اقتباس المشاركة الأصلية كتبت بواسطة رمـــز يقولون لي الحلفاء اخطر موقف مر عليك بحياتك وانت مسافر لاندونيسيا .. لانك طحت بالنهر وكنت بتموت لكن الله ستر :) الحمد لله على السلامه ولو انها متأخره الله يسلمك يارمـز .. وش اخبار الأهل والجماعة ؟ <واحد ملحوس كنت متوقع يقولون لك عن هالسالفة من شفت صورة البراشوت >بس ماقالوا لك هالحلفاء ليش ماأنقذوني خويا الفلس >كل واحد مجود جوازه وقروشه ولا فكروا بسعود :( السالفة طال عمركم هي يوم كنا في جزيرة بالي في أندنوسيا كان من ضمن برنامج الرحلة مغامرة التجديف الخطر , هو اللي يركبون على قارب مطاطي احمر وينزلون مع الشلالات ومن عند الحجر وشي زي كذا , عاد حنا من زود الهياط اللي فينا قلنا قدام ياولد والملاعين الاندنوسيين يرفعون فينا :سئودي قوي وسئودي قوود قلنا يارجال قدام هي موتة ولا موتيين الوكاد ركبنا هالقارب والله لايوريكم من شلال في شلال ويوم انتصفنا الطريق لف فينا القارب لفة قوية ومادريت الا انا بوسط النهر وخوياي عني بعيد قسم شفت الموت بعيوني .. مر علي شريط حياتي كلها :( النهر كان سريع جريانه والخوذة حقت الراس طاحت وانا صقع في هالحجر وابلع من هالماء لين ماهدى الشلال ومادريت بنفسي الا انا صاقع قارب خوياي وسلمت الحمدلله بس اللي كان قاهرني اكثر شي في هالرحلة >التسلب الأندنوسي اللي يصور فديو قدامنا ملعون الخير كان يمديه ينقذني بس التسلب قعد يصور تقل ماصدق على الله لقى لقطة يزين بها الفلم قصة تحزن صح ؟ قالوالي نبي نمثلها بطولة احمد السئا بس انا رفضت <لأن السينما ممنوعة عندنا
(.. وداع وكلمة التوديع اسف ..!