يا خاطفي وين ألقى عزتي في زمان المذلة !
:::
:::
:::
بغرفه شهد ورغد
شهد : رورو ... بالله انك متضايقه عشان هذاك القروي
رغد : اي قروي
شهد : عبدالله ... !!
رغد : لا متضايقه ولا شي ... بس مزاجي متعكر اليوم
شهد : روقي يابنت الناس ...
رغد تطالعه بنظرات غريبه (( نشوف اخرتها معاك يا شهد ... لوين بتوصلين ))
شهد : علامك تطالعيني كذا .. كأني مجرمه
رغد : انا .. حرام عليك ... اتامل وجهك
شهد : لاتغيرين الموضوع
رغد : ويش اغير .. بعدين ترى مليت من الغرفه خلينا نطلع على التلفزيون
شهد : طيب باخذ الاب توب واجي
راحوا للغرفه اللي يجتمعون فيها
سمر : بنات وحده تفهميني المعادلات ... وربي تعبت ولاني فاهمه شي
سحر : اعطيني كتابك اشوف... يمكن اعرفها وافهمك ..
شوق : بنات بروح اخذ شور انتبهوا للعشاء تراه على النار لاينحرق
ريم : اوكي انا انتبه له
رغد : انتم لسى ماخلصتم اختبارات
هنادي : ماتعرفين الدوافير هذول ... باختبار وبدون اختبار ماسكين الكتاب
سحر : قل اعوذ برب الفلق ... ياحبيبتي حـــــنـــــا علمي .. مو زيك ادبي
ريم : ايه متعوده على الدلع كل خمس حصص درس ... مو حنا كيمياء فيزياء احياء رياضيات ..و....و.....
هنادي : احد ضربكم على يدكم وقال ادخلوا علمي
شهد : له مستقبل مو زي الادبي بتجلسين بالبيت
هنادي : ههههههههههههههه ... شهد تتكلم عن المستقبل
شهد : ايه ليكون مو لايق علي
هنادي : ابد مو لايق ...
شهد : لاتحطميني ... خليني احس ان عندي رائي والناس توافقيني فيه
سحر : طيب ليش مو دايم تقولين رايك وحنا نسمعه
شهد تشغل نفسها بالاب توب : بصراحه ... انا عارفه ان محد يتقبل كلامي بهذا البيت
واخر وحده تفكرون فيها .. طبعا انا .. فليش اتعب عمري واتكلم دام كلامي ماله فايده
رغد : مين قال ان هالكلام صحيح ؟؟ غلطانه .. انتي تدرين ويش قد يهمنا رايك !!
شهد : لاتكذبين علي ولا اكذب عليك ... الحقيقه هي اللي قلتها .. وقفت وراحت للغرفه
سمر : اول مره احزن على شهد ... احس في كلام بقلبها تبي تقوله
ريم : واضح ... ماتوقعت انها كذا ...يعني في امل يكون عندها احساس
هنادي عصبت : انتي ويش احساس .. تراها بشر مثلا .. بس تعرفين طبعا ما تبين اللي فيها
رغد : هدوء ... خلاص حصل خير ..." مسكت عكازها" ... بروح اشوفها
:::
:::
:::
ابو مها : الـــــووو .... هــــــلا وعلــيــــكـــم السلام ..ايه انا محمد القايد .... حيــآآك الله
البيت بيتكم ... انا بانتظارك ... الله يسلمك ... مع السلامه
شوق : عمي انت وصلت
ابو مها : ايه يابنتي ... حطي العشاء
شوق : امرك ياعمي ... عمي مين بيجينا
ابو مها : ايه ذكرتيني ... بكره المغرب بيجوني رجال .. زبطي يابنتي القهوة وكل شي
شوق : من عيوني ياعمي ... ان شاء الله بسوي لك كل شي
ابو مها : وين البنات .. ماعاد اشوفهن .. كبروا البنات وصارت كل وحده مشغوله بنفسها
شوق : معاك حق ياعمي ... كبروا بعد ماكانوا صغار .. كل صغير لازم يكبر
ابو مها : اجلسي ياشوق ابي اكلمك ... مد لها 500 ريال
شوق : ليش ياعمي هالفلوس
ابو مها : خذيها وانا ابوك ... انا سمعت كل شي قالته شهد ... ما ابيها تحس اني مقصر عليها
شوق : ويش الكلام اللي تقوله عمي .. انت ما عمرك قصرت علينا ... "وبخجل ".. وكلام شهد ... كانت معصبه يوم قالته وانت تعرفها ماتحب تطلب الا نلبيه لها
ابو مها : لا يابنتي ... كل شي تبونه انتي وخواتك ما بيه يكون بخاطركم ... انتم امانه الغالي
وبحطكم بعيوني .. وربي يقدرني واسوي لكم كل اللي تبون
شوق تبوس يده : الله يخليك لنا ياعمي ولا يحرمنا منك .. ومن طيبة قلبك
:::
:::
:::
شهد: ههههههههههههههه ياعمري انا .. فديتك
...: يالبى ضحكتك بس... تدوخني
شهد : بس ضحكتي تدوخك ...
...: كلك على بعضك تدوخيني ... جننتيني ياشهد .. ويش اقول بس لي الله حبك يعذبني
شهد : انت ماتدري ويش سويت فيني ...خليت الدنيا بعيني حلوه .. واحلى شي اني حبيتك
...: يعني انتي تحبيني
شهد : افا عليك يا فيصل ... وتشك بحبي لك كم شهر مع بعض وما تدري اني احبك
فيصل : حسيتك تلمحين بس ماتوقعت انه بجد تحبيني
شهد : والله احبــــــــــــــكـ......
فتحت عليها الباب بقوووه
رغد : شـــــــــــهـــــــــــــد .. مين تكلمين
شهد ارتبكت : ما اكلم احد وقبل تقفل الجوال .... سحبت رغد منها الجوال
رغد : الووووووووو .... الــــــــــــــــــــــــــووووو ...ياكلب رد .. لكن مارد عليها
رغد رمت الجوال وقفلت باب الغرفه
رغد : انتي يا شهد ... انتي تسوين كذا .. ما توقعتها تجي منك ابدا
شهد وقفت : انتي ... مافهمتي شي ... خليني افهمك
رغد : تفهميني ... ويش تفهميني هـــاه ... تفهميني انك نزلتي للقذاره .. نزلتي للوحل
شهد : رغد ... خليني اشرح لك
رغد : لاتشرحين لي ولا اشرحلك ... انا ماهي اول مره اسمعك ...لكن قلت يمكن ضنيت فيك ضن السوء لكن ما توقعت انك كذا ... حسافه طحتي من عيني
شهد تمسك يد رغد : رورو ... بليزز خلينا نتكلم
رغد تسحب يدها بقوه : نتكلم ... انتي ماخليتي مكان للكلام ... كل شي فيك غلط ..
شهد : ليش طيب عصبتي ... كل شي بالتفاهم يصير
رغد : طيب بس تقولين لي كل شي ... وياويلك يا شهد لو تكذبين علي .. قسم باللع اقول لابوي
شهد : لا والله اقولك كل شي
رغد : اوكي ... هيا قولي وانا اسمعك
:::
:::
:::
دق جوال هنادي .. كانت على فراشها .. لا شافت الرقم ارتبكت ...
هنادي (( ويش هالورطه ... ويش اسوي كيف اكلمه هنا .. مالي الا اقفله اريح راسي
وافتك من اسئلت ريم وسحر اللي ما تنتهي .. ومن نظرات سمر اللي تخوف ))
قفلت الجوال .. ورجعت انسدحت ...
ريم : مين يا هنو؟؟!!
هنادي : تهاني بس اعطيتها مشغول .. نعسانه مره وهي تطول اذا كلمتني
سحر : حطي سايلنت ... لاني ابي انام مابي شي يعكر علي
هنادي : طيب الحين احطه
سمر : بلا قرقره ... اسكتوا الساعه 12 ابي انام عشان اصحى الصباح بدري
ريم : بس بكره الجمعه
سحر : ليش مافيك نوم انتي
ريم : لا والله مافيني نوم بس بحاول يمكن انام
سحر : طيب اذا ماجاك نوم .. بشويش امشي لا تزعجينا
ريم : ماني بزاعجتك .. بس نامي
ناموا الكل .. وما بقى الا شوق صاحيه ... بعد ماصلت صلاة الليل وقراءة قران .. راحت للصاله... وتفقدت المطبخ كالعاده لايكون في مفتوح .. ومرت على البنات وشافتهم كلهم نايمين
راحت لغرفتها ونست تقفل باب غرفتها ... وقالت اذكار النوم .. ونامت ..