نامي ياليت انك قبل ما تنامين ....
أجيك أهدك لين تغفين بالنوم ....
وألمس شعر راسك على الرفق واللين ....
كنه مسرح قبل ما أجيك مبرووم ....
أجيب لك أحلى القصص لين تغفين ....
وأبيات منقوشه لعينك على رجوووم ....
وأقول عندي بساط كانك تبين ....
يطير فينا لو بغيتي على نجوووم ....
ونشاهد نجوم السمااء بالملايين ....
ونشوف كل الكون أعناب وكرووم ....
شوفي مكانة منزلك كيف هالحين ....
انتي الوحيده دوس رجلينها غيوم ....
نترك حياة الناااس ونغيب شهرين ....
ونصنع معاجم ما بها كلمة هموووم ....
وإذا بدر مني غلط لا تلومين ....
بس النبي عند الغلط كان معصوووم ....
وان كان شفت النوم طبق على العين ....
أقووم أطالع منظرك لآخر اليوم ....
تلقين عيني ما غفت يوم تصحين ....
خفت اتحرك يزعجك صوت الهدوووم ....
واللي رويته البارحه حافظه سنين ....
ما هو صدق كله خيالات وحلووم ....
كله لأجل بالنوم جنبي تغطين ....
وبساط عمره ما يحلق ولا يحوووم ...!!!