يا خاطفي وين ألقى عزتي في زمان المذلة !
البـارت الرابـع ..~
..آآهـ لو تدري بـ قلبي وشـ يقول .. ؟
يوم تقطع خطوتك ' حبل الوصال '
تشهق أنفاسي ويملكني الذهول !
وتنرسم في نظرتي كلمة ' تعاااااااال '
:::
:::
:::
كانت نايمه بسلام وهدوء .. لكن نغص عليها الكابوس نومها الهادي قامت مفزوعه
وهي تشهق ..وكلها عرق وخوف .. ركضت للحمام تستفرغ <<وانتم بكرامه
حست روحها راح تطلع ... نص ساعه وهي بالحمام تستفرغ . ما ارتاحت الا لما صار تستفرغ دم ... تعودت تشوف هالمنظر .ذبحها الالم والصمت .. رجعت لسريرها
هالكها التعب ... او ما غمضت عيونها .. ترددت بذاكرتها ...ذكرياتها الاليمه
صوت صراخ كان بيفجر راسها ...تتردد باذنها الكلمات ... وهلت دموعها .. قامت عشان ما تزعج رغد .. طلعت بالصاله واخذت سجادتها تصلي .. وتقراء قران
:::
:::
:::
فهد يلمس خدها بنعومه : هاه حبيبتي ويش شعورك وانتي معي
راويه تضمه : احلى شعور .. دامك معي مابي من الدنيا شي .,
راويه بدلع: فهودي حياتي
فهد: عيونه .... فديت الغنج وراعيته
راويه : تحبني ؟؟
فهد: لا ما احبك ..انا امووت فيك ..اعشق الارض اللي تمشين عليها
راويه : الله لايحرمني منك ياحبيبي انت
فهد: ولا منك .. نامي الحين واذا اصبحنا يصير خير ...نامت ومانقشته ابد ..
فهد (( نامي ياحبي .. نامي ولا صحيتي بيكون لنا كلام ثاني ))...
:::
:::
:::
بعد ماخلصت من قراءة القرآن راحت تسوي لها نسكافيه لان النوم مجافيها ..
اول مادخلت المطبخ ..سمعت صوت شهد ..
شوق : معقوله تكون صاحيه للحين ؟؟...اتجه على طول لغرفة شهد ودقت الباب
شهد: اوكي حبيبتي بشوف الباب توصين شي
...: سلامتك سمعينا صوتك
شهد: اوكي قريب ان شاء الله ..قفلت الجوال وفتحت الباب
شهد: نعم تبين شي
شوق : فيك نوم
شهد : ايه الحين بنام .. ليش تسالين
شوق : سمعت صوتك قلت اكيد مافيها نوم
شهد : كنت اكلم فاتن دقت علي وسولفنا شوي بسالفه وقفلت
شوق : طيب نامي بكره وراك جامعه ... تصبحين على خير
شهد : وانتي من اهله .. سكرت الباب وراها وهي متاففه منها .. وراحت تنام
:::
:::
:::
يوسف : عبود .. شفت البنت اللي ضربت اختها بالمطعم اليوم
عبدالله يقفل الكتاب : ايه .. تتوقع في خوات كذا
يوسف: حزنتني البنت تفشلت قدام الكل وقدام صحباتها
عبدالله: شكل بينهم سوء تفاهم .. يالله هي الحياه كذا
يوسف : قلبي اشفق عليها باين انها مالها بالمهاوشات اما اختها واضح انها شرسه
عبدالله يتكي على التكايه: عيونها ....آآآآآآآآآآه ياعيونها
يوسف : فتاتك ... ألم تغادر خيالك ؟؟
عبدالله: كيف تغادر خيالي وهي من اول نظره ملكتني
يوسف : اقولك .. عندي لك حل
عبدالله : على ايدك ... الحقني فيه
:::
:::
:::
الساعه 3 الفجر ..
اندق باب الغرفه بقووووه فظيعه كان عاصفه وراه ... قامت مفجوعه .. تدوره ومالقته
والدق كل ماله ويقوى اكثر واكثر ... شوي انفتح الباب وهي لابسه روب القميص
ابوها : راويـــــــــــــــــــــــــه
راويه بخوف : بـــــابــــــا
ابوها يمسكها : امشي معاي امشي .. نتفاهم بالبيت
راويه تبكي : بس ... بـــ....ــس انـ...
ابوها يجرها : اقولك امشي وطيتي راسي ... فضحتيني ... امشي هيا
راويه تاخذ عبايتها : ائههههههههههئ ....
ابوها : الله لايبارك فيك من بنت ...انا الغلطان اللي رخيت لك الحبل ..سحبها بقوه وهي ميته بكاء
:::
:::
:::
فهد : ههههههههههههههههه هذي ورميته رميت الكلب خلي ابوها يلتهي فيها عني
خالد : حرام عليك ... صدقني بترجع باختك او بنات خواتك ....
<< خالد صديقه من ايام الطفوله وبينهم صله قرابه من جهه ام فهد وهو اللي يعرف كل صغيره وكبيره عن فهد
فهد : خلها الواطيه ... اصلا هي ماهي بنت يكون بعلومك
خالد تفاجأ : من جد تتكلم ؟؟ ... فهمني زين ..
فهد : اللي سمعته .. راويه ما كانت بنت .. يعني مو بس نامت معي
خالد : يوووووه .. اعوذ بالله الله يستر علينا ...سكت شوي بعدين طالع فهد بنظرات شك
خالد : لاتكون تقول هالكلام عشان تبعد الشبهه عنك
فهد : انا اذا سويت شي اقوله كان عيب او حرام ... وهالموضوع بالتحديد انا ما اكذب فيه
خالد : ماني متطمن ... احس انك راح تطيح بمشكله مالها اخر
فهد : قصدك انا اطيحهم بمشاكل مالها اخر ... بعدين هي اللي بايعه نفسها .. جاتني برضاها..
خالد : والله مدري عنك يافهد .. انتبه لنفسك ...
فهد : اقول خالد لاتسوي انك تركت بلاويك عشانك خطبت وبتتزوج
خالد : القصه ماهي كذا .. انا تبت الحمدلله والله تواب غفور وان شاء الله يقبل توبتي .. بس لازم انبهك عند الغلط
فهد : واللي يرحم والديك اعتقني من نصايحك .. وخلني بكيفي
خالد : اجل من راح بكيفه كيفه يوديه وكيفه يجيبه وانا سويت اللي علي
طلع من عنده معصب لان خويه مستحيل يتغير ابدا .. وراح لبيتهم .. اما فهد اتجه لقصره .. عشان ينام ويرتاح ..
:::
:::
:::
بعد اذان الفجر .. صحت البنات عشان يتجهزون للمدرسه ...بعد ما جهزت الفطور
على الفطور
ابو مها : شكلك مانمتي ياشوقه اللي مسويه لنا فطور معتبر
شوق : اي والله ماجاني نوم ياعمي ...
ابو مها : تسلم يدك على هالفطور ... يالله يابنات استعجلوا تاخرتوا على مدارسكم
هنادي : يبه الله يسلمك اللي يقول كل وحده بديره ترى كلنا بمدرسه وحده
ابو مها : طيب خلي الهرج اللي ماله داعي واخلصي علينا
هنادي قامت : طيب الحين بروح اخلص ... راحت للغرفه .. وطلعت مريولها البني ولبسته
وقفت قبال المرايه وشغلة الاستشوار تزبط قصتها .. لان شعرها قصير لحد شحمة اذنها
سمر : الله لا يبلانا .. شعرك كله شعرتين ويش تستشورين ؟؟
هنادي : ويش خصك خخخخخ ... شعري ازين من شعرك اللي كنه ليفه
سمر : على الاقل طويل شوي مو مثلك مسويه فيها بوي
هنادي : يارررربي بوي بكيفي عندك اعتراض
سمر: سلامتك ماعندي .. وفتحت الدرج تدور سلسالها الفضي
سحر : هيا بنات استعجلوا الساعه سبعه الا ربع اللحين تروح علي حصه الكيمياء
هنادي : يالله انا خلصت باقي سمر
سمر: وانا بعد بس اجيب طرحتي والنقاب واجي
بعد ماخلصوا ووصلوا للمدرسه ...
هنادي : خساره مشت الطوابير .. كان ودي افلها مع بنات العلمي
ريم : اقول روحي فصلك .. ونزلي عباتك اللي على الكتف لا تجيك ابله خديجه
هنادي : اقول باي يا خوافه انتي وهي .. اللي تلبس نقاب واللي عبايه على الراس
سمر: طيب روحي بس لاتشوفك ترى ملفك امتلى تعهدات
هنادي : باي .... مشت لفصلها .. وهي بالممر
المديره : تعالي تعالي .. على وين
هنادي : بلحق حصه التوحيد
المديره : لا حنا بناخرك حبيبتي .. عشان عبايتك
هنادي : ابله بسالك ما تملين وانتي تراكضين وراي .. انا عبايتي ماراح اغيرها لو ايش يصير ريح راسك
المديره : طيب ابيك تعطيني رقم امك
هنادي سكتت بعدين تكلمت : بعطيك رقم اختي
المديره : لالا .... رقم امك او ابوك
هنادي : طيب بعطيك رقم امي امري لله ..
المديره : الحقيني بالمكتب .... اعطت المديره الرقم وراحت
::
:::
:::
...: ابيك تجيب لي المعلومات كامله مابي معلومه ناقصه سامعني
...: حاضر تامر على شي ثاني
...: لا بس اذا طلع معك شي جديد على طول اتصل علي
...: ابشر ... بعد ماقفل الخط ... ارتكى على كرسيه
(( يارب يصير اللي براسي ))
دق التلفون
...: هلا يبه ..سم .... ثواني واكون عندك .. قفل الخط وراح لمكتب ابوه