في المستشفى بِ التحديد في غرفة فهد ..
المكتب هدوءْ الجو بآرد مافي غير صوت المُكيف المزعج نوعاً مآَ
كآن منهمك >متعوب عل هالكلمه <بالشغل ومو فاضي نهائي
إندق باب المكتب قال من غير لاينتبه : تفضل
صوت كعبها وريحة عطرها سبقتها قبل لا تدخل سكرت الباب وع شفتها إبتسآمة خبث ودلع
فهد رفع راسه وناظرها بستغراب وقف وقال بتعجب : أهلا
تقدمت وقالت بدلع : اهلين فيك أخبارك ؟
فهد بنفس التعجب : بخير تفضلي إجلسي
: دوم يارب تكون بخير "جلست بدلع وهي مبتسمه "
فهد رفع السماعه : وش تشربي؟
قالت بدلع يخقق وتميلح : عسير برتقاال "ولدغت الراء ">تتميلح أختنا بالله
فهد ما أهتم وطلب عصير برتقال وقهوة ساده
سكر السماعه والتفت لها : أمري اختي وش بغيتي ؟
قالت بدلع : أنا بغيت أسوي عمليه بعيوني يعني عندي ضعف نظر ومعي الفحص بس ابي تسوي لي العمليه وتحددلي يوم .؟
فهد : طيب وليه جايه عندي أنا دكتور جراحه مو عيون ؟ إذا تبي دكتور عيون أعطيكي كرته وأتصلي عليه وحددي موعد
: بس أنا جيت عندك عشاني أعرفك وأخوي دلني عليك يعني إنت شوفلي موعد
فهد بستغراب : تعرفيني وأخوكي دلك علي ؟ من اخوكي وش إسمه
: أنا فجر أخت حسآم صديقك
فهد إنصدم بعدين إستوعب وإبتسم : هلا والله نورتي فجر .. طيب بما إن حسام رسلك عندي من عيوني رح أوصي الدكتور ماجد عليكِ وأخليه يهتم فيكِ لاتخافي إنتي
فجر حسته مرة بارد رغم أنها مكحلة عيونها ومتلثمه بِ شكل مُلفت وريحة عطرها منتشرة بِ كل الغرفه يعني شكلها يخقق لكنه ما إهتم أبداً "
حست إن خلاص مالها دآعي نهائي وقف وقالت بجمود : أوكي دكتور فهد شكرا ماقصرت معي
فهد وقف وبنفس بروده : العفو وإحنا بِ الخدمه"
فجر إنتبهت إنه قال إحنا مو أنا يعني ماخص نفسه إبتسمت إبتسامه جانبييه وطلعت
فهد تنهد وعرف إنها حابته وتتميلح لكنه طنش ورجع يشتغل "
نزلت ووصلت للسيارة ركبت وسكرت الباب بعصبيه
نجلاء لاحظت عصبيتها وقالت بسرعه : ها وش صار ؟
فجر تتكلم بإندفآع وهي معصبه : يختي ولا حرك شعره بااااارد أتميلح أتدلع شوي وأقوله أحبك بس ما حس نهائي
نجلاء قالت بحيرة : أكيد ساحرته سوير
فجر : مدري بس أنا خلااص بعد ما شفت بروده غسلت إيدي وماعاد بترجاه ألزم ماعلي كرامتي
نجلاء : جنيتي إنتي إنهبلتي تتركي فهد هالمزيون لوحدة مثل سارا وفوق كل ذا ماتجيب عيال
فجر : نجلا إذا مرة عاجبك أمره خذيه إنتي أنا مابيه خلااص بكمل دراستي بالجامعه وبعدين تعالي هنا ليه كذا مرة حاقده ع سارا ماسوت لنا شي وهي وزوجها احرار إيش دخلنا بحياتهم
نجلاء : اللحين بتقلبي لي مصلحة إجتمآعيه وحاقدة عليها ومدري إيش .! أنا كذا قاهرتني وإذا إنتي ماتبي تتحايلي عليه عشان يتزوجك مصيره يتزوج ع زوجته
فجر : يتزوج الله يهنيه بس انا مابي يكون لي دخل بالسالفه كلها
نجلاء أعطتها نظرة قهر وإلتفت لِ الشباك وهي تخطط وتفكر "
بسيارة سعود "
كان الجو هدوء ومحد فيهم يتكلم .."
وصلوا الفندق سعود بفتح باب السيارة وبنزل لكن مزون وقفته
: سعود
سعود ألتفت لها : نعم
مزون : بقولك شي قبل لاتنزل
سعود رجع وسكر باب السيارة : تفضلي قولي
مزون : أنا ما بي أنزل ع الفندق أبي أرجع لفرنسا
سعود بستغراب : ترجعي لفرنسا ليه ؟ بعدين يا مزون إنتي متهمه بقضية قتل أنا أدري إنك بريئه لكن لسه الضابط ما تأكد خليكي هنآ لاحد ما تثبت برائتك كامله وساعتها تبي تسافر سافري
مزون نزلت راسها وسكتت بعدين قالت : سـ ـعـ ـود إنت لسه تبي تتزوجني ؟
سعود ناظرها نظرة مالها تفسير بعدين شاح وجهه وناظر الجهة الثانيه
مزون تنهدت وسكتت
بقوا ع هالحال دقايق ...:$
بعدين سعود عدل صوته : إحم نمشي
مزون هزت راسها بإيه
سعود شغل السيارة ومشي وهم بالطريق : إيش رايك نروح السوق تشتري لك ملابس جديدة وعبايه
مزون : حتى انا كنت بقول لك
سعود هز راسه وتوجه للسوق
في قصر أم سعود العصر "
رند كانت بغرفتها من ساعة تقريباً جات من المدرسه ماسكه الكتاب وواقفه عند شباك غرفتها تناظر وليد وهو يغسل السيارة وشافته خلص ورفع راسه وناظر شباك غرفة ريف وقعد يبتسم "رفعت حاجب بقهر "
وليد إنتبه لرند وتلبك وصار يغسل السيارة
رند سكرت الستارة ورمت الكتاب ع السرير بقهر وجلست تاكل بأظافرها من القهر
" ليه كان يبتسم لما يناظر غرفتها ليكوون يحبها ؟؟ لا ياربي وأنا "وشي من داخلها " وإنتي إيش يارند حبيتيه ليه تغاري عليه ؟
وقفت ومشت لين المرايا ناظرت شكلها "ليه يعني ما أحبه ما يحق لي مثلاً ؟
وليد وسيييييم بشكل وينحب " بس تتوقعي يا رند لو حبيته وهو حبني وتقدم لي أمي بتواافق أبوي ممكن يوافق واخواني بس أمي لاء "
قطع أفكارها دخول ريف عليها بسرعه : رنووود تجهزي اليوم البنات بجوا يجتمعوا عندنا حتى جدتي وعمتي وزوجة عمي بسرعه لأن بجو المغرب ومابقي شي
وطلعت بسرعه
رند سكرت الباب وراها بقهر وتسندت علييييه وتنهدت : أوووف كارهتها الييوم بشكل "
وصلوا سعود ومزون ونزلوا من السيارة
دخلوا المجمع وقعدوا يمشوا ..
مزون : دقيقه سعود بدخل هنآ
سعود : طيب يلا أدخل معك
مزون سكتت وإستسلمت دخلوا محل ملابس ومزون كانت تختار لها تيشيرتات
وبلاطين وبيجمآت
سعود مسك فستآن لونه تركواز مرة ذوق ونآعم : إيش رآيك
مزون إستحت شوي لأنه من ورا الضهر مفتوح قالت بصوت مخنوق : حلو
سعود : ما سمعت >يستهبل ؟
مزون رفعت صوتها : حلو كويس
سعود : تاخذينه؟
مزون إستحت بعدين قالت : آءء لا مابيه ماراح احتاجه
سعود وبباله خطه : لاء خذيه اليوم رح تحتاجيه
مزون بدون إستيعاب : هآ ؟
سعود ماخلى لها مجال تفكر : خلاص رح تاخذيه "وغير الموضوع" خلصتي ؟
مزون : إيه
سعود أخذ الملابس من إيدها وراح للكاشير
مزون تقدمت جمبه : سعود أنا بدفع لاتكلف ع نفسك
سعود ناظرها بنظرة يعني أسكتي
مزون نزلت راسها وسكتت
حاسب سعود ومسك الأكياس وطلعوا
شاف محل أحذيه : تعالي ندخله ؟
مزون : طيب
دخلوه ومزون إشترت لها كم من جزمة >أكرمكم الله >
سعود أشترى لها صندل فضي ناعم من غير لا تنتبه وحاسب عنه
طلعوا من المحل
سعود : تبي شي ثاني ؟
مزون : بس بشتري عبايه وشنط . والعطورات والميك أب أشتريه غير وقت
سعود : لاء إشتري كل اللي تبيه اللحين
مزون : لا سعود بس بشتري كم شنطة والعباية والاشياء الثانيه أشتريها بروحي
سعود فهم قصدها وكتم ضحكته وسكت >فهمتوا قصدها ....:$
مزون إستحت ونزلت راسها ورفعته لقته يناظر لها ولسه يضحك
عصبت وضربته بالشنطة : خلاص سعود مافي شي يضحك ترا ؟
سعود سكت لما شافها تمزح معه وشكلها حلو وهي معصبه
مزون بعدت عنه وصارت تمشي بروحها لحقها وهو ساكت "