الاحاسيس باجملها تجي في قصيده
كلها يالحبيبه لجل عينك شغوفه
المشاعر سعيده والقصيده سعيده
دامها فيك ياكل الحلا يارهوفه
ودامك انتي لحالك في جمالك وحيده
كل بيت تجمل بالذهب في حروفه
وكل كلمه تسلسل فيك جمله مفيده
الشعر قام ياخذ من وصوفك وصوفه
انتي الهام شاعر كل شعره رصيده
والقصايد بغيرك ماعليها حسوفه
من يشوفك يزيد الشوق داخل وريده
وده بشوفتك شوفه ورا كم شوفه
ياعسل ياكنافه ياحلاوة بريده
ياقمر يعجب العالم ولو في خسوفه
الجمال الالهي والوصوف الفريده
من يبيها تراها كلها في رهوفه