خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ
الجزء الثاني و الخمسون
[ عِــيــدْ ]
..منذ أسابيع
مر العيد من أمامي..
حدّق في وجهي طويلاً ، ولم يعرفني
وحدّقت في وجهه طويلاً .. ولم أشعر به..
كلانا وقف فاقداً ومفتقداً الآخر
وبعد أن ابتعد..
أخبروني أن العيد كان هنا
عُذراً أيها العيد..!
لم يكن حزني يسمح لي برؤيتك...
انَا عُمرَي بقَايا شًمع ’احَرقنيُ الاسْى والدَمع، اذا ماُفيكَ ترحمَنْي,
احَرق مابقْى منَي..!
حاسه بنشاط اضافي اليوم
نزلت الدرج بهدوء
كملت اسبوعين بعد العملية
الكل كان مشغول فيها وقدرت اتناسى جرحي ولو بعضه،،
ما كان على طاولة الفطور غير لين وتاله بلبسها تفطر بتخرج بعدها
بعدت لي الخادمة الكرسي باستغراب بونجور نو سنيورا
أومأت براسي وأنا اجلس بنجور نو
عيونهم عليّ
وحده تقول إنتي وش نزلك والثانية خايفه من وجود بسام والمشاداة اللي رح تحصل لو شافني
رفعت حاجب وأنا احط الجبنة على قطعة خبز الشيباتا خيير حرام الواحد يفطر يعني
لين بإحراج وهي تاخذ كوبها لا، بس يعني مو تعب عليك كان قلتي لنا نطلع لك الفطور
عضيت من ساندوتشي مابي زهقت وأنا جالسه ع السرير
ناظرت تاله إنتي رايحه الدور
هزت راسها بحماس اييه بما إنك مو تعبانة تقدرين تحضرين الشوو بكره
ابتسمت إن شاء الله شرايكم نطلع اليوم
لين تركت الشوكة لا إنتي من جد ناويه نكد اليوم لتين
عبست بوجهي وليه إن شاء الله عشان بسام ماله دخل فيني بطق لو جلست أكثر بعدين الحمدلله ما فيني شي وبنظرة إذا جلستي بالسرير بترجع لي البيبي بجلس لين أعفن فيه بس مو كل كلام الدكاترة صحيح
تاله تتنهد عنيدة
مديت بوزي وأخوك أعند وما يمشي إلا كذا
تاله ما ينشره عليكم عيال خالات
قلبت الجملة براسي أول مره أفكر إنه حنا عيال خالات مو راكبه الفكرة أبد
ضحكت لين أجل خلينا نسوي مخطط لليلة
لتين بشيطنة تركت الخبزة من يدها شوفوا أنا بقولكم شرايكم نروح نتغدا برا هذا أول شي وبعدين نروح نتزلج
لين وتاله مره وحده هاااااا..!!!
لين بعصبيه أنا اللي بكفخك اليوم من جدك إنتي صاحيه توك قبل اسبوعين مسويه عملية واليوم بتتزلجين تدرين طيحه وحده وش تسوي فيك ؟؟
تاله تكمل بفلسفة بعدين نسيتي إنه زواجي نهاية هالاسبوع والا عاجبك إنه زوجك أجله بتأجليه للأبد إنتي
: اوووفففف
ابتسمت لين فديت الاوووف والله منك غير شكل
تاله بخبث وأنا أقول بسام ليه يحب يعاند وينرفز آثاريه بيشوف هالشفايف وهي تتأفف
شديت على اسناني بإحراج تاله والله لو ما سكتي لأدهنك بالتشيييز أخلي نونا تطردك اليوم
وقفت على طول وهي تسحب شنطتها نسيت نفسي باقي ربع ساعة وتبدا البروفا ياويلي..
وهي طالعه خبروني وش بيصير بكون معكم
تنهدت وأنا اترك الأكل انسدت نفسي أجل وين تبينا نروح
لين بهدوء عندي اقتراح حلو شرايك بما إنه زواج تاله هالأربعاء نروح مشغل منه تغيرين شكلك إذا حابه ومنه جلسة مساج كامله عشان أعصابك ترتاح كفاية اللي صار
قلت وأنا أفكر بصوت عالي إذا غيرت شكلي بسام راح ينتبه وأنا بتحاشاه
لين بتعقيدة وبعدين يعني لين متى؟ ليه تتحاشيه مو هو زوجك؟؟
سندت ظهري ع الكرسي لين اللي بيني وبين أخوك أكبر من إنه نتكلم فيه ببساطة وكأنه مشكلة عاديه
رفعت حاجب انزين اجلسي معاه وافهمي منه
ضحكت بسخرية افهم منه ليه هو ينفهم بس دخيلك لا تزيدين الجرح جرحين
بلعت غصتي وأنا احط يدي ع خدي الحين بسام أجل زواج تاله وعبدالله عشان اختباره
حسيت فيها ارتبكت اييه
ناظرتها لمدة وبعدين قلت إلورا بروح معكم ع الـ باربير
ابتسمت ع الصالون؟!
دايما انسى وأقول كلمات انجليزية وهم مو لهالدرجة بالانجليزي
الايطاليه متقنينها مع انه الايطالي كثير منه يعتمد ع الانجليزي والكلمات فيها تغيير بسيط
بس ناس طول عمرها عاشت بايطاليا وش بيعلمها غير لغتها...!
• أنَـإا أدريَ عنيّ تنشَغلــِﮯ وَ ... [ فيَنــِﮯ ] يَنشغـلُ فـكرگ ♥
ناظره بتساؤل وين أوديه هذا؟؟
بمكتب المهندس الجديد
لف بيروح ورجع أي مهندس جديد؟!!
بزهق ياخي المهندس الكابتن صار له فتره هنا للحين ما عرفته
عقد حواجبه يتذكر لاااا تقول اللي رافع خشمه للسما كأنه ما في مهندس كابتن غيره
ابتسم شبه ابتسامة ما غيره روح عطيه ياه والله يعينك لأنك تأخرت
أخذ الملف وطلع لمكتبه في الدور الثاني من مبنى الشركة
يزين الباب ع اليسار لوحة معدنية منقوش عليها
E.C.Talal Al-fahad
اختصار engineer, captain
كشر بوجهه يا حبه للفشخره
دق الباب
كان قاعد ينتظر الملف من نص ساعة وصار له يومين متأخر حده معصب ومطرطع والموظف اللي راح يدخل بيندم ع اليوم اللي انولد فيه
على دقة الباب
دق الجوال طنشه لكن لفت انتباهه الاسم
خفت عصبيته شوي وارتخت أعصابه
أخذت نفس جا موعد دوآي رديت برقة
جاني صوتها أنعم من الحرير حبيبي لا تتأخر اليوم أدري إنك مشغول بس مسويه لك أكله تحبها
ابتسمت بحنو والباب رجع يندق مره ثانية خليه ينقع عشان يتعلم شلون يتأخر مره ثانية
: عيوني لك حبيبتي ماني متأخر
بان بصوتها الفرحه اوكيه باي
قفلت منها وقلت بصوت جهوري تفضل
دخل بوجوم مهندس طلال هذا الملف اللي طلبته
رفعت حاجب خله ع المكتب وياليت ما تتأخر مره ثانية يا تركي
أومأ براسه آبشر طال عمرك
فجأة رفع راسه وابتسم يعطيك العافيه
رد الابتسامة باستغراب الله يعافيك
: تقدر تتفضل
خرج من عنده بانفصام بالشخصية آثاريه طيب والله أجل ليه يسوي فيها إني واثق ولحد يكلمني
زفر بقلعته ما علي فيه أهم شي شغلي وما أتأخر عليه ما بيقدر يمسك علي شي وقتها..
عن آلكلآم آلشين يآ زين آلسكآت
.......... نآس ِمآ توصل مسـتوآهآ خلـّهآ
قفلت جوالي ورميته بالشنطة خبرتني لين إنهم بيروحون المشغل
مكاني المفضل بعد غرفتي!
شفتها تناظرني ورآها شي
طنشتها وأنا أٌقوم أعدل فستاني قدام المرايا
ابتسمت لي مارينا مولتو بيلّو
" جميلة جدا "
رديت لها الابتسامة بحب غراتسيا
فجأة وقفت وجات عندي تاله..؟
وأنا أعدل الفستان ما ناظرتها وشو؟؟
كأني سمعت إنه لتين بتطلع معكم اليوم
لفيت عليها بغيض مو شغلك وما لك دخل وما يخصك الموضوع خليك بعيده يكون أحسن
تخصرت بدلع أجل لو بسام عرف عادي
عقدت حواجبي بقهر جيهان خليك بعيده قلت لك والا والله بتقلب الطاولة عليك لتين لسى ما عرفتيها شكلك
عضت على شفايفها ماميتوو خفت تصدقين
حقرتها وأنا امشي تآفهه وعمرك ما تكبرين عقلك أصغر من النملة
طلعت ع الستيج دوري وأنا مقهورة لدرجة إني كنت بطيح على وجهي لو ما البنات ساعدوني
الله يقلعها بس تشوف والله لأحرض لتين عليها
لمحت جدتي تأشر لي وكأنها تقول ريلاكس بهدووووء
أخذت نفس وخرجت...
هُناكَ ٲشَخاص يَحتاجُهم عقلُك وَ هُناكَ ٲشَخاص يَحتاجهُم قلبُك` وَ هُناكَ مَن تَحتاجهُم ,لأنَك بِ بساطة تُصبح بدونهم َبِلآ عِنوان !
تحَتاجُهم لِ تِفاصيلَ ( صغيرةَ ) لآ تسَتطيعُ أن تَقولها لكُل ٲحد ‘ وَ لأنه ليَس كُل شخص سَوفَ يُصغي إليك وَ يستَمع لِ تَفاصيلُكَ الصَغيرة
هي أشياء ِصَغيرة ` هي أشَياء لآ تُشتَرىَ ! ♥
طلعت من الحمام دموعي على خدي نشفت نفسي ولبست ملابسي
أحس بضيقة
هاجس خالد ملاحقني
أنا ما عدت أحبه
بس في شي بداخلي يألمني لأنه جا وطلبني بعدها
يعني صعب تكسر بخاطر إنسان كان يعني لك شي في يوم من الأيام
على طول خاطري أكون جنب عبدالرحمن
أول مره أشوف عروسة تتمنى تغمض وتفتح تلاقي نفسها بيوم زواجها
جلست ع السرير بغبن
ضميت رجولي لبعض ونزلت راسي لحضني
بكيت بقهر
من ايش.. ما أعرف كل اللي أعرفه إني ودي أكون معاه
هو الوحيد اللي انسى العالم بوجوده
بأبسط الأشياء ينسيني يارا العاديه
أكون إنسانة ثانية معاه
شديت ع راسي بنحيب
وبضعف دقيت عليه
حاولت أخذ نفس وأخلي صوتي عادي
جاني صوته الحنون
: يا مرحبا والله نور تلفوني
بلعت غصتي عبدالرحمن!
باستغراب يارا!! فيك شي
نزلت دموعي حاره عبدالرحمن أنا متضايقه
ووضح بصوته الخوف ليش حبيبتي شفيك؟؟ أحد قالك شي ؟!
مسحت دموعي لا بس معليش تجي اليوم بشوفك
قامت الشياطين تلعب براسي ليكون مغصوبة عليّ البنت وبتقول إنها رافضتني
قلت بتلقائية اوكيه قفلي وبعد خمس دقايق افتحي باب بيتكم
سكرت منه
حتى مالي خلق أقوم أغير
أمي لو عرفت إنه عبدالرحمن جاي بتزعل ما بقى على عرسنا شي والمفروض ما يشوفني
بس ما يهمني بشتري راحتي أول..!
لَنْ يَكون مِن السَهل عِبور حُدود قَلبي
أُريد أَن أَحفَظ مَا تَبقى لِي مِن صَفاء ونَقاء
لَن أَسمح لَهم تَشويه المَساحات الرائِعة بِداخلي
وإِفساد المَساحات المُؤثثة بالجَمال
... فَهم لا يَستَحقون مَكانَاً في صَميم القَلب
سأُزيَن حَياتي بالأَمل وأَبدَأُ مِن جَديد.!