يا خاطفي وين ألقى عزتي في زمان المذلة !
:::
:::
:::
الــــعــــصــر
ندى : الـــووو ... الحقي علي ..
ليان : اتصل عليك اليوم ؟؟
ندى بانهيار : ايه ... واعطاني موعد يقولي اذا ماجيتي ياويلك
ليان : لاتروحين ماعليك فيه طنشيه
ندى : واذا نفذ تهديده
ليان : اقولك .. انا بجي الحين ونفكر مع بعض باي
ندى : لاتتاخري تعالي بسرعه ..
ليان : اوكي جايه ... مسافة الطريق
بــآلــمـديـنــه
الساعه 9 بالليل
ماجد : حيا الله من جانا ..
هاني : الله يحيك ويبقيك
رائد : وين عاصم ماجاء
هاني : كان بيجي .. بس اخته حرارتها مرتفعه واضطر يوديها المستشفى
ماجد: والله خساره .. الكل مجتمعين ماعدا هو
هاني : الظروف اقوى منا
رائد : واخبارك ياهاني ..
هاني : الحمدلله بخير وعافيه ..
ببيت ابو مها
شوق : مهاااوووي .. تعالي ساعديني
مها : ابشري ماطلبتي شي ... اخذت الصينيه المليانه ومشت للصاله
شوق شافتها وقفت بنص الصاله : مهاوي فيك شي
مها : لالا مافيني الا العافيه
شوق تسحب الصينيه : هاتي الصينيه عنك.. واضح انك تعبانه
مها : بروح انام .. احس بارهاق وتعب
شوق : طيب والعشاء
مها : مابي .. ماني جوعانه
شوق :اهم شي ترتاحي ..
مها : انا رايحه شوفي هنادي متى ترجع تاخرت
شوق : طيب بدق عليها
اخذت جوالها ودقت على هنادي لكن جوالها مغلق
شهد : وين العشاء وربي جوعانه
رغد : باقي شوي .. اصبري
شهد : يالله نصبر .. سحر ساعدي شوق
سحر معصبه : قومي انتي اليوم تعبانه ومالي حيل اقوم
شهد : طيب لا تنفخين ..
شوق : دقوا على هنادي تاخرت لي ربع ساعه ادق مغلق ..قبل تكمل كلامها
جات هنادي .. معصبه وثايره ..
رغد : وين كنتي يا ست هنادي
هنادي : مالك خص ...
شوق : هنادي .. ويش مالها خص ... وبعدين لا ترفعين صوتك على اللي اكبر منك
هنادي : انا رايحه غرفتي ..
شوق : والعشاء ...ماتبي تتعشي
هنادي : نفسي مسدوده .. اذا جعت اعرف المطبخ .. وراحت للغرفه
ريم : ويش فيها هذي .. جايه معصبه
شوق : والاغراض اللي قالت بتجيبها ماشفت شي منها
شهد : المهم وين العشاء وربي بموت جوع
شوق : يالله يالله بحطه ...
واتجهت للمطبخ تجهز لهم العشاء بعد ما تعشوا البنات وعمها وخلصت كل اشغالها .. راحت لهنادي تكلمها .. وتحاول تعرف ويش فيها
هنادي : شوق مافيني شي والله .. وبالنسبه لموضوعك .. انا موافقه وجهزي كل شي
شوق : انا رتبت كل شي .. وكل شي جاهز
هنادي : وانا موافقه ...
:::
:::
:::
يوسف : ويش قالت لك ..؟؟
عبدالله بابتسامه : اللي ابيه قالته ..
يوسف : زي ويش ..
عبدالله : كلمتها شوي .. يعني قلت لها اللي بخاطري ..
يوسف : ويش ردة فعلها ..
عبدالله : عاديه .. بس لما اكلمه تسولف عادي
يوسف : وهذيك الشرسه اكيد ماتدري عنها
عبدالله : مدري والله .. بس اهم شي رغودتي كلمتها
يوسف : بذمتك تحبها
عبدالله : انا اعشقها اتنفس هواها .. والله حبيتها من اول نظره
يوسف: طيب بسئلك سؤال وتجاوبني عليه بصراحه
عبدالله : اسئل
يوسف : او تبي تتزوج ... عادي تتزوجها
عبدالله : ايه عادي اتزوجها .. دام احبها ليش لا
يوسف: يعني تتزوج وحده تعرفت عليها
عبدالله : ايه اتزوجها .. اذا رغد بدون ما افكر اتزوجها
يوسف: شكلك تحبها مووت
عبدالله : قليله احبها .. صح ما اعرف شكلها ولا شي بس اهواها من الله احبها
يوسف : حالتك متاخره مرره
:::
:::
:::
بعد يومين
...: ويش بتسوي ؟؟
...: بسوي اللي براسي ... بس انتي زبطي لي كل شي
...: ان شاء الله بزبط لك كل شي ... زي ما اتفقنا ... 5 الاف ريال بيدي
...: اوك .. بس اشوفها قدامي .. الفلوس وراعي الفلوس بيدك
...: اجل تطمن .. باقرب وقت بيصير اللي تبي
...: لا تتاخرين علي .. خليك على خبري .. عند كلمتك ما تتراجعين عنها
...: افا عليك .. اسئل عني .. انا قول وفعل .. جربني بس
...: نشوف ويش تقدرين عليه .. وتقدرين عليها والا بس كلام
...: بتشوف .. لا تتسرع بحكمك علي
...: اوك اعطيني موعد اذا زبطتي كل شي
...: تيب ... يالله مع السلامه