اقتباس المشاركة الأصلية كتبت بواسطة رمـــز , طفوله سكاكا ... , أمممم هو مو بسكاكا نفسها يعني كنا في قرية تبعد عنها حوالي 25 كيلو >فيه ناس هنا تعرفها ^_^ قضيت فالجوف آخر أيام الأبتدائية وأول أيام المتوسطة <يعني نص طفولة ونص مراهقة أمممم كانت عادية شوي , يعني كنا فالبداية أغراب على المنطقة بس تأقلمنا فالآخر كانت فيه أيام حلوة لاتنسى طبعاً .. وأصحاب مازلت أتذكرهم :) اذكر يوم نقلت من الأبتدائية الى المتوسطة , كانت القرية اللي كنا فيها ما بها متوسطة وكانت المتوسطة في قرية ثانية تبعد عن قريتنا حوالي 7 كيلو وقتها كنت يومياً أروح وارجع على رجلي رغم ان الوالد الله يرحمه كان يبي يوديني بس انا كنت ارفض >ماكنت أبي أزود عن خوياي :) اقتباس المشاركة الأصلية كتبت بواسطة رمـــز , على مراهقه حايل ... , حايل .. آآآآهـ ياحايل قضيت فيها أحلى أيام عمري كانت فترة قضائي فيها من آخر المتوسطة الى آخر الثانوية <<الأزمان عنده على حسب الدراسة ههههههههههه المواقف في هالوقت كثيرة بس يبي لي شهر على ماأذكرها وأقولها >وأنا عاد ماصدقت على الله أننا دخلنا يوم الجمعة *_^ ياحلو يوم الجمعة اقتباس المشاركة الأصلية كتبت بواسطة رمـــز , مع تعليم الرياض .. , الرياض حبي لها أزلي لا يتوقف الرياض ديرتي بالأصل تركتها في مامضى ورجعت لها فترة الجامعة ومازلت بها هالفترة بالذات تعلمت منها أشياء كثيرة , وعايشت فيها اشياء أكثر يعني بالنسبة لي تعتبر هالفترة هي فترة الذروة لي <يعني الدقايق فيها بـ40هللة وبرضوا المواقف فيها لا تعد ولا تحصى >عاد ماشاءالله الحلفاء ماقصروا ^_^ اقتباس المشاركة الأصلية كتبت بواسطة رمـــز , كلم لنا ربك ..!! , سلامات يارمـز وش كلم لنا ربك ؟ >شكلك صاقعة كوب كلوركس على الفجرية خخخخخخخخخخخخخ أستغفري ربك بس >>ترى فيه سالفة بس والله لوتموتين ماأقولها اقتباس المشاركة الأصلية كتبت بواسطة رمـــز , ولا ترى ابي اطخك ..!! , وهاذي بعد لو تموتون ماأقولها اقتباس المشاركة الأصلية كتبت بواسطة رمـــز , مره طلب منك شخص قصيده وانت رفضت ليه , ههههههههههههههههههههههههههههههههههههههه شوفي من وحي الأسئلة السابقة عرفت من تقصدين *_^ قبل كم شهر كان عندي أنتداب لتبوك لعمل بالوزارة طبعاً اتصلت في صديقي وحبيبي وأخي سهرتني ياحب برتاح واكرمني الذيب وماقصر معي >الصراحة لو مدري وش أسوي معه والله مااوفيه حقه الامير المهم الرجال سوى لي عشاء وتكلف الله يهداه , وعزم جماعته للعشاء التسلب قايل لهم انا عازم واحد من خوياي عتيبي وشاعر <يبي يحرجني الحقير ولا يدري ان شعري مع جنبها المهم حضرت العشاء وكان أكثر الموجودين من كبار السن , وكان فيه شايب كأنه المسولفي للجلسة الرجال ماشاءالله عليه حافظ للقصيد والقصص >حتى قصايد بعض شعار عتيبة الاولين كان حافظها كان يسئلني واجاوبه ومسوين للجلسة حركة يعني الى الآن اوكيه لين ماقال انت ورى ماتعطينا من قصيدك ؟ خالد يقول انك شاعر وانتم عاد ياعتيبة ماشاءالله عليكم اكثركم شعار عاد أنا مامن شعر , يعني أكثر القصايد اللي أكتبها من القصايد الحديثة المشابهة للعمودية <يعني بالخط العريض ماتجوز للشياب لا والمصيبة انه قبل مايطلب مني قصيدة كان ينتقد شعار هالجيل ويقول ماعندهم غير الخرابيط وين شعر اول ومن هالكلام يعني لو اجيب له حدى قصايدي ليطردني انا وخالد ويقول لابارك الله فيك انت وخويك خخخخخخخخخخخخخخ أنا وقتها برد وجهي أقول ياأبن الحلال مانيب شاعر بس يمزح عليك خالد قال: الأ قل بس خالد مايتسذب , وهو ينشب لي الحقير خالد كاتم الضحكة وانا عرقتي تصبصب طول الليل لين عاد ماأيس وقال بصوت واطي : والله ماعندك الا الدجة بس خخخخخخخخخخخخ
(.. وداع وكلمة التوديع اسف ..!