يا خاطفي وين ألقى عزتي في زمان المذلة !
:::
:::
:::
هديل : يمه علامك زعلانه
امها بعصبيه : مابي اشوف احد ... اطلعي وخذي اخوانك
حنين : هيا هديل شكل امي واصله معها للشيطان الرجيم
هديل : طيب يالله خذي اخواني .. جت بتسئل امها مره ثانيه
امها : هديل .. اطلعي عني هذي الساعه ماني طايقه احد
هديل : طيب ليش كل هالعصبيه .. متهاوشه مع ابوي
امها : مالك خص ... اطلعي بسررررررررررررررررررررررررررررررعه
هديل : بطلع ... وراحت للصاله
هديل : صراحه ياحنين .. امي الى متى تعتبرنا صغار خلاص كبرنا وهي تعاملنا كاننا اطفال
حنين : يعني ماتعودتي على اسلوب امي .. هذي شخصيتها
هديل : نفسي افهم لها كم يوم متضايقه
حنين تفكر : يقولون اذا الام بس متضايقه معناته تمر باضطرابت الحمل .. هذا يعني ان امي حــــــــــآآآآآآمــــــــل
هديل : حامل بعينك .. ماتعرفين تفكيرين انتي ... اصلا لو امي حامل كان كشفناها
حنين : طيب ياذكيه طلعي سبب
هديل : بالنسبه للسبب ماعندي سبب ... بس اشك ان في شي كبيرررر
حنين : ياخبر اليوم بفلوس بكره يبقى ببلاش
هديل : على قولتك ... بروح اذاكر ماني داريه وين ربي حاطني بالمدرسه
حنين : شدي حيلك هذي اخر سنه
هديل : شوفوا مين يتكلم عن شدة الحيل ..
حنين : لهدرجه انا طايحه من عينك
هديل: من زمان طايحه توك تدرين
:::
:::
:::
صحى وهو في نص وعيه .. وراسه مصدع ومايشوف زين .. صحى مايدري هو وينه
وكيف جاء لهذا المكان ... ولا هو ذاكر ويش صار .. بدت علامات الاستفهام تنسج خيوطها
حوله والافكار والظنون ترميه على شاطئها ... تعب يفكر ويفكر ..
مالقى جواب لكل تساؤلاته ... هو بدنيا وعالم يلفه الغموض والظلام
؛؛؛
؛؛
؛انتهــــى البــــــــــــــارت ..