[نور الدنيـــا]

" جــدهـ " ..

وقعت المصيبـــه .. وانكشف الســـرر ..

نـزلت كلمة الدكتوور عليه كـ الصآعقه ..
طاح على ركبه من هوول الصدمـه ..
مو مصدق .. لا لا ايش مو مصدق اكيد انه بيحلم او في كآبووس مززعـج ؟!
رفع عينه للدكتور بتوهآآن فظيع : كيييييف ؟!
الدكتور حس انه فيه شي غلط في الموضوع .. مد له ايدهـ عشان يساعدهـ يوقف : اهدأ ياخويا أيـ.......
قاطعه بعدم تصديق : انتا ايش تقوول بالله ؟!
الدكتور باستغراب : ليه لاسمح الله فيه أي شي ؟!
فهد هز راسه بهستيريه وهوا ساكت .......!!
وقف برجول مرتجفه والصدمـه واضحه بعيونه وملامح وجهه ؟؟
جلس على اقررب كرسي .. يحاول يفهم الموضوع .. او يستوعب الحكاايــــه ؟!
قرب الدكتور من عندهـ وجلس ع الكرسي المجآور له .. قال بتردد وهدوء : يااخويا ربك ستار .. ودا الشي مـ .........
قاطعه بعصبيه : فينهاااااا ؟!
الدكتور يحاول يهديه : يااخويا بدون فضايح .. تقدروا تناقشوا مشكلتكم برى او ........
صرخ بقهر ونار مشتعله جواتـه : اقوولك فينها الحيواااانه ؟!!
تأكد الدكتور من الشكوك الي في باله .. وحاول يهديه بس بدون فاايدهـ ..
وقف بسرعه وركـض لناحيـة الغرفه الموجوده فيها فدووهـ ..
لسه تعبآنه ومتمددهـ ع السرير وماتدري بأي شي ؟!
دخل عليها بوحشيه وهوا يصرخ بس وقفته إيد الدكتور تشد على ذرااعـه بقوه : اخوويا اهداا خليني افهمك ..
فهد وهوا يحاول يفلت منه : وربي لا اقتلهااا سيبني ..
سحبه بصعووبه لبرى وسكر الباب : انتا مجنوون ؟! مافيه شي بينحل بدي الطريقه روووق ..
اخذ نفس عميق وهوا يحاول يظبط دقات قلبه المخرربطه ........
الدكتور : اسمعني لو سمحت .. انا بكلمك كـ إنسآن مو كـ طبيب .. مهما سار في دي الدنيا راح تفضل اختك .. انتا لازم تفهم منها الحكايه كلهااا .. لازم تعرف الحقيقه بلساانها قبل لا تتهور وتعمل شي تندم عليه طول عمرك ..
فهد حس بالدنيا ضاايقه عليه .. كيف سمعتهم تتلوث بهالطريقه .. كيف يسمح لواحد زي داا يتكلم معاه كدا وفي شررف اخته ..!
ايش الي بيسير .. حلم ولا حقيقه ؟!
سكت وماعلق على ولا حااجـه ؟!
جثى على ركبته .. رجوله مو شايلته من قوة الرجفه والتوتر ..
غمض عيونه بقوهـ .. حآول يركز في الي قاعد يصير .. يتأكد من حقيقة الأمــــرر ..!
مسك راسه بين يدينه ونزلت دموعه هززت كيآن الدكتور وكل الي يمر من جنبــه ..
دموع رجآل خسـرر شرفه وضاعت سمعتـه ..
دموع انسان انكسر بعد مآكآن شامخ ماتهزهـ ريآآآآح ..
شخص عآش حيآته كلهآ راااسـه مرفووع ودحيـن مآيسترجي يرفع عينـه بعين أحــد ..!
كل شي ضآآآع .. الشرف .. السمعـه .. الثقـه ...... أختــــه ؟!
تسند ع الجدار بضعف وهوا يبكي زي الاطفآآآآآل بالضبط ..
ويتمتم بكلام مو مفهوم ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

زفــرر بضيقـه وعيونه معلقه عليهآ ..
مو رآضيه تتكلم ولا تنطـق بأي حرف أو حتى إيمآئه برآسهآ ..
كل الي تسويـــه .. تبكي ؟!
تبكـي وتقطع قلبه بكل شهقه تطلع منهـآ ..
كآن مجهز اقوآل وافعآل كثيــرهـ لحظة مآيشووفهآ .. بس حــن قلبـه .. حن لأختـه لـ حبيبتـه ..
حس قد إيش هوإ يعزهـآ ويغليهـآ لو إيش مآسووت ..
نفسـه يمد إيدهـ يمسح دمووعهـآ الغآليه ..
يتمنـى يرجعلهآ الإبتسآمـه الحلوهـ إلي تميزهـآ ..
مشتآق لصوتهآ .. مشتآق لكلآمهـآ وضحكآتـها ..
كآن في لحظـه رآح يضمهآ لصدرهـ ويسآمحهـآ ..

تنهـد وقآل بحيرهـ : مهآ .. تكلمي قولي شي لا تبكي خلااص ؟!
مهآ مآزآلت مستمره في البكـآ بدون أي كلمـه زآيدهـ ..
سامي بحنان : طيب قوليلي مين الي سووى فيكي كدااا .. مين الي كان يديكي هادا السم ؟! مين الي دلك عليه ؟!
اديني اسمــوو بس ..
سكتت شوويه تطالع فيه بتمعـن ..
لسه حنوون .. لسه طيب .. لسه هوا سامي الي يحبها ويخااف عليهآ ..
معقوله بعد كل شي طلع منهآ مآزآل يعزهآ ؟!
ياللــــه قد ايش ظلمتـه وظلمت اهلهـآ بتصرفآآآتهـآ ..
عمرهـ مآقصر معآهآ ولا رفضلهآ طلب .. وبعد كل الي سووتـه رجعلهآ بطيبة قلب يحآول يساعدهـآ وينتقم من الي ضرووهـآ ..!!
نزلت عيونها للارض وهي تلعب باصابعها بعد ماهدأت شويه ..................
سامي مد يدهـ لدقنهآ ورفعه بهدوء : قولي يامهاا لا تخافي .. صدقيني راح يدفعوإ ثمن كل دمعه نزلت من عيونك وكل آآآهـ قلتيهآ ..
مهآ وعيونها مغرقه بالدمووع .. تكلمت بصوت ماينسمع : سامحني ..
سامي غمض عيونه وعض على شفايفه بقهــرر .. هوا مساامحها من غير ماتقول .. توقع انه ممكن يزعل عليها ويحقد .. بس من شافها نسى كل شي .. صار كل همه يرجعلها حقهـآ وينتقملهـآ ..
قال بإصرار كبير : قولي يامها .. مين ؟!!
مها بارتباك وصوت مرتجف : صحباتي ..........
سامي باستنكار : صحباتك ؟! لسه تسميهم صحبات ؟! قووليلي بس اسمائهم بسرعه ..
مها : ...................
حآول يطمنهآ قد مآيقدر وشجعهآ تقوول ........
تكلمت بعد صمت طويل : سـ ....... سمآهر الـ***** و .......و ...............
سامي والحقد بين في صوته : ومين تكلمي ؟!
مها بلعت ريقها وهيا تحاول تفتكر كلمآت شذى لهآ .. صح كآنت شريكـه في الي سووهـ .. بس كثير نصحتها وحآولت تبعدهآ عن دآآآ الطريق ...........!!
قالت بهدوء : بس ..
سامي بشك : متأكدددهـ ؟!
هزت راسها بالمواافقــه ..
سامي : لا يكون احد مآثر عليكي او مهددك بشي .. صدقيني محد يقدر يمس منك شعرهـ انتي بس قوليلي ..
مها ودموعها منهمره على وجههـآ : هيا سماهر ..
وقف وايدهـ قابضه على الجوآل بقووه وبقهر : طيب طيب ..
اداهآ ظهرهـ وكآن رآح يطلع .. مآعندهـ وقت يضيعـــه ..
مهآ بخوف : لا تروح الله يخليك ......
لف عليها بهدوء : انا لازم امشي .. لا تخافي الممرضات والدكآتره سهرانين عليكي وانا موصيهم ..
مها بصوت يقطع القلب : مابغه خلاص طلعوني من هنا .. تعبت والله حامووت ..
سامي قرب لعندها ومسح على شعرها : بسم الله على قلبك .. لا تقولي كداا .. وجودك هنآ راح يساعدك تتخلصي من السموم الي في جسمك باقرب وقت .. وبكرا يوم الزياره حتجيكي امي ..
هزت راسها بقلة حيله ..
ابتسملها وطلع من عندهـآ .. واسم واحد يتردد في بآله ..
اسم إنسآنــه بتكون حيآتهآ جحيم بمجرد دخوولـه فيهآ ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;