[الاصدقاء]

اهلين اخت/ وداد .. من غير دال طبعا في الاخر : )
يعني هي الحروف بفلوس .. ونقصت عليك يا "ودا" : )


.. ، ترى امزح : )-


اسلم .. واصبح عليك، واتمنى يومك حلو زي : )
<< الثقة زايدة : )-
لا عن جد، ..
لو قلت حلو زيك .. كان حيقولوا جالس يغازل : )
فالله يعينك .. تتقبلي دعوة حلى يومك زي
<< ترى مرة مو حلو .. خخخخخ : ))



اضم صوتي للاخ الكريم / رهن من .. وزيادة
فالموشوع مو بس را ئع، .. الا ويزيد عن الروعة ..
في حساسيته .. واهميته في زمان إحولّة فيه عقول الناس واخلاقها


تعرفي؟ ..
الافكار اللي تمر في راسي وانا اقلب موضوعك في ذهني ..
ممكن اَّلِّف منها مجلدات


لكن، خليني اختصر

اختي الكريمة
ما نقدر ننكر تاثير حضارة هالزمان العلمية علينا
خاصة كدول، صنفونا، عالم ثالث متخلفة

ولا احد برضو ..
يقدر ينكر كذلك التاثير السلبي ..
لـ هالمنجزات العلمية الاجتماعي والاخلاقي

ونقطة مهمة، هالتاثير ..
تجديه حتى عند اصحاب الحضارة انفسهم
يعني مو بس عندنا .. او علينا احنا بس

فالتبعات السلبية لـ هالاختراعات، وسميها ضريبة ان شئتي، ..
عالمجتمع واخلاق الناس .. عمت العالم باسره
حتى العالم اللي جات منه


مشكلة التقدم العلمي الحاصل في سبل ووسائل الاتصال
انه يعزز – عموم ظاهرة اخرى ..
لمفرزات حضارة اليوم .. الغربية - من عزلة واستقلالية الفرد


يعني لاحظي، ..
في الوقت اللي نجح فكر حضارة اليوم .. الغربية ..
من انها تحفظ للفرد حريته وحقوقه واستقلاليته كفرد ..
وفي حالات كثير .. حتى حمته من اقرب الناس اليه - زويه -

لكنها بالتالي .. حطمت اقوى العلاقات الاجتماعية بفطرة خلق البشر ..
ممثلة في العلاقات والروابط الاسرية



ما اعرف اذا انتي معايا .. وكلامي مو عميق بزيادة ..
لدرجة ابدو فيها وكاني عم اهزي .. او اتكلم في موضوع تاني


قبل ما احصر تعليقي في اطار وحدود طرحك .. لموضوع "الفيس بوك"
حاختم اللي ذكرته فوق – وفي فحوى حصر تعليقي ومضمونه ..
ردي الاعمق على ابعاد موضوعك –

وهو ان حضارة اليوم – الغربية – مو بس حتقضي على كوكب الارض،
وزي ما هو حاصل من تبعات التلوث .. ( على سبيل المثال لا الحصر
.. ثقب الاوزون، ارتفاع درجة حرارة الارض، ذوبان القطبين المتجمدين)
وخلق خلل كبير في التوازن البيئي اللي يدعم وجود الحياة على الارض

وانما ..
حتقضي حتى على البشر انفسهم
بالاخلاقيات السلبية اللي جات مصاحبة لـ هالحضارة



طيب، ..
مشكلة تاثير وسائل ووسائط الاتصال والتواصل الحديثة
في ايجادها سبل وفرص لممارسات في السر محرمة/ ممنوعة ..
موجودة من مراحل مبكرة جدا جدا
، ممكن ترجعيها في مرحلة .. لما عرف بزمانه بـ"المعاكسات الهاتفيه"


وهي – وسائل التواصل - من خلال، ومع تطورها الكبير والسريع ..
كل ما لها عم تزيد من تيسير وتشجيع ..
وايجاد اجواء اكثر اتاحة للمارسات اجتماعية محرمة/ ممنوعة



طبعا، ..
ممكن يجينا واحد أحول بذكؤه، ويقول :
احنا مجتمع اسلامي محافظ .. لنا خصوصيتنا ومنزهين عن ..
هالحركات .. وتاثْر هالاجهزة

نرد عليه بلغة البادية، ونقوله : معصي يا منزه يا ابو خصوصية

للاسف، مجتمعنا .. وفضائحه تشهد بالحجم الكبير ..
اللي بسبب هالخصوصية الزائفة ..
يئن من ارتفاع نسب الممارسات الاجتماعية المنحرفة بالسر


وانما واقع الامر، ..
ان تاثير حضارة اليوم الغربية، واللي فرضت نفسها عليك ..
لانك متخلف .. وما عندك حضارة اسلامية، .. ولا حتى عربية
كان لها تاثيرات من جوانب وابواب اخرى ..
– كالاعلام، اللي تشوف اباحيته ..
وانت مقفل على نفسك باب الغرفة في "خصوصيتك اياها" –
زعزت قيمك ومبادئك .. وبالتالي حتى اخلاقياتك









ودا .. د : )
طولت .. وتفلسفت .. وكترت
، كفاية كدا

هذا وايش؟ ..
قال في البداية : خليني اختصر
.. خخخخخ

يعطيك العافية
سعيد بك .. وبموضوعك

والله يحفظنا جميعا ..
من منحدر وحفرة هالحضارة الـ في الواقع .. اخر امرها ..
مدمرة .. وسيغلب سوأها على خيرها
في ظل غياب كيان اسلامي صحيح .. يوفر بديل حضاري صحيح

.. ، الله المستعان

.