{تايه الخطوه },,,~
ياتايه الخطوه عن دروب الاحباب
وين انت عن درب الوصل ماتدله
ذبحتني والموت له عدة اسباب
بسيف العيون اللي علينا تسله
ياقربنا من بعض لكننا اغرابــــــ
تشطح بعيد وفيك مليون علـــــه
متى على الله ينفتح بيننا باب
ويطفي لهيب اللي شكى نار خله
شفت الدموع اللي تعلق بالاهداب
كأنك تقــــــول للـــي يعاتبكــــ خله
الى متى حنا مشاريه وعتـــــاب
وسوالفــك اذا اجتمعـــــنا ممـــــله
حاولت اعدل فيك بس الامل خاب
اللـه ولا حـــــب الهــــجر والمـــذله
سعد القريني