“”
هذي تفاصيل العمر وسط الاجفان ..
صور واماكن في عيوني تجيني !
والله من تطري وسط عمر الاحـزان ..
كل الـ ” فرح ” من لون وجهك يجيني
مثل المطر يركض على الارض : ولهـان !
هذا ” انت ” دايم بـ بالوله محتويني ..
يكبر غيـابك ولو كبر وسط الاشجان .. !
يكبر معه في شوق عمري .. حنيني
حتى ولو اخترت فرقـاك “ عنـوان ” .. !!
يكفي بيديني .. ( قلب عمرك ) يبيني
المسأله روحين بداخل إنســان ..
شفتك رحلت .. وشفت “ روحـك ” في عيني !
غمّضـت ارد الروح .. من خلف الاجفـان
عشان اصـدق | كذبت انك تجيني