[ماجد العساف]

/


الكويت ..


جالسين على الغدا .. الكل .. بدون استثناءات

الهدوء مالي المكان .. بس اللي ينسمع صوت خفييف للملاعق والشوك في الصحون ..


انتهو من الغدا و قرر ابو جراح انهم ياخذوشايهم و قهوتهم لبرا في الحديقه ..

الجلسه كانت رووووعه والسوالف احلى .. لكن خربها وجه ام جراح ووجيه بناتها ..


ابو جراح : الله يبارك في العيد اللي جابكم .. ياليت كل السنه اعياد ..

ابو سالم : لا عاد المره الجايه الزياره عليكم ،، ما اشتقتو للسعوديه ؟

ابو جراح : انا عن نفسي حاضر .. لكن جراح و البنات دواماتهم
وجامعاتهم ما تتحمل الغياب وانا اخوك ..

ام سالم : يومين او 3 ما تأثر ان شاءالله ،، بس خلونا نشوفكم ..

ام جراح تلوي فمها : يصير خير ان شاءالله ..

تسنيم بصوت عالي : بتول ،، صعبه عندكم الدراسه هناك؟؟

بتول : صعبه للي ما يدرس .. لكن بالنسبه لي انا مره سهله الحمد لله ..

تسنيم (مالت عليج ،، لازم تسخفين سؤالي ؟؟ يا مال الوجع ؟؟) : الله يعين

بتول : ليه سموك تسنيم ؟؟

تسنيم : ما تدرين شنو معناته انتي ؟؟؟

بتول : عارفه معناه . كافي وروده في القرآن الكريم ،، سؤالي مش شو
معناه سألتك ليه سموك زي كذا ؟؟؟

تسنيم وحست بسخافتها وغباءها للمره الثانيه وقدام الكل : آهآ .. والله مادري اسألي ابوي عندج ..

بتول : لا لأن حتى لما اقول لبنات خوالي عن اسمك يستغربوه !!

تسنيم بقهر : مين نوف ؟؟؟ من حلاة اسمها


بتول تحسبها تضحك : .......


ناصر سمع اسم نوف والتفت لهم بسرعه .. وحاول يسمع بقايا الحكي ..


تسنيم : والله .. انا متأكده لو اشوفها بتطلع هيلق وووع ..

بتول : تسنيم ؟؟ عيب تحكي عن البنت زي كذا .. وش سوت لك هي ؟؟؟ اصلا ما تعرفيها ..؟؟؟

تسنيم : وانتي ليش تدافعين عنها ؟؟ انا شقلت ؟؟


ناصر يحاكي عمه : والله يا عم بنتكم هذي مادري من طالعه عليه .. وراها زي كذا ؟؟

ابو جراح : شفيها ؟

ناصر : ما تبقي احد ما تغلط فيه .. ! وش سوالف هالبزارين ها ؟؟ وراها
اختك ماشاءالله عنها ما تغلط فأحد
خليك زيها


ابو جراح : افا .. شفيج تسنيم ؟؟ انتي شنو قايله ؟؟؟

تسنيم : ولا شي .. بس هو يحب يتبلى على الناس

ناصر : انا اللي اتبلى على الناس ؟؟


بتول تحاول تغير الموضوع : بابا بليز نبغى نطلع نتمشى

ابو سالم يمسك رجوله : والله مافي حيل اطلعي مع اخوك كانه قادر

ناصر : ابشر يبه ..

جراح : ليش ،، تدل هني ؟؟

ناصر : افا عليك بس .. من جدك انت ؟؟


جراح : اجل خلاص نطلع اليوم على المغرب جذي .. وانت اللي بتسوق فينا ان شاءالله ..


ناصر : تبشر خير .. بس خلني اقيل شوي واريح .. بعد هالكبسه

بتول : وين بتودونا ؟؟ تكفى ناصر ابغى المارينا مول

ناصر : توقعتك تقولي المدينه الترفيهيه .. ! المارينا المارينا كم تبوله عندي انا ..

تسنيم وتغريد انقهرووووووو مره .. فيه فرق بينهم وبين عايلة ابو سالم .. بس ما يعرفو في ايش بالضبط ؟؟


هل هو بالتربيه ؟؟ هل هو بأسلوب الحياه ؟؟ هل بفهمهم للحياه ؟؟ او هل هو بأنفسهم !!

:


في المزرعه

عزيز جالس لوحده : افففففففف يا نويصر والله كنت مالي علي وقتي ..
وكنت اخبرك على قلتك

اتصل فمين عشان يجيني ؟؟ ايه بندر ..



عزيز : مرحبآ

بندر : هلا وغلا عزيزان كيفك ؟


عزيز : طفشااااااااااااااان مرررررره ،، اقول بنيدر

بندر ياكل علك : هاه


عزيز : وين صيداتك اللي اول ؟

بندر يرفع حاجبه : ده كآن زمآن ده كآن زمآن هاهاهاها

عزيز : ما يرجع طيب ؟؟

بندر : والله ما اظمن لك لكن اشوف ؟؟ بس ما عندنا مكان يا بن الحلال .. !

عزيز : افا عليك بس .. المزرعه تحت امركم

بندر : لا يا بن الحلال ناصر ما يحب هالحفلات فكنا من شره ومن منته ..

عزيز : لا نويصر مو فيه سافر الكويت ..

بندر : واذا طب علينا ؟؟

عزيز : وين يطب عليك ؟؟ شكلك تناظر افلام مافيا كثير ..

بندر : المغرب يكون عندك الخبر اذا اكيد او لا .. عشان كمان تعزم الشباب اللي تبغى ..

عزيز : ما يحتاج عزيمه .. انت بس علم واحد تلقى الكل عارف بظرف ساعه هههههههه

بندر : اجل سلام ..


:

:

ناصر طلع يريح شوي .. وفكر يحاكي نوفه

اتصل مره بس محد يرد .. !

بالمره الثانيه ردت ..

نوف : هلآ نآصر ..
نآصر : حي هالصوت .. كيفك نويف ؟
نوف : الحمد لله بخيـر انت كيفك ؟ الحمد لله على السلامه ..
ناصر : الله يسلمك ان شاءالله .. وراها لمو تصايح ؟
نوف : اليوم خطبة نايف .. و اللي يناظرها يقول هي العروس

ناصر بهدوء : دانه ؟

نوف باستغراب : أجل مين !!

نآصر نسى الحكي : المهم .. ..

نوف تنتظره يكمل : ايوه ؟

ناصر : والله مادري وش اقول .. الله يهداه عمي كان انتظر يومين ؟؟؟

نوف : لا ناصر ترا خطبة عاديه .. لو ملكة اكيد راح ينتظركم ..

ناصر : الله يوفقهم ان شاءالله .. نايف فيه ؟؟

نوف واقفه على الشباك : لا طلع من الصبح وللحين ما رجع

ناصر : آهآ

نوف : ناصر ؟

ناصر : عيونه

نوف : كيف الجو عندكم ؟

ناصر : واللهي حر يا نويف .. لكن حلا الديرة ينسيك الحر ..

نوف انقهرت : حلا الديره والا بناتها ؟؟؟؟

ناصر حب يقهرها اكثر : مممممممم الاثنين صراحه .. انا جيت هنا .. وما ابغى ارجع الرياض ..

نوف : ........


ناصر : هيه اضحك يا هبله هههههههههههههه


نوف : وكيف تبوله ؟

ناصر : تبوله ما هي بيمك الحين .. رايحه تلبس تبغى تروح للمارينا .. الله يستر ما تلبس الي في الشنطه كله


نوف : ههههه

ناصر : ايوه ؟ ومين تبغي تسألي عنه كمان ؟؟ انتقلتي مني لتبوله لـ ؟؟؟


نوف : لمين ؟؟؟ مين تقصد ؟

ناصر : الله اعلم .. تسنيم تسلم عليك

نوف : جلست معها صح؟ حكيت معها صح ؟ ضحكت معها صح ؟

ناصر : جلست معها ايوه .. حكيت معها ايوه . لكن ضحكت معها اكذب
عليك اذا قلت ايوه .. المفروض تقولي تهاوشت معها ؟ علشان اقولك ايوه


نوف بفرح : جد ؟

ناصر : ايووووووووه

نوف : هههههههههههههههههه ناصر عاد

ناصر : هههههههه اي والله .. اقولك البنت الله يستر عليها .. !

نوف :عاد انا ما احبها ..


ناصر فقلبه (هي تكرهك بلا فشكلها ) : ايوه ؟؟؟؟

نوف : وش فيك على ايوه اليوم ؟؟؟؟


ناصر : والله مدري .. نويف انا دايخ صاير ما انام .. !راسي يوجعني ..


نوف : سلآمآت .. ناصر انتبه .. بآلك تآكل بندول اقتلك

ناصر : افا عليك توصيني ؟؟؟ اصلا كل ما اناظر فأي بندول اقول فقلبي
النحشه يا ولد نويف ما تحبه ولا تبغاني آكله .. تدرين من قلتيلي لا
تأكله وانا ما آكله مع انه يخفف الالم ..

نوف : لا ناصر ماهو زين لا تعودت عليه ..

ناصر : ابشري من عيوني ..

نوف : تسلم عيونك ..يلا اتركك ترتاح عشان انا اتجهز بعد ..

ناصر : اوكي

نوف : لما تروح للمارينا لا تناظرفي البنات ولا تحاكي احد فاهم .. وانتبه لتبوله

ناصر : عاد بدت نويف محاضرتها .. سكري لا طراق .. تعالي نويف ؟

نوف : هلا ... ؟

ناصر : بالله عليك واقفه قبال الشباك صح ؟؟

نوف بخووووووووف : كيف عرفت ؟؟؟

ناصر : خوياي يعلموني

نوف بخوف اكثر : ناااااااااااااااااااااصر

ناصر يعرفها ما تحب سوالف الجنون : والله احساس .. ابعدي عنها

نوف : بس هي ما تكشف ..

ناصر : ابعدي عنها وبس .. لا تناقشي ..

نوف : طييييييييب

ناصر : بس انتي ما بعدتي ؟؟؟

نوف خافت جد : ناصر ؟؟؟ وش عرفك عاد .. اعوذ بالله من الشيطان الرجيم ؟؟

ناصر : ههههههههههههههه لا يصير فيك شي يا بنت .. والله احساس قلت لك .. يلآ ابعدي عنها .. وفمآن الله


نوف وهي تبعد عنها : سلااااااام

/

في شقة ابو مبارك ..

الجوهره : ماما جوعاااااااااااااااااانه

ام تركي : اكلي خبز وجبن زي اختك
ساره : اي والله اعملي زيي

ابو تركي جالس معهم وما كنه جالس .. جسمه معهم وروحه
بعييييييييييييييييد يفكر كيف كان وكيف صار ما هو مصدق حاله انه ما
هو قادر يعيل اسرته .. حتى باقي الفلوس اللي تركها لهم تركي واللي
حسبوها راح تبقى لهم لآخر الشهر بدت تخلص .. ومعاش ساره يادوب
يغطي نصف الاجار وش فيها حياتنا اول ؟؟؟ وش اللي غيرها وخلاها كذا
؟؟؟ وش اللي خلى سامي يقاطعنا ؟ واهله يحاربونا ؟؟؟ وش اللي خلا
عزيز يتركنا ؟ وش اللي خلا تركي يسافر عشان زياده حبتين في المعاش ؟

ليت المطر
ينـزل على
قلوب الآحبـــاب
يغســـل
مفاهيم الزعــل والقطآعه !





:
::
: