ساكت وأنا في داخلي زحمة أصوات
هادي وأنا هوج العواصف بعيني !!
يالشعر أنا ضاقت عليّ المســاحات
كـــل الدروب لكل ( تيــه) تهديني !
لــلـــه ياشعري ولو بعض الأبيات
أنا تعبت من التـــــعب ياعويني
من كثر مافيني من الحــزن مرات
أحس حتى اللي ( معي) مايـــبـيني
ما فات مات ( العفـــو) مافات...مامات
مافات كله عايــــش بخــــير فيني
ولاّ وش اللي حدني بعض الاوقـــــات
أرمي على راحة يديـــني ...جبيني ؟!
وش فيك ساكت ؟؟ ماورى هذي سكات
عجل عليّ ...قصايدي تحتــــريني
خذني لهن (واحد) غدى كله شتات
من سهد عيني لإرتــــجافة يدينــي
مشتاق أرددهن من الذات للـــذات
وأحكي لهن وأحكي بهن و أحتــويني
ولا الأكيد إني بعد عشـــــرة أبيات
عجزت لا ألقى لي (كلام) يحكــيني