يا خاطفي وين ألقى عزتي في زمان المذلة !
:::
:::
:::
شهد : تذكرين كلامك لي كل العيال كذابين
رغد : ايه اذكر بس عبدالله غير عنهم يا شهد .. يكفي انه محافظ على صلاته وبار بوالديه
شهد : مهم كان خلاص ياشيخه انسي مافي شي يستاهل تبكين عليه
رغد: شهد اتركيني لحالي .. محتاجه اجلس مع نفسي
شهد : حطي شي واحد براسك ... اللي ربي كاتبه بيصير انا تعلت درس من اللي صار لي
رغد : كلنا تعلمنا درس .. بس
شهد : لابس ولاحاجه .. اعقلي وفكري كويس واتركي عنك العواطف ماراح تفيدك
رغد تمسح دموعها بيدها : تيب بغسل وجهي واروح اتغداء
شهد : نستناك لا تتاخري
رغد : اوكي ..
بغرفه الاكل
هنادي : انا جوعانه خلاص باكل .. شهد ورغد ناوين يموتونا جوع
ريم تنادي : شــــــهـــــد ... رغــــد يالله تعالوا
شهد وقفت عند الباب وحطت يدها على خصرها : جينا ليش مستعجلين
سمر : انا بأكل وربي خلاص مقدر اتحمل .. مدت يدها للصحن ودخلت رغد
شوق : يالله سمو بالله .. واتغدوا كويس ..
سحر : وانتي ليش ما تتغدي ؟؟!!
شوق : نفسي مسدوده مابي اكل .. بالعافيه عليكم
هنادي : تعالي كولي .. شوفي كيف نحفانه مررره
شوق : بطني توجعني ومابي أكل .. اذا جعت بسوي لي أكل .. انا بروح غرفتي اذا خلصتوا اكل نادوني اغسل الاواني
سمر : انا اغسلها انتي تقولي تعبانه ..
شوق وقفت وطلعتهم بتامل ومشت لغرفتها وتحس بالالم يقطع بطنها تقطيع .. رمت نفسها
بتعب على سريرها ... غمضت عيونها وتحس دمعتها بتخونها
شوق (( الــى متى وانا ابكي .. ليش اي شي ينزل دمعتي ... آآآآآآآآآآآآآآآه .. محتاجتك يمه محتاجتك ..ويش اسوي بنفسي انتحر وارتاح والا اصبر عشان خواتي وبنات عمي اليتامى ..يارب دلني على الطريق الصحيح ..))
رد عليها صوت بداخلها (( اي طريق انتي كل طرقك مسارها واحد .. مسارها للموت
نسيتي فهد .. نسيتي ويش سوا لك والا سامحتيه خلاص ... محد دفع الثمن ولازال يدفعه غيرك انتي .. خسرتي كل شي قلبك وحبك وشرفك ..)) فتحت دفترها وسطرت لها كلمات
ذبحني الشوق من صديت ياكيف انساك خبرني
وانا من وين ماصديت ترى طيفك يحاصرني
انا لو هي على كيفي نسيتك مثل ما قلبك نساني
ولاكن قلبي يوم اني هويتك اذا صديت عن حبك قلبي عصاني
اناجي الليل واحزاني تكلمني بلا اي صوت
تقول شلون تنساني تبيع اللي يحبك موت
غريبه والله يالدنيا ياغالي ولا كانك هذاك اللي احبه
بعد ماكنت ميت في وصالي يجي لك وتبيع المحبه
يضيق الكون في صدري كثر فرقاك وغيابك
وانا للحين ماادري ياظالمني وش اسبابك
عموما روح انا ماراح الومك الوم قليبي في حبك وعيني
عساك تعيش وتتهنى في يومك وانا لي ربي يعوض سنيني
:::
:::
:::
هديل : يمـــه خلاص ابي اروح عند بنات خالي طفشت
امها : روحي ..
هديل فتحت عينها على كبرها : من جدك يمه .. يعني خلاص اقول لابوي يوديني
امها : ايه روحي .. وخذي حنين معك
هديل وقفت وركض للغرفه تكلم ابوها وتخبر حنين
حنين : لالالا ما اصدق ما ناقشتك ولا قالت لا
هديل : ايه والله العظيم قالت على طول روحي
حنين : يالله نتجهز وعلى بيت خالي قبل تغير رايها
هديل : انا بدق على البنات اقولهم ..
حنين : وكلمي خلود من زمان عنها .
هديل : ايه عشان اخلي ابوي يمر عليها .. ونروح نسهر هناك
حنين : اجل اقولك بروح اسوي حلى ناخذه معنا.. عشان تحلوو الجلسه
هديل : اوكي ... يالله فزي الحين وسويه عشان يمدينا نروح
حنين : طيب
:::
:::
:::