهآ .. غيرت ملابسها وكانت بتنزل تتعشا بس ...
رن جوآلها بنغمه غريبه ..
هزت كتوفها باستغراب وردت ..
جود : الووو ..
الطرف الثاني : الو ..
جود دق قلبها وابتسمت : نواف ؟!
الطرف الثاني بجاذبيه : يا عيون نواااف ..
جود بخجل : اهلين ..
نواف : كيفك ؟!
جود : اممم توني كنت عندكم ..
نواف : ههههه ادري ياقلبي بس بعد ابي اتطمن عليك ..
جود بابتسامه : بخير انت شلونك ؟
نواف : واحد يسمع صوتك وشلون بيكون ؟! ( ابتسم ) بس تصدقين اشتقتلك ..
جود رفعت حاجبها وهيا مبتسمه : لا بالله ؟!
نواف بهمس : وربي اشتقتلك موت ..
جود بدلع : وانا بعد ..
نواف >> ياحياتي انتي << : الا وش فيك اليوم تتهربين مني ؟
جود : انا ؟؟!
نواف ابتسم : ايه انتي .. امممم يعني مو بالعاده تتعاملين معي برسميه ..
جود : ههههههه طيب اصبر علي توك راجع من السفر ..
نواف : هههههههه فديتك ..
جود وقفت قدام الشباك وهي تلعب بخصله من شعرها : وشلون بريطانيا وحياتك هناك مرتاح ؟!
نواف : ايه الحمد الله ( قال بخبث ) والبنات وهـ يالبى قلوبهم يفتحون النفس ..
جود : نععععععم ؟!
نواف بمكر : وش فيك ؟
جود : ولا شي ..
نواف : تغارين ؟!
جود : لااا اغار على وشو من حلاتك ..
نواف بخبث : اكيييييييد ؟!
جود ابتسمت : ايه اكيد لاني واثقه فيك ومستحيل اغار ..
نواف >> قوولها يانواف هذي فررصتك << : وانا بعد واثق فيك يا .... ياحبيبتي ..
جود وقفت ايدها عن الحركه لثواني وصدى هالكلمه يتكرر في اذنها بدون توقف .. هو يحبها مثل ماتحبه ..
ابتسمت بارتباك وماقالت شي تحس تنفسها سريع ..
نواف : جود ..
جود بصوت خافت : هلا ..
نواف : بقوولك شي وابيك تفكرين عدل ..
جود : قـ .........
طق طق طققق << دقة الباب ..
جود بسرعه : نواف اكلمك بعدين اوكي ... باي
نواف تنهد : باي ..
جود تأففت >> ياربيه هذا وقته << .. فتحت الباب الا وبسعود قدامها .. سحبته لداخل الغرفه بقهر : هذا انت يازفت على بالي امي ..
سعود : هههههههه ايش كنتي تسوي عشان تخافي كدااا ؟!
جود : يالقافتك مالك خص قوولي الحين امي وينها ؟
سعود : ماما ارسلتني عشان اناديكي تتعشي ..
جود ابتسمت : اوكي الحين نازله ..
طلع سعود وهي لحقته ..

::

ماسك الجوال ومقهور من الي صار >> انا الي بسويه صح ولا غلط اقوولها ولا انسى الموضوع ..
انا ادري بكل شي من قبل لا اشوفها واحبها بس وش اسوي قلبي يحبها ويبيها ..
وساره المسكينه وش ذنبها بلي يصير .. متعلقه فيني ومنتظره اليوم الي اجي اتقدملها فيه ..
بنت احلامها وامالها علي وبالنهايه اكون لغيرها ؟!

بس ماهي غلطتي .. غلط اهلي واهلها .. وافكارهم الي مستحيل يغيروها ..
انا ابيها والله ابيها وماتخيل اكون لغيرها .. راح اكلم امي والي فيها فيها << ..

اندق عليه الباب ورد بضيقه : ادخل ..
دخلت مبتسمه وبايدها كوب نسكافيه من ابداعها كالعادهـ : مسااااااءك عسسسسل ياعسسسسل ..
نواف ابتسم : هههههههه يمسيك بالخير ان شاء الله .. غريبه وش عندك ..
حلا ناولته الكوب : لااا بس ابيك تذوق هذا من يدي وماما مره عجبها ..
نواف : هههههه اكيد دامه منك ياقلبي انتي ..
حلا ابتسمت بدلع وجلست جنبه : ايه وش اخبارك ؟
نواف عارف انه وراها شي : تمااام ..
حلا ابتسمت : دوووووووووووووم يارب ..
نواف : تدوم ايامك بالخير .. ايه هاتي من الاخر وش تبين ..
حلا : هههههههه يعجبني الفاهم انا .. امممم بس اذا ماعليك امر .. بليييز يعني توديني للمشغل ..
نواف باستغراب : الحين ؟!
حلا : ايييه ابي اشوف فستاني وش صار عليه ..
نواف : اقولك حلا خليها بعدين وربي ماني فايق ..
حلا : ليه وش فيك ؟
نواف تنهد : متضايق ياحلا وربي متضايق ..
حلا بقلق : سلامتك ماتشوف شر .. خير وش فيه ؟
نواف : الشر مايجيك ..
حلا مسكت ايده بخوف : نواف قولي وش تحس وش الي مضايقك ؟
نواف ابتسم : مافيني شي بس شوية ضيقه وبتروح الحين ..
حلا بشك : اكييييد ؟!
نواف : ايه اكيد .. انتي روحي شوفي شغلك وانا مافيني الا العافيه ..
حلا قامت من جنبه بتردد : طيب بس تكفى اذا فيك شي قولي ( قالت بحزن ) ماعاد اتحمل اخسر احد ثاني يكفي ..
طالعت فيه بحزن وطلعت من الغرفه .. وبمجرد انها سكرت الباب نزلت دموعها وراحت تجري على غرفتهآ ..
تركي ... وراح ..
فيصل ... وبعد بيروح منهااا ..
ابوها ... من زمان مايدري عنها ولا كانه موجود بالدنيا ..
وهذا نواف الغالي مستحيل تتخيل حياتها بدوونـه ..

قعدت ع السرير تشكي الامها للي خلقهآ وتبكي بقهر .. على حبها الي ضاع ..
و عـ الانسان الي بعمره ماحس فيها ..
حب يتيم .. من طرف واحد ..
ولد يتيم ومآت يتيم ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;
عدت السآعآت سريعـه ..
السآعـه 11:00 المسآء ..

هبطـت الطيآرهـ على أرض ميونـخ _ ألمآنيآ ..
استعدوآ الركآب للنـزول ..
ومن ضمنهـم ..
نورهـ ورآشد ونجـود ..
نورهـ وهي توقف : يلا نجود قومي ..
نجود وحقد الدنيا كله متجمع فيها من حركة اختها البايخـه ..
كانت تحسب انهم رايحـين لجدهـ .. وبمجرد ماأقلعت الطياره .. قالولهآ الحقيقه الي بنظرهـم عاديه ..
مايدروآ قد إيش هي تحترق من جوهـ ومقهورهـ على بيت الله الي كانت بتزورهـ وحرموها منـه ..
ماتبغه تسوي العمليه قبل لا تتـوب لربهآ توبه نصوحـه ..
نورهـ بعصبيه وصوت واطي : قومي يلا الناس تنتظر ورانا ..
نجود بقهر : الله لا يوفقك .. تحسبين بهذي الطريقه انك بتجبريني ارضى اني اسوي العمليه .. لاء حبيبتي لما اقول لاء معناته لاء .. والي خلقني ماني مسويه شي انتي وزوجك خططتوهـ وكل شي بيمشي زي ماأبي انا ..
نورهـ تنهدت تحاول تجاريها وتسكتها : طيب الحين قومي معي ..
مدتلها ايدها بس نجود حاولت توقف لحالها ..
نزلـوآ من الطيآرهـ ..

وبعد الإجرآئآت والعفش الي ماأخذ أكثر من ربع سآعـه ..
طلعوآ بالتآكسي للفندق ..
راشد بهدوء وابتسامه تريح : دحين لا تشيلي هم يانجود .. بنروح للاوتيل وارتاحي .. وبكرا يصير خير ..
نجود ساكته وكاتمه غيظهآ .. محد حاس فيها كل واحد يتكلم ببرود .. مايعرفوآ احساس الخوف والرعب الي هي عايشته بهالظلام والوحدهـ لحالهآ ..

نجود بتأفف : الساعه كم الحين ؟
نوره بارتباك : ساعتي ع السعوديه مـ...........
قاطعها راشد : ساعه وحده الفرق ( طالع في ساعته ) دحين 10 الليل ..
نوره ابتسمت : اها ..
مرت نـص سآعه على مآوصلوآ للأوتيـل ..
نـزلوآ من السيآرهـ ..
وبعد مآحملـوآ الشنط ع العربـه ..
راشد ابتسم وهما يدخلوآ لدآخل الفندق الفخـم والرآقي : نوره استنيني هناك شويه بخلص شغله وراجع ..
نوره هزت راسها واخدت نجود وجلسوآ باللوبـي الوآسع .. ونورهـ مبهوره بجماله وفخآمتـه والذوق الفني الي موجود بكل قطعة اثآث فيه ..
وبعد مآطلعوآ للسويت حقهـم .. الغرفه مآكآنت أقل فخآمه ورقي من مظهر الفندق الخآرجي ..
نورهـ وهي تجلس بالصاله جنب نجود : يلا قومي معي عشان تنامين و ...............
نجود بدون نفس : مالك شغل فيني ..
نورهـ تنهدت >> عمرها ماراح تتغير << : طيب عشان ادلك ع الغرفه و ...............
نجود بعصبيه وصراخ : خلاص اتركيني بحالي .. مو كفايه الي يصير معي ليه تحسسوني اني محتاجتلكم .. انا اقوى من كذا وماني محتاجه لاحد .. خلاص يكفي حرام عليكم تعبت مليت خلااااااص ..
نورهـ اتفاجأت من ردة فعل اختها العصبيه .. قررت تسكت عنها وتسيبها براحتهآ وبكرا يصير خير ..

أمآ هو ..
بعد ماطلع من الإتوآليت سمع كلام نجود وقديش هي عصبيه وماتتفهم او تتقبل أي شي ..
حس بالشفقه عليها وعلى حالها ..
رمى المنشفه الصغيره الي بيدهـ ع الكرسي وطلع من الغرفه ..
راشد بهدوء : نورهـ تعالي شويه ..
نورهـ قامت بخجل واحراج وهيا لسه بعبايتها وطرحتهآ بس شالت النقاب ..
مشت وراهـ للغرفه وقلبها يدق بسرعه وبالذات انو السويت مافيه الا غرفتين .. يعني .............!!
جلس ع السرير وابتسم بخفه : قفلي الباب وراكي ..
سكرت الباب ووقفت قدامه والخجل مقطعها مو عارفه كيف بتتصرف ولا تتعامل معاهـ ..
دحين هوا زوجها على سنة الله ورسوله حتى لو مو قدآم الناس بس بشرع ربي وحلاله ..
يعني المفروض عليها تعامله كزوج قبل كل شي ..
راشد استغرب : حتفضلي بعبايتك كدا ؟!
نورهـ وصوتها بالقوه يطلع : لاء راح افصخها الحين بس .....
راشد حس باحراجها : اوكي خدي راحتك ..
نورهـ هزت راسها ودخلت للحمام بسرعه وسكرت الباب ..
راشد : هههههههههه ياحلاوتها مستحيه ..
دخلت للحمآم " الله يكرمكم " وفصخت عبايتهآ وطرحتهـآ ..
فكت شعرها وحركتو بيدنيها ..
غسلت وجههـآ الخآلي من المكيآج ..
ورتبت ملابسها وخرجـت ..
كانت مقهورهـ كتير انه اول مره يشوفها بدون قيود وتكون بهادا المنظر ..
تمنت تكون ملكه في الجمال يوم ماياخدهآ راشد ..
ملامحها حلوه وجذابه من غير أي مستحضرات .. بس مهما كان تمنت تكون بشكل غير الي هيا فيه دحين نهائيآآآآ ..
كان معطيها ظهرهـ .. ويكلم تلفون ..
حست بارتباك وبرود في اطرافها .. توجهت لشنطتها بخفه واخذت الكولونيا ورشت على نفسها من غير لا ينتبهلها ..
انهى مكالمتـه وسند ظهره ع السرير بتعب .. ابتسم وهو يشوفها واقفه بعيد وخجلانـه ..
راشد بتردد : تعالي اجلسي ..
قربت لعندهـ وجلست قدآمه وهيا منزله راسها وتلعب باصابعها ..
راشد عدل جلسته وقرب لعندها : اشبك .. ماني غريب ..
نوره وهي ترتجف كل ماقرب منها : ادري ..
راشد >> وربي انك مخفه اثقل << بعد عنها شويه وقال بهدوء : انا بس حاب اقولك .. لا تشيلي هم اختك .. عارف انها عصبيه وانفعاليه زياده عن اللازم بس كل شي بينحل .. وراح ترضى بالامر الواقع .. انا متفق مع الدكتور وبعد بكرا ان شاء الله موعدنا هناك بيشوفها ويعين حالتها ويدينا موعد تاني نعمل فيه العمليه .. ان شاء الله سهاله بس لا تقلقي ..
نوره هزت راسها بالموافقه ..
اما هوا تنهد ورجع راسه لظهـر السرير بتعب : والله داااايخ ..
نورهـ بهدوء وقفت : طيب انا بخليك ترتاح و ............
راشد فتح عيونه : لا لا ماني نايم دحين .. طلبت عشآ أكيد ميته جوع انتي ونجود وانا كمان معدتي اتلزقت ببعضها ..
نورهـ ابتسمت : اوكي ..
كانت راح تطلع من الغرفه بس صوته وقفها : لحظه على فين ؟
لفت عليه بتوتر : بجلس مع اختي شوي ..
راشد : اهاا اوكي ( وكمل بارتباك ) وترى انا حنام في الصاله يعني خدي راحتك ..
نورهـ بسرعه : لا لا مايصير انا راح انام مع نجود وانت ترتاح هنا ..
راشد ابتسم : لا وي مايصير خلاص انا قلت بتنامي هنا وانا برى ..
نورهـ بقلة حيله : الي تشوفه ..
طلعت من الغرفه وخلتـه يفكر فيهآ .. ويفكر بشخصيتها وكيف راح يتعامل معاها ..
هل بيقدر يسعدها ويعيشها الحياه الي تتمنآهآ ؟!
او شبح " حبيبته " الخاينه بيظل يلحقه ؟!

** في نفسه **

ليه يارهآم ليه ؟!
وربي حبيتك ولين دحين احبك .. اديتك كل شي بحياتي ..
كنتي انتي دنيتي .. اشوف فيكي حاضري ومستقبلي وعمري كله ..
ليه ياآحلى حلم في حيآتي ..
آآآآهـ ياربي لو اعرف في ايش قصرت معاها عشان تسوي الي سوته ..
بس هيا خانتك ياراشد اصحى .. عمرها ماحبتك ؟!
كذآبه ؟ كل كلامها وضحكاتها وحنانها كان مجرد لعبه حقيره منهآ ؟
من بعد ماعلقت قلبك وعشمته .. جرحتك ..
آآخ بس لو اقدر انساكي واشيلك من بالي ..
احس حياتي توقفت من يوم الي سبتيني فيه ..
يآربي لطفك ..!

// قهر مآكنت أنآ أدري تعيش بقلبي كذآبه ..
قهر توي عرفت إنك على الحبلين لعآبه ..
كذب كآنت سوآليفك وكل كلمه على كيفك ..
وأنآ إلي أحسبك روحي ولقلبي اقرب إحبآبه ..
ولقلبي إقررررب آحبآبـــه ..! //