واقلبي اللي صاح من لهفته آه=هم المفارق كل ساعه يلوفه
وجدي على من تتعب الحال ذكراه=زين الطبوع اللي فريده وصوفه
اللي زبن قلبي بحبه وحياه=حماه شوقه والمشاعر سيوفه
يوصله معنا الزين ولاتعداه=لاطل نورالزين يبدي كسوفه
ذبح فوادي من غرامه وعناه=يموت بغيابه ويحيا بشوفه
ياما وعد قلبن يحبه ومناه=وياما الفكر ينحت لعينه حروفه
العشق وش ينفع خفوقي بلياه=لو غاب طاري الحب فيني اعوفه
مدري علامه كل ماجيت بنصاه=من زود شوقي ماحسبت الكلوفه
اما بداله علم واخلف نواياه=ولاعلي الوقت غارت صدوفه
انا اشهد اني عاشقه جد واهواه=والقلب متحضن هواه بكفوفه
جعل السعد من وين ماراح يلقاه=والله يحقق له مناه وشفوفه
ان كان يبغى الصدق والصدق منجاه=بقول كلمه ماعليها حسوفه
لو ينكتب بعده عليه وفرقاه=ماهي ظروفي من سبايب ظروفه
ماينهدم حبن تعلا بمبناه=وماطاح في بعده وغيبته طوفه
ولايقدر الحاسد معا الوقت يرقاه=يموت من غله ولاهو يحوفه
ولاجف مزن الشوق فيني ومنشاه=ميراد حبه ماتجيه النشوفه
من شان يسمع خافقي يوم ينعاه=ابطى عليه وزاد فكره وخوفه
ما الوم قلبي ساعت يصيح بالاه=لو كان ما الونه بشي مخلوفه