يا خاطفي وين ألقى عزتي في زمان المذلة !
سحر : اووف طفشت من الكيمياء قسم بالله جننتني
ريم : بالعكس عاد احلى من الاحياء ووع الكتاب كل الصور تلوع الكبد
سحر : ريم .. تصدقين اليوم لينا شنو تقول لي
ريم : شنوو قالت اشوفكم اليوم جالسين لحالكم وعندكم سالفه حماس
سحر : بس ترى هي موصيتني ما يطلع هالكلام لكن بقولك اعرفك ماتقولين لاحد
ريم سكرت الدفتر وعدلت جلستها : ياسلاااام سالفه حماس تكلمي يالله
سحر تحط رجل على رجل وتشرب كابتشينو تبي تحرق اعصاب ريم : اممممم والا اقولك انسي .. البنت محلفتني .
ريم تطالعها بقهر حطت المخده بحضنها عشان تتحكم باعصابها : سحورتي ياقلبي .. قولي يالله
سحر تطالعها بنص عين : سحورتك ..من متى الدلع
ريم تترجى سحر وبعيون حزينه : سحر قولي يالله وربي تقهريني باسلوبك هذا
سحر : هههههههههههههه هذا اللي ابيه .. يالله بقولها لك يادووبه
ريم تعدل جلستها وترتسم ابتسامه على وجهها : ياللـــــــــــه
سحر : تتذكري ولد ولد عم لينا اللي يرسل لها رسايل مع اخته وكذا
ريم زاد حماسها : ايه ايه افتكرته ..هزاع صح
سحر : ايوووه هووو ... امه كلمت امها وبيجون يخطبونها رسمي
ريم فرحت : من جد ... ضمت سحر وهي مستغربه .. وـآآآآآآآآآآو .. مو مصدق الحمدلله يعني حبهم ما مات .. وربي فرحت من قلبي .. بروح اكلمها وابارك لها
سحر تمسكها مع يدها : هي قالت لاتقولي شي الا لما يصير كل شي رسمي
ريم : ولو هي صديقتي بروح اكلمها اكيد الاقيها بالمسن ... وركض على الجهاز قلت سمر عليه
ريم : سمورتي ياغلاتي ممكن اجلس عالجهاز شوي
سمر : ياسلام يعني ما تنكدون الا لما يكون دوري على الجهاز
ريم : قلت لك بس شوووي ... ارجوك .. بليزززز ...
سمر تلف وجهها للشاشه وبعناد : مافـــي اليوم دوري وبقراء روايه خطيره لو سمحتي ابعدي عني
ريم ولعت من القهر وضربتها على راسها : هين يابخيله بيجيك يوم تطلبين واردها لك ..
واتجهت لغرفه شوق ... دقت الباب بشوويش
شوق : تفضلي ..
فتحت الباب بشويش وشافت شوق على سجادتها وتصلي والمصحف جنبها
ريم : لايكون قاطعتك شووقه
شوق : لا ياقلبي .. بغيتي شي ؟؟!!
ريم : ممكن اخذ الاب توب حقك .. اليوم دور سمر على الجهاز الثاني
شوق ابتسمت لها : خوذيه ... وسوي اللي تبين فيه بعد
ريم بوسها على خدها : الله يخليك لنا ياشوق ماراح نلاقي زيك
شوق : هذا بس عشان الاب !!!
ريم : لاوالله مو بس عشانه .. انتي اخذتي محل الام بهذا البيت
شوق : يارب اقدر اعوضكم عن الام اللي فقدناها
ريم : ان شاء الله بتقدرين ... يالله باخذ الاب واحسر بسمووور
شوق : ايه خليها تنجلط ههههههههههههههههه
ريم : والله لا افقع مرارتها ... تبين اجيب لك شي
شوق : لالا مابي شي
ريم : اجل بروح للغرفه
:::
:::
:::
دخل البيت واتجهه لغرفته لانه متاكد انه بيكون موجود فيها .. فتحت الباب وشافه منسدح
على سريره ...
فهد : خـــــالــــد
خالد : جيت اتطمن عليك بعد البارحه ... عساك مرتاح الحين
فهد : ايه اشوى من امس بكثيررر
خالد : طيب افتح البلوزه بعقم لك الجرح ... يبي له تعقيم
فهد : انا نظفته وحطيت عليه مسكن
خالد : لالا افتح يالله انا بسويه لك
فهد : تيب شوف الادويه بالدرج .. عبال انزل البلوزه ..
نزل بلوزته وخالد مركز على الجروح ينظفها ... وفهد كاتم الالم بداخله .. مع شكل نغزة الم .. يتذكر فيه شوق وكلماتها ونظراتها له ...
خالد : المفتريه حرااام اللي سوته ... مو بنت ذي مجرمه
فهد : مجرمه !!!... واللي سويناه حنا مو اجرام
خالد طالعه بصدمه طاحت القطنه من يده : انت تقول كذا
فهد : خالد خلص التعقيم بسررعه ... قرفت من روحي
خالد : طيب طيب .. الحين اخلصه ... بس انت حاس بالذنب
فهد اعطاه نظره حاده : اي ذنب انا ماسويت شي ... هي مكتوب لها كذا من قبل ماتنخلق
خالد : توك تقول مو حرام اللي سوينها
فهد : انت تعرفني زين ما اندم على شي .. وحتى لو اني قلت ذا الكلام مايدل على اني
ندمان او حاس بالذنب ...تستاهل اللي صار لها .. والله ما اتركها لاوريها مين فهد الجابر
وكيف تتجراء وتسوي اللي سوته معي .. كل الآلم اللي حسيت فيها بتذوقها مني .. لكن كل شي بوقته حلووو
خالد خاف من كلام فهد : خلاص اتركها تروح بحالها ... وانسى اللي صار ولاتفكر فيها
فهد : انا افكر فيها ...ههههههههههههههههههه .. ليش شايل عقلي بيدي
خالد : خلاص يافهد ... ويش صار لك انت متغير مرره زايد غموضك وبعدك عن الكل ..
ويش الاسباب قولي ... ويش مخبي علي من بعد وفاة امك وانت شخص غريب عني
فهد : ارجوك ياخالد لاتضغط علي لما بقولك اجيك واقول كل شي ... ارحمني ياخي كافيني
اللي فيني
خالد : اذا احتجت شي كلمني واكون جنبك ... مضطر اروح مبين انك تبي تجلس بروحك
فهد : لاتزعل مني بس انا هاليومين ماني طايق احد
خالد : الله يكون بالعون
:::
:::
:::