[،؛بنت السحاب؛،]

ههههههههههههههههه لهذا الزيت قصة عجيبه الله يسمح هالحليف جاب الفضايح كلها
اول شقه سكنتها كانت عماره سكنيه من ثلاث طوابق انا في الطابق الثاني وماعرف احد من الجيران
توقعت ان سكانها كلهم اجانب بعد اسبوع تقريباً صارت تصدر تصرفات غريبه من الجيران الي في الطابق الثالث
على الطالع والنازل يدقون جرس الباب علينا ويهربون اول مره توقعت انهم اطفال بعد كم يوم من الأزعاج
صممت اني اراقب الوضع حطيت كرسي عند الباب وابدأ المراقبه لما يكون زوجي في العمل المهم اسمع صوت اقدام
يعني المجرمين اكثر من شخص وشوي والجرس يدق ويجرون ويضحكون بصوت عالي إذا هم فتيات يمكن انهم في عمر العشرين
المهم جلست افكر قلت لزوجي اسأل الحارس مين الي ساكن فوق سأله قال عائله واحده سعوديه الأب متوفي ولايوجد سوى الأم وبناتها
اممممممممممممممم فيه اطفال قال لي لا سمعت اصوات البنات نازلين راقابتهم مع البلكونه شفتهم وهم رايحين
مع السواق وتأكدت من الوضع خرجت انا وزوجي مشوار وعند العوده مدخل العماره ظلام دامس وانا اطلع الدرج
لفت نظري شيء طويل على الدرج اسودبصراحه خفت وقربت الا وهو حبل والبنات يضحكون فوق
قلت طيب انا اوريكم مسوين فيها هااا وقلت لزوجي الحكايه قال خلاص ماعليكي منهم قلت بس لاتزعل اذا تصرفت معاهم
ضحك قال ويش بتسوين ههههههههه ...طيب على بالك اني سهله طيب
اليوم الثاني صرت اعرف موعد خروجهم دايم قبل المغرب بشوي يخرجون المهم اخذت زيت عافيه
وصبيته بشكل دائري علشان يتوزع على اكبر مساحه على درج الدور الثالث واقفل النور وبشويش اقفل الباب وانادي زوجي واقوله اسمع
هههههههههههههه وشوي اسمع طيحه قويه وصراخ وبكا والأم تنزل ومن كب الزيت من سوا كذا
ومين ومين واطالع مع البلوكنه واشوفهم شايلين وحده من البنات شكلها اكلتها قويه وزوجي ليش كذا حرام عليكي
قلت هم الي بدأو فاكر لما حطولي الحبل علشان يخوفوني في الدرج والا جرس الباب الي ماهجد من سكنا
قال تبغين الصراحه ههههههههههههههههههه ابردتي قلبي فيهم بصراحه تخوفين خخخخخخخ خاف مسكين
لكن ماعاد عادوها حرموا .... شفتوا المقالب على اصولها تودي في داهيه هههههه