.
يوووووه .. بس كدا يا احاسيس
.. شغلتينا عليك الله يهديك : )
تعرفي، موضوع الحساسية هذا في مجتمعنا ..
لو نقدر نسوي له دوا
، بكرة نصير مليونيرية من وراه
: )
باختصار اختي الكريمة، ..
اكيد اختك لها المقام الاول في مثلث العلاقة اللي ذكرتيه
اختك بحاجة انها تشعر انها قبل صديقتك
اختك .. ممكن تكون تغار من صديقتك - خاصة ان مالها غيرك في غربتكم
انت شخصتي الموضوع "حساسية"،
لكن .. ممكن يكون عدم نضوج .. ودلع متعودة عليه
فاذا في شئ مهم يترتب على هالبعد، فهو انك تتعاملي معاها وفق طبيعتها،
.. لان ما حتتغير او تنضج شخصيتها كبالغة بين يوم وليلة
فلازم .. توسعي صدرك .. وتطولي بالك
عشان كدا قدامك مسؤوليتين :
الاولى، ..
اللي قلته .. وهو انك تعامليها وفق مستوى نضوجها
اذا لسه مراهقة، اعاملها .. واتفاهم معاها باسلوب المراهق
اذا محتاجة دلع، ادلعها .. في الحدود اللي تخدم مساعي لمساعدتها
الثانية، ..
تحاولي انك توعي فيها .. وتيقظي روح المسؤولية والنضوج
واللي حيجي معاه، باذن الله، الشعور بالائطمئنان .. والثقة بالنفس
واولى واهم الخطوات في ذلك ..
انك تكسبي ثقتها، عشان تسمع لك .. وتسلم لك
وكسب الثقة يكون ..
بانك تعرفي ايش جوانب الخوف او عدم الاستقرار في نفسها، .. فتوفيرها لها
الانسان بطبعه يحب يحس انه مهم .. وانه محبوب
خاصة من الناس اللي يعزهم .. والمقربين منه
، .. اشعريها بحبك لها
لا تدخلي معاها في نقاش هي اخده فيه موقف متشدد
لان هذا حيزيد الهوة بينكم، .. سايريها
لو حتناقشيها، فناقشيها من زاوية تضعها هي في موضع يختبر انسانيتها نوضجها
عشان تبدا تفكر وتشعر بالمسؤولية في موقفها من علاقتك بصديقتك
مثلا، صديقتك اعطتك هدية
فتسالي اختك، ايش رايك .. كيف ارد لها الجميل؟
ممكن في البداية .. تكون عدائية في موقفها وردودها
فتصرفي انتي باللي تشوفيه صح .. لكن من غير مايمكن انها تعرف
يعني .. لاضرر ولا ضرار
اذا حتذكري صديقتك .. وتجيبي سيرتها في حديثك مع اختك
فلا يكون في شئ .. او اسلوب يستفذ اختك
وقد يكون افضل، انه يصير في اضيق الحدود
بالنسبة لصديقتك، ..
لا تخبريها باللي بينك وبين اختك بسببها
وحاولي انك تضعي خط وسط ..
تحافظي من خلاله على اختك .. وصداقتك بصديقتك
، يعني حيكون على حساب رغبتك وقناعتك
الله يعينك .. حيكون في تضحية على حسابك
لكن .. اختك اخر الامر تستاهل
شئ مُسلم، وقبل كل ما ذكرت، ..
وانا مجرد اذكرك فيه .. ما تنسي "الدعاء"
بالتوفيق : )
.