ياأبن ادم دام عمرك باقي وعندك مجال = حكٌم العقل وتذكر كم بقالك ثانيه
الحياة اللي نهايتها ممات وثوب شال = ثوب شال وحفرةٍ من الاوادم خاليه
لا (تسوُف) يابن آدم وانت في وهم وظلال = لاتغرك بالحياة المغريات الفانيه
يكفي ذنوب ومعاصي يكفي غفله وانحلال = اصحى تكفى يابن آدم قبل نارآ صاليه
كم وجيه العام صامت وينها؟ قلي تعال = رحلة ذهاب بلا اياب بالمقابر باليه
من تذكر موت غالي هل دمعه وسال = ومن تذكر ياه (يمه) بالسنين الماضيه
ومن ذكر عليه شايب كانت ايامه دلال = جض قلبه ثم تنهد زفرتينٍ حاميه
كم نشيع كل يوم من نساء ومن رجال = ذا غريب وذا حبيب و(اب) و(امٍ) حانيه
ويمكن انتَ او أنا والا هذا لامحال = لامجالٍ بالخلود وهي حياةٍ فانيه
ضيف ربي باقي له عدة ايام وليال = طيع شوري يابن ادم وانت بثوب العافيه
بادر بتوبه نصوح وصفحةٍ مع ذالجلال = صفحةٍ بيضاء نقيه من المعاصي خاليه
,,,,,,,,,,
هنا رسمت احلى واجمل الكلمات عزفت سفونيه
تعجز لاقلام عن كتابتها ابدعت
صح الله لسانك مليون ولايسدون
تقبل مروري ولك تحيتي
,,,,,,,,,,,
الاخت ملكة الخواطر مرورك اسعدني
وحضورك نور متصفحي ,,,
فلا تحرمينا من طلتك ,,,,,
دمتي بخير,,,,,
وكل عام وانتي بخير