البارحه نومي من الليـل ساعـات =وهذي تراها ياجماعـه مصايـب
احيان تاخذني مع الفكـر حـالات =لاهب من شرق الجزيرة هبايـب
امشي مع الافكار بعض المسافات =واميال امشيها من اجل الحبايـب
امشي جنوب وشرق ويم القريات =وزرت الخليج اللي له القلب طايب
ابحث عن اللي زوّد القلب ونـات =اللي بقربـه قلبـي اليـوم ذايـب
اللي عليه دموع عيني غزيـرات =ونيران حبه وسط صدري لهايـب
اللي ملك في وسط قلبي مساحات =اليوم من بعـده جرتلـي غرايـب
بُعده ترك فوق وجهـي علامـات =ونحول جسمي غير ذيك الكرايب
ليته يجي راع العيـون الحليـات =اللي له الروح لـو كـان غايـب
ونعيش انا واياه باحلى المسـرات =اللي بسهم العين للقلـب صايـب
يالله ياعـالـم بـكـل الخفـيـات =مالي رجا غيرك يامنشي السحايب
ترد اللـي بقلبـي لـه منـارات =وشموع ماتطفيها سنين العجايـب
هذا طريق الحب بحور ومحيطات =ويابخت منه عـن الحـب تايـب
من دم قلبي سطرت بعض الابيات =مضمونها تجعل الـراس شايـب
مع خالص حبي وتقديري لكم
نديم الليل