[الاصدقاء]

.

اخت/ امل ..

انا في مقابل فكر كاتب الموضوع اللي نقلتها لنا، اقول ..

والمراة الواثقة من نفسها، سواء لفكرها .. او حتى لجمالها
لن - ومو مفروض - تعبئ .. وتعير رجل لا يحسن تقديرها، اهتمام

لكن في نفس الوقت حاقولك، ..
ان المراة المغرورة بثقافتها او بذكائها، هذي ..
مو غبية، وانما .. اسوء من الغبية

لان المراة المثقفة/ الذكية .. لا تضع نفسها في موقف تصطدم فيه ..
مع فطرة الخلق .. وسنة الحياة من "قوامة الرجل"

المراةالمثقفة/ الذكية بحق،
هي اللي تجعل الرجل يفعل ما تريد ..
وهو معتقد .. انه هو كان صاحب الفكرة والقرار

بخلافه، ..
فاسمحي لي، .. ما ارها الا امراة سفيهة

ثم، ..
طبيعي يا "امل" ان يكون لجمال المراة اثر .. واثر بليغ على الرجل

وما ابالغ حتى لو اقول :
بليغ لدرجة .. تعمى معاها بصيرته

لان الله سبحانه وتعالى خلقها لان يكون لها هالتاثير على الرجل
يعني لو ما كانت كدا، .. حيكون في شئ غلط بالموضوع

فما اشوف انه مأخذ على الرجل ..
اختياره المراة لجمالها


زي تماما، ما استنكر على المراة اختيارها الرجل ..
على اساس قوته .. سواء لمركزه او ماله


لان في فطرة الخلق، الرجل للمراة .. سند وحامي ومعيل
فمن حقها البحث .. والاختيار على هالاساس

واعتقد اللي يجدر برضو ذكره، ..
ان تعريف الجمال يختلف من رجل لاخر

وان الجمال اللي يشوفه الرجل في المراة ..
ماهو بالضرورة في شكلها

في كثير جوانب ما هي شكلية في المراة ..
تجذب الرجل لها
ويصفها ويعبر عنها بان هالمراة .. جميلة

رغم ان الاخرين اللي ما هم شايفين من هالمراة غير شكلها
يستغربوا على هالرجل حكمه على هالمراة بالجمال

اخر الامر،
واعتقد انه من حكمة الخالق في خلقه
ان جعل مقاييس الامور .. نسبية

.