اسعد الله اوقاتكم بكل خير
الحقيقة هذي قصيدة كتبتها في عيد الأضحى المبارك
من العام المنصرم1430هـ
أتمنى ان تنال رضاكم وترتقي لذائقتكم
تقول:
انا ارسلت لك شعري عبرشاشات جوالي
ولكن ماتم تسليم الرسايل ليه يافلانه؟
فقالت يا شغف قلبي ياعمري يا بعد حالي
جهازي ماهو مطور وإسمه قيل/ رمانه
فقلت انتي يارمانه قلبي وياهوى بالي
فدى الرمانه جوالي وكلي له ومن شانه
انا لو بكتب اشعاري بدونك! مالها والي
يموت الشعر إذا ما أزهاك قيفانه و أوزانه
ولك منهاج بفنونك! بسحر الوان واشكالي
ولي وقفات مـتـأمل! مع اشكاله والوانه
مساحات الغلا فاقت أفق عالي على العالي
أسر جزل الحروف الضاميه لا جت من اللسانه
تفنن! ويــا هني الحرف! بـفـمـه! شـهـد له سالي
غرق حرف الحنان أكثر بوسط أشفاة خدرانه
غفى سمعي ولا هو ضيف .. بمجلس روح منزالي
سرى بالدم! نطق الفم! وروحي حيل عطشانه
وتقطع في سكوته حلم! وتضيع أعلوم واقوالي
أخذت اعلل القمرى! بنجمة! لأجمل إنسانه
وكان الصبح في الموعد .. مع اعيون وسهر طالي
وانا دايم اراضيها .. وهي بالدوم زعــلانــه
تلذذ بإنكساري كيف؟ هذا يــاعرب حالي
حشا ما ارضاهـ لأعدائي.. وترضاها لخلانه
انا برسل عتب منك! عبر شاشات جوالي
وانا بشكيك واشكي لك عذاب الحب يافلانه
________
_____
__
_
وسلامتكم/ العاطفي/ بندر الرسام الشمري
والقصيدة اطول من ذلك
لكن هذا ما احفظ فالعذر والسموحة