فكيت قيد الفكر والفكر حرا
والهاجس اللي مامسكه ياعرب قيد
سندت له قافي ومنه تبرّا
كني لقيط الشعر وهو فوق له سيد
والمعذره لو كان فعلي تجرّا
ضاري على ملقــى الرجال الصناديد
ناس تعلّـم من مكاتيب "فرّاء"
ولاكل هلالي ياابيض الوجه ابوزيد
أبعتذر ماجيت .. شره أتزرّا
وأثر النساء ماهن وحدهن بهن كيد
ياثرثرة غيمه ويانسل حرا
ماللعيوب دروب يم الأجاويد
يوم الرفيق من العطا شح ذرّا
مدري عقل او هو ثقل أو تصاديد
جيتي ومثلك للهلا ماتورا
لاصد عني من دعيته بتحديد
لاتامن بليلٍ حلو صبح مرّا
ويامقلب قلوب البشر ثبتتي زيد
عابر سبيلٍ جيت داخل وبرا
والدوح ماهو دوح ممحل جراهيد