يا خاطفي وين ألقى عزتي في زمان المذلة !
:::
:::
:::
بالجامعه
كانوا جالسات لحالهم انعزلوا عن الشله بعد اللي صار كل وحده لاهيه بحياتها واهتماماتها ودراستها او امور ثانيه شاغله تفكيرها
جات كوثر لهم وكلها اشتياق لسوالفهم وكلامهم
كوثر : كيف الحلوين اليوم ؟
رغد وشهد : الحمدلله بخيررااات
كوثر : من زمان عنكم .. ماتقولون لنا صديقه اسمها كوثر ندور عليها
شهد : اعذرينا حبيبتي والله مشغولات بحياتنا
كوثر : صدقتي الدنيا تلاهي .. ويش اخر اخباركم ايش مسوين ؟؟
رغد : الحمدلله ماشي الحال
كوثر : سويره وينها مختفيه مرره وحتى فاتن شفتها قبل يومين ... شرقت شهد بالعصير اللي تشربه ..
رغد تدقها على ظهرها : صحه صحه !!
شهد بانت العصبيه على وجهها : كوثر بليزز بتجلسين معنا اللي اسمها فاتن لاتجيبين طاريها على لسانك اوكي
كوثر : اوكي لاتزعلي .. ويش فيك عصبتي علي ؟
شهد : ماعليش انا اسفه بس فاتن لاتجيبن طاريها عندي هالحقيره الواطيه
كوثر : ويش مسويه لك ؟.. الظاهر بينكم سالفه كبيره
رغد : لا سالفه ولاشي بينهم سوء تفاهم وافترقوا عن بعض ماعاد صاروا صاحبات
كوثر : الله اعلم بس فاتن يوم شفتها فيها كدمات وضربات يوم سألتها قالت صار لها حادث بسيط
شهد بحقد (ليتها ماتت وفكت الناس من شرها هذي شيطان على هيئه بنت تسحب الخلق وتورطهم حسبي الله عليها كنت الوم ريماس ووقفت معها والحقيره خانتني وخانت العهد اللي بيننا خساره تكون ادميه هذي مريضه ))
رغد : سلامتها ..(( احسن ان شاء الله من هذا واردى يارب.. مايكفيني اني اشوفها تنكوي بالنار حلال اللي يصير فيها كانت بتدمر شهد والله العالم ويش سوت بغيرها وغيرها هالمجرمه ذي ))
كوثر : ويش فيكم ساكتين !!
شهد : مافي سوالف مرره طفش
كوثر : على فكره ترى ريماس انخطبت وحفلة خطوبتها يوم الخميس
رغد وشهد بصدمه : صــــــــــدق !!
كوثر : ايوه صدق انا سلمت عليها وقالت لي
شهد وقفت : انا بروح ادورها ..
رغد : خوذيني معاك .. عن اذنك كوثر
كوثر تطالعهم باستغراب : تفضلوا ... ايش فيهم كانهم مقروصات غريبه الايام هذي مرره اتغيروا يالله كل الناس تتغير مو بس هم