انا مو من النوع اللي يبكي بسهوله .. اووو كنت من النوع اللي مايبكي بسهوله
بس الحين حتى و انا اشوف اوبرا اصيح
صارت تأثر فيني مناظر الوداع و الفراق بسفر او غيره ..
زي ماخبرتك ماكنت كيذا ... بس موقف هو اللي غيرني من هالناحيه :(
من اصعب المواقف اللي مرت علي .. وفاة جدي و انا بعيده
جدي هذا تقريبا ربانا و هو اللي اختار لي اسمي .. شخص مأمله ترجعين تشوفينه و تتفاجئين بخبر
وفاته ..
خاصه ان اللي حولك كانوا يخبرونك ..انه في امل يصير كويس
الين ماجاني الإتصال
طبعا مايحتاج اخبرك حاولت اصبر بس بالأخير تعبت بكا و انهيار الين
ماوصلنا درجة الهلووووسه !!!
مره دقيت على امي و قلت لها سويت بحث عن التحنيط و قريت عنه .. ترى الماده متوفره بس غاليه
انا بقط كل اللي عندي و انتم قطوا و خلونا نجيبها و نحنط جدو و نخليه بالصاله << استغفر الله كل ما
اتذكر مدري اضحك او اكسر خاطر نفسي
كنت اكلمها بشكل رسمي بس ناقصني سيووووله ماديه ههههههههههههههههه
و مره دقيت و قلت لها ... شوفي قولي لأمك لو بتتزوج او تفكر بالزواج
مالها مكان عندنا ولاني حفيدتها ولا هي جدتي
كنت اخاف انها تتزوج و تسوي فيها مبدأ عجاااايز .. ظل راجل ولا ظل حيطه
بس طلعت ماتفكر بالموضوع اصلا امي يوم علمتها كلامي مسكينه انصدمت و يقولون انها بعد استحت
احساس غريب لما تشوفين مكان شخص تحبينه فاضي
تتخيلينه و تتمنين وجوده بس انت عارفه جوى قلبك انه شي صار مستحيل
دايما له فقده كل مارحنا بيت جدي ... للآن ساعات اغلط و اسأل امي كيف جدو !!!
