تلعب بي الأفكار مع طلعت النور
......................................ولي مع الدنيا حكاية طويلة
ان غبت تنساني وانا اشتاق وازور
....................................واتعبتني ماعاد لي فيك حيلة
اضحك مع السالي ولانيب مسرور
..................................اجامل الضحكة وروحي عليلة
يخطي يقول آسف وانا قول معذور
..................................عمري فداك وكل عوجا سهيلة
واليوم أشوفك فاقد احساس وشعور
..................................وصارت محبتنا شبه مستحيلة
ناس بوقت الضيق تلقى لها دور
.....................................حـتى تولع لي براس الفتيلة
خلاص ابسلى عن محبتك مجبور
.....................................ماني أنا أول خـل فارق خليلة
مادام مابالحب شرع ودستور
.............................احسن لي اترك مثل غيري سبيلة
واعيش مرتاح من الهم والجور
...................................والوقـت يرضينا بعدلة وميلة