ينجرح قلب.. لكن ترتفـع هامـه
الله اني لاموت ولاانحني راسـي
لو رماني زمانـي وسط..دوامـه
لعواصف شديده .. والجبل راسي
أنقل الحزن وامشي منتصب قامـه
اسي الوقت .. لكني بعـد قاسـي
واسمع الحلم يصرخ لحظه اعدامه
ابط الجاش ... ماهز الخبر باسي
عزتي غاليه ..والنـاس سوامـه
قلت ماابيع حتى تقطـع انفاسـي
زانت ايام عمري .. شانت ايامـه
مارجيت العزى من رحمة الناسـي
من عجز لايدوس الهـم باقدامـه
لازم انـه مـع الايـام ينداسـي
يندمل جرح قلبٍ ..ماتت احلامـه
بس ما اظن يبرى جرح الاحساسي
يوم صارت مابين القلب والهامـه
وش ابي بالحياة الياانحنى راسـي