" الريـآإض " ..
قاعد في الصآله يطالع حوله بشروود ..
من بعد مآكلمهآ وسمع صوتها وكل كيآنه مخربط ..
حُب حيآته الأول ... حبهآ الي مآت من قبل لا يعيشوهـ ولا حتى يصآرحوإ بعض فيـه ..!
يمكـن من طبعه بـآرد ومآيهمـه أو مآعنده إحسآس ..
لكن من جوآتـه مطعوون .. مقتوول ..
حُب الرجـآل صآدق .. عمرهـ مآكآن كذب أو تسليه أو حتى أوهـآم ..
الرجـآل إذآ حب يحب بكل شي فيـــه ..
وهذآ حآل فيصــل ..
يتمنـى يكلمهآ مره ثآنيه ... يكلمهآ بس في ظروف غير الي هوإ فيهآ تمـآمآ ..
يكلمهآ .. كـ حبيبه .. كـ خطيبـه .. كـ إنسآنه بتكون له وهوإ لهآ ..
بس كل شي مآشي بعكس مآيبغـه ..
لآزم ينسآهـآ ويعيش .. ولو كآن نسيآنهآ يعني المـووت ..
مجبور يتأقلم مع غرام ويحبهـآ ..
التفت على صوت أختـه العـآلي : يمممممه يلا تأخررنـآ ..
فيصل : وليش العجله وش ورانا ؟!
لمياء تخصرت : لو سمحت خليك في حالك وموب لازم تجي اذا ماتبي ..
فيصل تنهد : وانتي الصادقه والله مالي خلق ..
أم فيصل وهيا نآزله من الدرج : وش هالكلام ياقلبي .. قوم يلا تعوذ من ابليس وامشي معنآ ..
فيصل وقف : ان شاء الله يمه عشآن خآطرك ياالغآليه ..
طلع لغرفته يغير ملأبســه ويروح معآهـم ..
ام فيصل بحنان : الله يحفظك من كل شرر ..
لمياء بتافف : طبعا حبيب الماما من حقه يتدلع ..
ام فيصل : الا اقول .. غروومـه مآإتصلت ..
لمياء تنكدت من سمعت طآريهآ وهيآ الوحيده إلي تعرف بالموقف الي شآفهآ فيه فيصل : استغفر الله وش ذا الطاري من صباح الله ..
ام فيصل : استحي يابنت .. هذي حرمة اخوك ... وقبل كل هذا تكون بنت عمتك .... يلا اتصلي فيها ..
لمياء : اتصلي فيها إنتي انا ماأكلم ذي الاشكآل ..
ام فيصل : لا حول ولا قوة الا بالله الله يصبرني عليك لحد ماياخذك بندر وافتك ..
لمياء سكتت للحظـه وبعدهآ كملت بقهر : مره واثقين اني باخذهـ ..
ام فيصل جلست ع الكنبه وحطت رجل على الثانيه : سكري ع الموضوع قبل مانتهاوش مثل كل مره ..
لمياء : ياليت يفيد بس ..
ام فيصل تنهدت : انا للـــه ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;
إندق باب الغـررفه وهيآ في إسوإ حآلآتهآ ..
مآلهآ نفس تسوي أي شي ولآ حتى تفتح فمهآ وتــررد ..
دخـل عليهآ من بعد مآمل الإنتظـآر ..
نوآف عقد حواجبه وجلس جنبهآ ع السرير : وش فيك ماتردين ..
حلا متقوقعه على نفسها : ماااسمعت ..
نواف قرب لعندهآ : حلا وش فيك ؟
حلا بغصه خانقتها : مافيني شـ..ـي
نواف عورهـ قلبه على شكلهآ رفع شعرها عن وجههآ بحنيه : طالعي فيني ..
حلا : ...............
نواف بدأ يقلق : قلبي وش فيك ..؟؟
رفعت راسها بهدوء : ولا شي بس راسي يعورني ..
نواف ابتسم : حلا لا تكذبين ..
حلا تسندت ع السرير وضمت المخده لصدرهآ : نواف ..... مآ....مآبـ..ـي أروح ..
نواف بتفاجأ : ليش ؟
حلا بعيون مغرقه : والله متضايقه والله ..
نواف قام جنبهآ وضمهآ لصدره : سلامتك يابعد عمري عساه فيني .. وش فيك ..
حلا سكتت ودموعهآ عبرت عن الحـزن والألم الي تحس فيه ..!
نوإف بقلق وهوا يمسح على شعررهآ : حلا لا تخوفيني عليك ..
حلا تبكي : آآهـ تعباااانه يانواف تعباااانه ..
نواف : بسم الله عليك ( رفع راسها وحآوطه بيدينه ) وش فيك .. وش الي متعبك ؟!
حلا هزت راسها بالنفي ومسحت دموعها ...... وابتسمت : لا لا تشغل بالك بس متضايقه شوي والحين بهدأ ..
نواف : بتقولين ولا شلوون ؟
حلا بعدت عنه : والله مافيني شي بس افتكرت ..... افتكرت تركـ..ـي ..
نواف تنهد : الله يرحمــه .. متأكده مافيه شي ثاني ؟
حلا هزت راسها وقالت بتردد : بس ...... بس تركي مآمآت ..
نواف عقد حواجبه : وشو ؟!
حلا ابتسمت : والله مامات .. و ..... شفته والله شفته ..
نواف مصدوم : ...................
حلا : تذكر يوم اغمى علي و... ويوم صحيت قلتلكم ومحد صدقني ................ والله ذاك اليوم شفته وكلمني ..
نواف مسك راسه بين يدينه : حلا وش تخربطين ؟
حلا تلعب في اظافرها : والله ماإخربط و ....... وبسمعـك شي لحظه ..
طلعت جوآلهآ من درج الكومدينه وظغطت فيه شويه : اسممع ... سجلت مكالمته الأخيرهـ ..
نواف اخذ الجوآل وصار يسمــــع بعدم تصديق .. وكل شويه يرفع عينه عليهآ يتأكد من إنه مآيحلم ..
حلآ ابتسمت بحززن ..
نواف سكر الجوآل وصار يطالع في الفرآآإغ ..
كيف يصير كذآ ؟!
تركي حــــي .؟
كيف وهمآ مصليـن عليـه ؟!
دآفنينه بإيدهـم ؟!
أكيد فيه غلط في الموضوع أو سوء فهـــم ؟!
كل هالسنيـن تركي عآيش بعيد عنهـم ؟!
ويـــنه وش يسوي ومع ميـــن وكيف اوضآعــه ؟!
رفع عينه لحلآ : وش الي قاعد يصير ( وقف وهوا شويه وينجن ) هذا جنوون ..
حلا وقفت معاه : لا مو جنون .. حآولت افهمك اكثر من مره بس .... انت ماعطيتني فرصــه ..
نواف طالع فيها بشرود : يعني ؟!
حلا ابتسمت : يعني تركي لسه حي ..
نواف : طيب ... طيب وينه وين اراضيه ..
حلا هزت كتوفهآ : مارضى يقوول ..
نواف بانفعال : لا تجننيني ... ( اخذ نفس يظبط دقات قلبه) مستحيل والله مستحيل ..
اندق الباب ومن بعدهآ دخل محمــد : وينكم ابطيتوإ .. يلا امي تنتظر تحت ..
نواف طلع من الغرفه بدون مايرد ..
اما حلآ ابتسمت بضيقه .. لازم تروح .. ابوها راح يعصب عليهآ وامها بتزعل منهآ وبنات عمآتهآ أكيد ..
سحبت شنطة ملآبسهآ وشنطة ايدهآ وطلعت من الغررفـه ..!
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;