ما عاد به شي ٍ أبد يعنيني
.................. إلا تعود من الغياب إلْـ/ عيني
المترفة وامّ العيون الدعّج
..................... والذايبة " حدّ " الدلع بيديني
اللي سكنتني من شموخ وهيبة
..................... واللي تركتني بيني وما بيني
غابت ولكن كنّها موجوده
................... ( أشوفها ) ، حتّى وهي تنفيني
يا كبرها في صدري المتواكل
................... ضيقة غياب عيونها النوريني
عين ٍ بها كل السعادة وأخرى
.................... نور الرضا منْها السما تهديني
يا ربّة الحسن الأصيل الفاتن
..................... ياللي عليك من الحلا تاجيني
تاج ٍ يشوفونه جميع العالم
.................... وتاج ٍ تناهى عنّهم في عيني
خلّي كلامي كل ابوه وقولي :
.................. وش يمنعك هذا المسا مَ تجيني ؟
إن كانها صدّة غرام حكاية
...................... عز الله إنّي ما كتبت اعفيني
ناديني / الصبر الجميل الباقي
................. والا " الظلام المستمر " ناديني